رساله الي كل من سوف يخرج في جمعة الغضب

[فالح بن مشوط]

المشاركة الأصلية كتبت بواسطة لنا بالمغرب ذكريات

بن مشوط ابن باز ماقال المظاهرات بالعالم الله يرحمه وابن باز بالمملكه والمملكه حكمها بالكتاب والسنه


انت هنا بالكويت او انك نسيت ان اللي يحكمك الدستور والقانون وحبنا لشيوخنا مافيه تشكيك

ويحكمنا الدين كلنا مسلمين ولله الحمد

المساله مجرد اصلاح

الأصلاح يتم في قاعة عبدالله السالم ولا لية صوتوا للأعضاء بالانتخابات واذا ادائهم مو عاجبكم الانتخابات جايه اعرفو من تصوتوله


اما انك تتبع منهج قناه سكوب والجويهل وفجر السعيد وطلال السعيد وعلي الراشد

عفوا أخي الكريم أنا لا اتبع منهج أحد أن اتبع قناعاتي ولا يقودني أحد مثل البعض

وتتبع منهج العضو الخانع المتخاذل خالد العدوه والحويله يحللون ويحرمون وقت مايشفون مصالحهم

أخي الفاضل أرجو انك تحترم الرجال مهما كانت مواقفهم ما يجوز انك كل يوم والثاني حاطله لقب مره انبطاحي ومره متخاذل ومره خانع الأسماء الي ذكرتها نكن لها كل أحترام وتقدير انتقد ادائه البرلماني هذا حقك لكن ليس من حقك انت تطلق ألقاب دون المستوى بحجة النقد

الكرامه وطريق المرجله واضح مايحتاج منك ومن غيرك التشكيك بولائنا لولات امورنا وحبنا لحكامنا

عفوا انا ما جيت اعلمك طريق المرجله والكرامه ولا شككت بولائك
لا تقط كلام ماله علاقه بموضوعنا وان كان طريق الكرامه والمرجله التجمع في ساحة الصفاة فهذي وجهة نظرك

اذا انت من يتبع الدين ويطبقه وتتمنا ذالك

خالد العدوه والحويله ادخلو الفرعي


وقسمو بالله العظيم ان يستجوبو رئيس مجلس الوزراء لن لم تحل قضيه ام الهيمان
لنا بالمغرب لا شفت نكي مكتوب سكرتير الحويله او العدوه او اخر اسمي الحويله او العدوه مع كل الأحترام للعائلتين كلهم ونعم تعال قولي هالكلام انا مالي علاقه بالاثنين الي ذكرتهم ولا كل من عارضكم قلتو هذا من ربع الحويله والعدوه

اين انت من هذا كله

انا موجود ولي قناعاتي الخاصه
دمت بود

موجود طال عمرك

[فهيد الهتلاني]

فالح .. قانون التجمعات قد ألغت المحكمة الدستورية بعض مواده بغظ النظر عن تفاصيل ماألغته .. والأعضاء لم يخالفوا أحد بل كانت هناك أستفزاز واضح من الداخلية ومن شكري النجار وغيره من الظباط .. بـ خصوص مقتل الميموني .. أحمد العبدالله كان يعلم بـ مقتل الميموني قبل كشف الحادثة بـ يوم واحد ولا يخبر أحد بالموضوع .. لماذا لم يحاسبه ناصر المحمد بسبب عدم كشف القضية لـ مجلس الوزراء ؟ هل يستحق فعلاً المحاسبة أم البقاء ؟

[محمد بن فراس]

فالح بن مشوط

اعتقد حنا نعرف الدين ونعرف الشريعه وكل شي ونفس الوقت حنا مانستخدمه حجه او متى مابغيناه !!

اولا نحن في بلد دستوري ويحكمنا الدستور وقوانين ونمشي عليها .

ثانيا اذا بتكلم بامور الدين هجل ليش تصوتون فرعي مو مجرمه القانون اليس هذا طاعة ولي الامر !!!

الدين يسر مهوب عسر وياليت ان حنا ماندخل الدين في امورنا السياسيه وبالاخير ممكن تجيبلي القانون اللي يمنع التجمعات ومنكم نستفيد عطنا القانون لو سمحت وناقشنا وحنا حاضرين بالادله والحجج .

مظاهرتنا كانت لرئيس مجلس الوزراء وليس لغيره وحبنا لحكامنا محد يزايد فيه علينا والمجلس يملك اغلبيه نيابيه فاسده ومن حقنا ان نتظاهر نحن الشعب وهذا حق من حقوقنا وكفله لنا الدستور .

