.*.*.مطبخ منتدى العجمان .. مطبخك سيدتي فلا تبخلي علينا .*.* ..'. مزعلة النساء&حظي بري

[Najla]

مزعــله ما فتـــح معــي

[Najla]

يعطيـش العاافيـّه / زعـوولـه .,

و إن شاء الله إن لقيت طبخه سهـله و حلـوهـ " أهم شي سهله "

حطيتها لـكم ..,

كل الشكـر فور يـو .!

[بــ راكان ــنت]

السلامـ عليكمـ ورحمة الله وبركاته ,

صباحكـ احلى من القيمر والعسل والطبخ والنفخ اختي ,

كيفك؟ اتمنى تكونين بصحه وعافيه ..

مباركـ عليكـ الشهر , ,
ـ
فكرتكـ مرّهـ حلوهـ , ,
بس ياليت لو يكون الموضوع خاص بالطبخات الي احنا نسويها , يعني مايكون فيه نقل ولا شي !
يعني حتى ولو طبخات متعارف عليها , عادي لان كل بيت له اسلوبه بالطبخ!
هيك بيكون حماسي اكثر ,
وان شاء الله نشوف مع الايامـ , مطبخ بيتنا شنو ينتج :d


دُمتـِ جميله ,

[# أم أطياب #]

السلام عليكم ورحمة الله وبركاته



نعود لاستفتاح مطبخنا الرائع ....................................

ولكن ,,,,,,,, جاري التصوير

فأبشروا بأربع أطباق راااااائعة من الحلو البارد لرمضان ,,,,,,,,, الليلة

8
8
خوش دعاية
..

لا بس جد والله حبيباتي الليله ان شاء الله بصورهم واحطهم مع المكونات والطريقة

تحياتي ...................................

..

[gravity]

مرحبااا زعووووله

بصراحه دائما تفاجأيني بنشاط ومواضيع مميزه ...

حظي بري حياتي انا دمجت موضوع زعوله مع موضوعج عشان ما يضيع تعبنا بذاك الموضوع



أأأأأأأأأألف شكــــر والله لايهينك

يالله ورونا الهمه نبي حركات new * new

[مـزعـّلـة ـآلـنـسآـآ]

السلام عليكم ورحمة الله وبركاته

مشكورين يآ عسولات الله لا يحرمني توآجدكمـ ..

وانتي يآ حظوظه لا تزعلين .. بسوي كووبي لطبخآتك يآ فنتيكه وبطبقهآ بإذن الله ..

gravity .. أشكركـ ع الجهود وتعبنآكـ معنآ .. لآهنتي يا العسل .. ويسعدني إنه يجمعني موضوع مع الغلآ كله حظي بري .. والله لا يحرمنآ منهآ ومن مشآركآت بآقي البنآت ..

حظوظه بإنتظآر أطبآقكـ ... << يه يه طبآخه البنت :P

أتمنى للكـل الإستفآدهـ ..

دمتوآ كمآ تحبوووووووووون ...

إختكمـ زعووولـه ..

[مـزعـّلـة ـآلـنـسآـآ]

يـآكـ مع طبقي المضل يم يم يم يمــي

[مـزعـّلـة ـآلـنـسآـآ]

السلام عليكم ورحمة الله وبركاته

حبيبآتي ... اليوم دخلت المطبخ وقحّصت شويه ..
وجبت لكمـ صور خبيصي .

أولآ :

حلى النحل + كم وردهـ ..

المقآدير :

12 كيس بسكوت شآي ( الصغير اللي يجي فيه 5 حبآت )
1 قيمر - او قشطه
3/4 نستله ( حليب مركز ومحلّى) الحجمـ الكبير
3 ملآعق كبيره زبدة الفول السودآني
* كآكآو سآئل(هيرشي)


الطريقه :

- تطحنين البسكوت وتخلينه نآعمـ
- تضيفين له المقآدير كلهآ وتعجنينهآ إلين تتمآسكـ .. وإذآ حسيتي إنهآ مومتمآسكه زيدي عليهآ بسكوت نآعمـ ..
المهمـ ..تكورينهآ باليد ع الشكل اللي تبين ( النحل أو الورد )
وبعدين تصفينهآ في الصحن .. وتزينينهآ بالكآكآو الهيرشي /تسون لهآ خطوطـ (خطين)..
وبعود الأسنآن تنقطين عوينآتهآ ..وتزينينهآ تحطين لهآ أجنحه وحركآت .. والورد نفس الشي وبــــس

وهذي الـصور ..

7
7
7




نحلآت زعووله من قريب
7
7



أتمنى تكون أعجبتكمـ ..
بالهنآ والعآفيه


ثآنيآ :

الفطـآير << في الطريق ..

[هند]

السلام عليكم ورحمة الله وبركاته

مساءكم ورد

حظي بري ، مزعلة النساء
جزاكم الله خير على هالطرح الرائـــــــع
ماشاء الله عليكم طباخات ماهرات
أنتم وكل من شارك معكم

أختي حظي بري
أنا نقلت كثير مما كتبت
وإن شاءالله بجربهم في رمضان
وصفاتج لذيذة وسهله ومجربة ماشاء الله عليج

سبب نجاح الموضوع إن أغلب ما طرح من وصفات هو من صنع أيديكم يعني مجرب
نقدر تثق في المقادير

كل التقدير لكم
في انتظاركم

هند

[# أم أطياب #]

السلام عليكم ورحمة الله وبركاته

..

