وداعة الله مابقى للغلا روح
وش حيلتي والعشق ينزف وريده
سامح حبيبك وانت معفي ومسموح
لكن طلبتك تسمع اخر قصيده
قصيدةً خذها على شيك مفتوح
من واحداً ماقد نشد عن رصيده
فقير مال ولكنه غني روح
ويملك مفاتيح الحياة السعيده
لوان قلبه لاخفق كله جروح
ولاهو من اصحاب القلوب البليده
يحزن لحزن الناس ويسج وينوح
ويفرح لكل الناس لو هي بعيده
من منطلق سر العلاقات والبوح
بعلمك شي عسى تستفيده
يمكن تمرك ساعة الضيق وتروح
وتقول عادت والليالي مديده
وانا اقدر فراقك مزوح
هذي سنه والعلم عييت اصيده
عقبك قصيدي يسجعه نايح الدوح
وعقبك ترى ما للشرايد شريده
عقبك لو اخفي ضيقة الصدر مفضوح
كله علينك يالعنود الفريده
مضرم عليك ودلة وصالك تفوح
في جمبها جمر ومن تحتها وقيده
واللحين تغى الوصل ولا تبي تروح
بعد ماسمعت اغلى واخر قصيدة
04-06-2011, 04:06 PM
العرض الشجري