بسم الله الرحمن الرحيم
السلام عليكم ورحمة الله وبركاته
أعزائي أعضاء وزوار منتدى قبيلة العجمان
أسعد الله أوقاتكم بكل خيـر
هذه قصيدة للشاعر//
شافي العجمي
أعجتني وأتمنى أنها تنال استحسانكم 
ألا يا حب قل إحلاك .. لـو قـد جازلـي ماضيـك .!
وجعل أمحق دروب .. اللـي علـى دربـك تودينـي
وألا يا خلي اللي ميّـزك بـد العـرب .. ( باريـك )
وصب فيك حسـن ٍ عليـه ( الشـوق ) .. طاوينـي
عسى الله لا يبارك فالضما ... كان الضمـا طاريـك
ولا طاري ( فـراقٍ ) كـل مايطـري :- يسرّينـي !
وعسى الله لا يعـود الليلـه اللـي كـدّرت , مغليـك
سببها يومـك إتشاهـق قهـر وأنتـه .. تحاكينـي
بكيت ودمعتينك حـدّرت وأسقـت ثـرا .. ( خديـك )
وحزنك فاض من ( عينٍ ) تبـدل قسوتـي .. لينـي
دعيتك يا سمي ( الريـم ) وأنـت إتقوللـي لبيـك ؟
وأنا أنشد وش بلاك .. إتقـول :- أبيـك ولا تخلينـي
وليفي لا تلوم ( الشوق ) لا رمّد وهـو :- يرثيـك !
بعد ما حالوا ( إخوانك ) وإبـوك بينـك , وبينـي .!
وأنا , والعين , والصدر :- الكتوم بغيبتك .. نطريك .!
تمنوا شوفتك وأنا مـا اظـن ( الشـوف ) : يكفينـي
تمنت عيني إبنومي لو إنـي فـي محـل:- إخيـك .!
عشان إليا ضمت لك ترتوي من ( شوفتـك ) عينـي
وتمنآ صدري ( المزحوم ) لو إنـي محـل ... إبيـك
عشان أضم صدرك فـوق صـدري ( يـا مشقينـي )
تسلوا بالتماني عنك .. يا مشقـي ( محبـك ) فيـك
وأنا من ضيقتي حتـى ( التمانـي ) .. مـا تسلينـي
ولا أدري وش ورا ( حبك ) وقولة يا فلان .. أغليك .!
تبادلني ( غلا )؟ :- وإلا كـذا ودّك ... ( تعنينـي ) !
وسلامتكم..
31-05-2011, 12:37 AM
وجعل أمحق دروب// رووووووعــــــه
العرض الشجري