نصيحة اخ للمره الاخيره ياليت مانزج الدين في امورنا السياسيه واعتقد من الناس اللي حاضرين دكاترة دين الدكتور فهد الخنه والدكتور وليد الطبطبائي الذين يفقهون بالدين اكثر مني ومنك .

[مجنون الشمال]

فالح بن مشوط لاهنت طال عمرك وبارك الله فيك

والدين اهم من كل شي ( ولا تقول وين الدين يوم كذا ولا كذا..)

ومشكور اخوي فالح بن مشوط

>>>>>>>شــمـــــــ تحياتي ــــالـــي<<<<<<<

[عين النسر الغاضب]

بيض الله وجهك يابن مشوط علي الكلام الطيب

كنت اظن ان اللجنه الاعلاميه لهم نفس الفكر ولكنك طلعت مختلف ربي يوفقك ويحميك

ويخليك لعينن ترجيك هذا هو الكلام الصح دمت بود وتقبل فائق تقديري واحتراماتي

[فلاح بن سويري]

لمن يقول أن المظاهرات ليست من اعمال المسلمين


الرسول صلى الله عليه وسلم خرج بالصحابة في مظاهرة لإظهار قوة المسلمين وكثرة عددهم بعد إلحاح الصحابة على ذلك، قال الشيخ عبد الرحمن عبد الخالق: "لقد ذكرت المظاهرات في معرض الوسائل التي اتخذها رسول الله صلى الله عليه وسلم لإظهار الإسلام، والدعوة إليه لما روي أن المسلمين خرجوا بعد إسلام عمر رضي الله عنه بأمر رسول الله صلى الله عليه وسلم في صفين (إظهاراً للقوة) على أحدهما حمزة رضي الله عنه، وعلى الآخر عمر بن الخطاب رضي الله عنه ولهم كديد ككديد الطحين حتى دخلوا المسجد.

[امبراطوري]

بيض الله وجهك يابن مشوط علي الكلام الطيب


والله يعينك على بعض الردود والكلام المتكرر في أي موضوع يختلف مع الرأي الأخر

وأعجبتني ردودك وإفحام بعض الردود وسعت صدرك الله يجزاك عنا خير

[فالح بن مشوط]

الأخوان محمد بن فراس & فهيد الهتلاني .

موضوعي عن التضاهرات لا تخلونا ندخل في مواضيع اخرى ونخرج عن صلب الموضوع .

محمد بن فراس أخي الفاضل أليس من أختار رئيس الحكومه هو سمو الأمير اذا كان الأعضاء الكرام عندهم اعتراض عليه خل يروحون لسمو الأمير ويقولوله حنا معترضين على اختيارك مو يهيجون الشارع .

وبخصوص الدكتور فهد الخنه والدكتور وليد الطبطبائي ونعم فيهم لاكن لأعتقد انهم يفقهون بالدين اكثر من الأمام بن باز والفقيه بن عثيمين أو العلامه صالح الفوزان .


وللمره المليون أردد وقــول : أنــــا ضـــد رئــيــس الـوزراء ماني معه ليش كل واحد يعارضكم تخلونه من صف رئـيس الوزراء ؟

[hmb99]

ابعدوا الدين عن السياسة !!!!!!!!!!!!!!!
غريب امرك
اعظم قائد سياسي في العالم محمد صلى الله عليه وسلم
وهو رسول هذه الامة
انصحك بقراءة كتب السير ولا تكثر من الامعان بنظرية مكيافللي

[محمد بن فراس]

فالح بن مشوط

للاسف مارديت على اي سؤال

اولا وين قانون التجمعات اللي يمنع اذا كان فيه شي يمنع صح كلامك معناته مايجوز اما مافيه قانون وين التجمعات .

ثانيا ارد واكرر اذا الفرعي مجرم قانونيا ليش تصوتون فيه مو حرام !!

الواحد مو يشوف بعين ويسكر بعين وبعدين اللي تظاهر الشعب مو النواب النواب احضرو حالهم حالنا والشباب هو من كان يقود المظاهره !!

المجلس مغتصب من الاغلبيه النيابيه الفاسده ولعبة في القوانين والدستور ولايوجد امامنا يالشعب الا الشارع لان الاغلبيه دمرت كل شي .

بالاخير المظاهرات اللي ماتجوز هي التي ضد الحاكم او الامير اما مظاهرات وفق القانون وكانت دفاعا عن الدستور مافيه شي يمنع منها !!