السلام عليكم ورحمة الله وبركاته...........
مـــصــــافــــــحـــه رابــــــعــــــــــــه
من الأحلام التي كثيرا..ماتعفسني..وتخليني أنقلب من سريري...لين أطيح وتوجعني عظامي
هـــــــــذا الـــــحــــــلــــــــم
شباب لو سمحتوا ممنوع التدخين......وتقربون صوب كراسي العائلات.....
بنات الحلم بدأ....ياكثر حكيكن....ولا وحده تقط نقابها...مهوب اشوالها.....
انا ماكنت ابي اتكلم بالموضوع لولا حلم هجدني البارحه...عودت للبيت عقب شفت الليل جعله مايعود,,واول مادخلت الا البيت تقول بيت ريفي اوربي لأحد الأمراء ,,سكون هدوء ,,اهل ذالبيت نايمين,,قلت الحمدلله..واول مادخلت مع باب الصاله...الله لايجيركم الا بزران اخواني لجتهم بالصاله,,كنهم من بزران النجف اللي يتداوجون عند المقدسات في نهار يحتفل به علي ذكري موت واحد من الأيات...قلت وينا ووين الرقاد...ويوم شافوني زاد صياحهم صياح...كل بيشتكي من خويه,,مسكت طرف ثوبي وتعرضت الدرج لداري,,,دخلت وانسدحت وانا تحوم علي راسي طعون ونتايج انتخابات..وصندوق معسرين..وكنه والله اعلم المصفاه الرابعه..لأن أهنا بايبات محذفه واجد..وعيسي الخليفه وكيل الصحه كل شوي وهو ناقز في راسي ..يصايح ماني بمستقيل..ويضحك..ضحكة شايب لعب التدخين بصدره..من ايام التتن يشربونه..بعظم....عقبن غطيت بالرقاد,,, الابنت مزيونه تجري بغابه شجرها اللي يغار توته من رمانه,,,وانا اتبعها عجل وراها,,,لكن وجهي مهوب اللي انا اعرفه,,ذا وجه توم كروز لا كنه براد بيت...ولا وجهي خابره ماتلفت فيه المرأه,,جيكر واسيمر,,,المهم لحقتها,,وتوني ماسكن يدها,,الله لايجيركم,,الا عجوزها واقفت لي,,وتصيح بوجهي,,الخلا,,,الخلا,,ياالملعون,,,لاحق بنيتنا,,,يمال الوجع,,قلت..ياخاله انا نيتي طيبه...انا جاي اخطبها,,قالت جعل النيه اللي تهف بك مع الهاف اللي هف ولا عود,,,ماتعلمني ياملعون الخير,,من ويلك مهرها,,اسمك ممنوع من السفر مطلوب للبنك عليك قرض,ولا أنت من اللي يشمله صندوق المعسرين,,وراتبك صار له عشرة اسنين مازاد,,بوظيفه عامه ولا حتي بعد انت وظيفتك بكادر خاص حتي نقول ماعليه,,ولا انت مع اللي افلحوا بالمجلس وفلحت,ولاانت من عيال المبادرات..أو قسيمه صناعيه,,وتلت بنتها وغدت هي وياها وانا عيني تشوف؟؟ ولساني يقول جعلش الهندي المسرع اللي متوسطين له ربع معزبه بالمرور ثمن مايعود في عينش قطره...وانا عادني ادعي الا شي يضربني في كتفي,,يوم زاد ضربه لي,,يوم رفعت عيني,,الا عصا تهزني بكتفي,,وانا عادني في هذيان النوم ,,وارفع ناظري عاد الرقاد فيني,,الا وجه مدري منهو...قلت وش ذا الوجه يناه,,الا شايبي,,عرفته من صوته,,اللي تقول نشارة خشب,,ويصيح,,راكان يمال السلال,,قم جعلك ماتفلح,,,ماهمك الا الرقاد,,,قم جعلك الوهم,,الا انا واقف علي طولي,,واصيح ,,والله العظيم اني ماسويت شي,,,قال جعل مايسويلك,,,قم البس هدومك,,,حتي تظهر الراعي صوب الغنم,,قلت يبه اروح السعوديه ذالحين,,قال تروح وانت ماتدل الطريق,,كاني عجزت ابقط فيك,,لكنك مارج,,ايتني عند امك حدر يمال الوهم....