بصراحه استانست لما تم تثبيت الموضوع ,,, برغم اني كنت أطالب بتثبيته من زمان
..
بس يمكن رمضان خير علينا وعشان هيك تم تثبيته وكمان الاخت العزيزه مزعلة النسا وجهها خير علينا بتثبيت الموضوع
..

عموما
..

وعدتكم مثل منتوا شايفين اني أحط لكم أطباق حلو روعه من ايديني
..
ولكن

..

أخلفت الوعد ................. ويوم كنت منسدحه واتذكر

..

وقلت مستحيل مستحيل اخلف الوعد ,,,,,,, حتى لو اصورلكم بقايا الحلو
..

طبعا انا سويت مايقارب ال8 أطباق ايه والله اني صادقه ..............بس

بس ماشاءالله 4 أطباق مالكم أمل اختفوا

و4 مازال بقايا منه على قيد الحياه

..

عموما << عاجبتني هالكلمه

..

صورت لكم هالـ4 ,,,,,,,,,,, والله الشكل مو ذاك الزود لانه ترايا بس قسم بالله الطعم ولا اروع

..

يمكن بعضهم تعرفونه بس حبيت أعلم للي ماتعرف للطبخ << الرفله ,, أعلمها به

..

وباقي الاطباق اللي قضى عليها بسويها بعدين واصورها واعلمكم وصفاتها
..

ألحين خلونا مع الموجود

..

7
7
7
7

نبدأ بــ حلو الأنانااااااس
..




..
المقادير /// علبه بسكويت دايجستف تطحن جيدا ,,, استكانه زيت مازولا أو أي زيت طعام ,,, استكانة ماء
8
8
تخلط جيدا ببايركس وتعجن ثم ترص بالقاعده
..
مقادير الخلطه /// 2 قيمر ,, 2 دريم ويب ,, 2 علبة أناناس أصغر حجم << مثل حجم التونه الكبيره ،،
8
8
يخلط القيمر والدريم ويب واحد علب الاناناس بالخلاص ثم يسكب على البسكويت
..
ثم يزين بعلبة الانانس الاخرى كما بالصوره <<< طبعا مأكول بعضه اللي بالصوره


ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــ


والحلو الآخر
........... بر الوالدين ............




..
المقادير /// 5 بيضات .. 3 أكواب ماء .. ثلاث أرباع كوب للسكر ..كوب ونص حليب بودر ..
8
8
تضرب المقادير السابقه جيدا بالخلاط الكهربائي ثم توضع باناء دائري مفرغ من الوسط <<اتمنى عرفتوه
..
ثم يرش فوق الخليط قليل من الهيل والزعفران
..
ثم يوضع في حمام مائي حتى يتماسك .. << حوالي ثلث او نصف الساعه
..

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــ

أما الحلو الثالث
..
حلو الفراوله <<<<<<< ترى أسمي على كيفي





طبعا المقادير /// كيك الرول اللي داخله حشوه بأي نكه تبين << ان شاءالله عرفتوه ,,, جيلي فراوله ,,, كوب ماء دافي ,,, 2 قيمر ,,, 1 دريم ويب ,,, 6 كيري ,,, فراولة معلبة ,,,
..
يقطع الكيك << طبعا يصبح شكله دائري لانه رول ... ثم يصف في << بصراحه انا حطيته بالحديد اللي يتبطل على الجنبين لما نقدم الحلو ,, أو باركس بكيفكم ,,,
..
ثم يوضع في كوب الماء الدافي نص كيس جلي الفراوله ويحرك حتى يذوب ,, ثم يشرب به الكيك
..
بعد ذلك تخلط المقادير القيمر والكيري ودريب ويب جيدا ,, ثم تسكب على الكيك ,,
..
ثم بالنهاية تزين بالفراوله المعلبة


ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــ


والحلو الرابع
..
اكيد تعرفونه اللي يسمونه عيش السرايا << مادري ليش هالاسم
عموما





المقادير /// توست منزوع الاطراف يحمص بالفرن ,,, 2 كريم كراميل ,, 1 قيمر ,,, 1 دريم ويب ,,, قطر << شيره
..
بعد مايمحص التوست يصف في صينيه على طبقتين ,, ثم يشرب بالقطر حسب الرغبه
..
ثم يتم عمل الكريم كرميلا كالعاده <<< يوضع مع ماء ساخن ويحرك ,,
..
ثم يصب على التوست ويترك الى ان يجمد <<< ترى راح يجمد بسرعه لانه كريم كرميل
وعلى مايجمد تكونين مجهزه خلطتج القيمر والدريب ويب بالخلاط ثم يسكب عليه
..
طبعا بالنهاية زينيه بصلصة الكاكاو مثل منتوا شايفين بالصوره

..

8
8
8

وبالعافيه

..

انتظروني مع أطباق أخرى

..

أرجو انه نال اعجابكم

..