كذا وأنا جالـس ومقهـور فالبيـت
...... كسرت باب الصمت لعيون الأصوات
وفتحـت شبّـاك المحبـة ونـاديـت
....... وينك حبيبي؟ قلتهـا عشـر مـرات
اشتقت لك 00 ناديت لك بس ماجيت
...... وأنا أحترق لك شوق في كل الأوقـات
فكّرت إنـي أتصـل بـك ودقيّـت
......... وأذكر أنـا رقمـك نهايتـه تسعـات
غريبة إنـك شفـت اسمـي وردّيـت
...... والأغرب إنـك لـي تـردّ التحيـات
لنّي قبـل مـدة غلطـت وتماديـت
...... في حق قلبك لكـن الحـب مامـات
أبيـك تعذرنـي إذا كنـت زلّـيـت
...... وابي تسامحنـي علـى كـل مافـات
وابي ليا منّـك مـن البعـد عانيـت
....... تـدق رقمـي ونتناصـف بالآهـات
وابي ليا منّك علـى النـت خشّيـت
...... تفتح شظايا الشعر وتشوف الأبيـات
دامـك تربّعـت بخفوقـي وتكّيـت
...... أكيد بكتب فيـك يامشغـل الـذات
وعذراً على الإزعاج لو كنت دقّيـت
...... في وقت ماهـو وقـت للإتصـالات
20-10-2010, 04:56 PM
دامـك تربّعـت بخفوقـي وتكّيـت ... أكيد بكتب فيـك يامشغـل الـذات
العرض الشجري