بـــــعض القـــرايب مصيبــه لشاعر فلاح عشوي العنزي

[مـح,مـد بـن راشـد]

بعضهم لو انه اخوك لا تعتزيبـه
والكفــو خاوه لو انه من أقصى القبايل

- أنا اشهد إن بعض القرايب مصيبة
لا نافعك قربه ولا هـوعنك حايـل

لو كنت تطمـع بخيـرٍ ما يجيبـه
ما كف شره عنك وشيـن العمايـل

- الا واعذاب اللي حريبه
وش حيلته لاجاه مخطي وعايل

الحلـم يحسبـه امــيرهـد غليبـه
والجهل لاحق به العتـب والعذايـل

ولا يهمـه جـود فعلـك وطيبـه
ينسى معاريفـك وكـل الجمايـل

مغرور يبغى يستر بالكبـر عيبـه
وماهو بدارى إن الكبر راس الفشايل

يا ( هيه ) هذا عار والكذب خيبـه
عطنا على مدحك لنفسـك دلايـل

وش تفتخر به غير نمّـه وغيبـه
ولسانك العقـرب وشين الرسايـل

وكلٍ يســــــده يابـن الاجــــــــواد جيبـه
والزيـــن مارجَّل بنـات الحمايـل

- لا بـد للمخلـوق ان ياخـذ نصيبـه
و يا ليت لى عن بعض الشوارب بدايـل

خلاص ما عاد تاسعك الصدور الرحيبـة
روح عسا فى كذبك تشـوف الهوايـل




لشاعر
فلاح عشوي العنزي



__________________
إللــي يـبـيـنـا عــيــت ألـنـفـس تبغيه . ..وإلـلــــي نـبـيـة عـيـا ألـبـخـت لأ يجيبه