ولاتبطي لاولله ان يغدي يومك,,,يوم تسولف به رجال عجيم كلهم,وطلع يتوكا علي عصاه..وانا تمغطت علي السرير..اطالع سقف داري..وانا لامرت عيني بالزاويه..الا ذي لميس..تقولي كيفك..حبيب ألبي..وأن انتصف شوفي بالسقف..الا باريس هيلتون تقولي..how are dear..وأنا أقول ايه..وشلونكن..ماكملت الكلمه,,الا صوت أرتج منه الكبت..وتشققت منه الطوفه..وطاحت مرايتي..وأنا أفز مدري وشنهو..قلت يمكن..من ذا الطايرات..واختراق الصوت..الا الصوت مره ثانيه..ذا صوت اخترق داري..الا الشايب..والمقوله التاريخيه..التي سوف تخلدها جيناتنا راكان يمال السلال,المهم نزلت ونا مثل احساس اللي هدوموا ديوانته,,وخلوا دواوين غيره,,عشانه بدوي,,,يوم جيت العجوز الا ذا الشايب يتقهوي عندها,,ويطالعني,,كنه القيصر,,ولا ملك الروم,,وامي تقول,,,,اراكان منت بتقول انك بتودي الهنديه للطبيب يفحصها حتي تخلص اوراقها,,,قلت يابعد من لي قفيه اروح اوديها,,قالت والله ان توديها ذالحين,,يمال الصوع,,اني خابرتك ماعندك الا حكي الأنتخاب,,ولا الدواج بالدواووين,,,,؟؟؟؟وابي عندها..يقول اني معلمش..يادليل...ولدش ذا يبيله كوي علي صنقره..أما يطيب..ولا يغدي خبش..(لغير الناطقين باللغه العجميه...صنقره..هي مؤخرة الرأس...وخبش..تقدرون تقولون مهبول)...وأمي تقول..وهي تعطيني القرص اللي مسويته..أسم الله علي جنيني..من حكيك..
وأنا اتبسم للشايب..بسمة اللي توه مستلم ال50 دينار زياده...ماخذيت..الا الغضاره..موقعه في صنقري...(أيضا لغير الناطقين باللغه العجميه..الغضاري..هي ماعون يشرب به الماء..وأذا وضعت به المرقه..تسمي باديه...حقوق الترجمه محفوظه...لشركه الوادي انتربرايزبيكتشر سكرين ليمتد)..الا الشايب..قايم يبي يرضخني بالعصا..وانا اللي أنهج صوب الدرج..لابس بجامتي متعرض الشارع...الا جارنا..أبوسعود..ماعنده شغل من صلاة الفجر الي الظهر..الا القعده بزاوية بيته..ويطالع اللي رايح واللي جاي..وينشدهم عن كل شي...الا انا واصله أركض..ويفز..الا هو داعمن الطوفه..وانا مكسر فناجيله..ودلته..تدربي..بوسط الشارع..وطايحتن غترته..والحنا..عامله عمايلها براسه..وهو يصرخ علي...اهيييييييييب ياوجه...اهيييييييييب........اهيييييييييب...اللي يقطعك...كان داري..انك مهبول...وانا ادخل بيتنا..من صوب الحديقه(شدعوه الحديقه الملكيه)
عقبن حسيت بشي كنه..يقرط برجلي(أيضا لغير الناطقين باللغه العجميه..يقرط..أي يعض..من عضه)...يوم انتفضت ,,ثمن وعيت,,الا انا احلم,,ولا ذا كله حلم,,وانا راقد,,,ووعتني الجازي وهي تصيح,,,بابا اكن...بابا اكن,,,قوم,,,قوم....
07-08-2008, 03:52 PM
من غير أمها طبعا ..
العرض المتطور
