oــــــايك الـoـنتدى

[ساندي بل]

يعطيج العافيه الجامحه ...


حلوه سالفه المجمعات


وبأنتظار يجينا الدور للمايك


<<<< ياهو بخاطر ي كلام واااااااجد ودي اقوله


<<<<<<<<<< يعني عجلوا وعطوني اياه


تقبلوا تحيااااااااااتي ...

[دااانة البحرين]

السلام عليكم ورحمة الله وبركاته


عن جد عن جــــــد
>>فكره حــلــــــــــوه<<
تشكرين على لطشها ياملامح يوسفيهــ



ويعطيكم العافيه كل اللي استلموا المايك
حبيت سوالفكم

[غصن الذهب]

الجامحه تمنيتش تتكلمين اكثر



دمك عسل وسوالفك تونّس



امتعتينا



ملامح اذا اللطش كذا كثري منه

[الجامحه!]

كل الشكر لــكم على المــــروور




اسعدني توواجــدكــم

واختــياري


لــ عبدالله ( فتــى البــزابـــيز ) ســابقــا


فقدنـــا ســووالفه \

[برقع الصقر]

بانتـظاره

[gravity]

برقع & الجامحه

ابدعتو


موقف سفرة دبي يابرقع ذبحني

الجامحه وراعية المارينا ماهيب شينه فكرتها عشان ما تقطع قلوب عيالها :d

بأنتظار ابو عابد




لاهنتوو

[بــ راكان ــنت]

فكره جميله..

و اعضاء مبدعين..

استمتعت بمتابعتهم..

و بانتظار البقيه..

[بنــ ياااام ــت]

موضوع لُؤطه

من زمان عن المواضيع الحلوه

مشكوووره اختي ملامح على النقله

قريت اول صفحتين واخر صفحتين

الشقاوية صح بوحك

وجموحه
وش ذا الابداعات
<<تحب ايدها بطن وظهر انك معانا بالمنتدى

بس صبااا كلمة همن من وين جايبتها لاعاد اتعودينها ثمن احط اذانيي واذانيتس اربع


ولي عوده
مابعد قريت حشوة الموضوع


وسلااااااام عليكم

[™ عبد الله ™]

السلام عليكم ورحمة الله وبركاته

بنزفّ أحــلى التـّـماسي .. عالرّمــش اللـّـي ناســـي
و نئــولّــوه .. إيــه ئســّــا ئلبك .. يا آآآآســي !

¥

¥

¥

يعني كاشخ بذالحركات
كلـّش مو سارقه من الـوورد ..

<< يمسح المايك بكمـّــه

أولا أشكـر صاحبة الموضوع .. على هالفكرة الرائعه
و أعتقد أنها نوع من المساحه الحــرّه أو الزاويه الشخصيـّه
يتكلم فيها العضو عن أي شيء يجـول في خاطره

وهذي فكـره طيـّبه .. ومن واقع رأي علمي عن طريق احد الاصدقاء لدى قرائتنا ومرورنا على الموضوع ..
يقول أنـّه (وعلى ذمـّته) إن نوعيـّة مثل هالمواضيع يستخدمونها في الشركات العالميـّه الكبرى ويخضعون مدراء وقياديـّين كبار على المشاركه فيها لتحسين انتاجيـّة العمـل

لان أي انسان عايش في عالمنا هذا ومعاصر لثورة التكنولوجيـا الحديثه (يعني مايبي يقول بدوي لأنه عكس ذلك ) انه يعاني من ضغوط نفسيـّه أعتياديـّه !

انا عن نفسي احسّ اني يبي لي موضوعين دسمين نفس هذا بالضبط ..
واحد افشّ فيه خلقي كل اسبوع أو متى ما فكـّيت زرار رقبتي وصرت (أومـي) براسي معلنا التذمـّـر من عنـاد واحد جنبي عيونه يطلع منها بخار الماء (بس بالتكثيف مو التبخير) من البروده ..
الموضوع الثاني ابيه سبيشل ودّي اكبّ فيه وامسح فيه كل شيء عالق في ذهني أو في ذاكرتي .. وبنفس الوقت ما عندي القدره لأني .. أخجل إنـّي أفكـّر في التفكيـر فيه ..
<<<

¥

¥
نسيت ..


الجامحه فاجأتني أو بالاحرى تفاجأت برساله خاصـّه من احد الاعضاء يقول يلا شدّ حيلك في مايكـ المنتدى !؟
ما ردّيت عليه .. لأني مدري وش قصده ؟
فـ رحت بعصا الإداره متوقع أنـّي بحذف ردّ أو ردّين !!
فـ ..رحت اشوف الموضوع لأني نسيت أن الجامحه خلـّصت حكي؟!
كنت متوقع أنها بتمدد عقدها أو بالاحرى (مره ثانيه) بتفرض تجديد أو تمديد المدّه . . فـ قلت ياخي انا مالّ من الام بي سي .. وكرّهتني في المسلسلات من كثر الدعايات ..لدرجة اني ذاك اليوم وانا طالع من البيت ،،،
أقول للوالده . . تبين شيء يمـّه ؟
قالت نبي بطاقتك بروح الجمعيـّه ..
قلت طيـّب ابشري ..
بس ترى.. ماااااااافي دانااااااااااااااو !!
^
^
طبعا الكلام أعلاه لا توجد للجامحه علاقه فيه بتاتا البتــّـه ..
الجامحه مثل المسلسل .. يعني مو الأم بي سي

بس عندي مشكله في عدم السيطرة على ترتيب الأفكـار !
فـ كنت متوقع الجامحه مهيب راحمه المايك ومتشبـّـثه فيــه
قـلـت يا ولد ..عشان تستمتع بقراءة الحالات النفسيـّه للناس وطبعا الجامحه منهم .. وبما إنـّي ما أحب اشرب بيالة الشاهي .. وشفـّــي في نصـّه الباقي !
قلت انتظر لين ينتهي المسلسل واقراه بمـتــعه ..


¥

¥


الجامحه فاجأتيني حيـــل ..
أعتقد نفس هالموضوع يبي له تهيئه نفسيـّه ..
لحد يقول : ياعمـّي مبالغ انت .. كلـّه موضوع !!
لا والله مهوب مجرّد موضوع .. دام تبي تفشّ خلقكـ صحّ ؟!
لازم تحضـّر وترتـّب زحمة المرور اللي تجتاح أفكاركـ أو مكنونه بصدركـ !!
ما اقول رتـّب موضوعك ؟ أو اصطنع كيف تضع الأبتسامه أو المتعه للقاريء !؟
لاء .. طبعا .. بل..ابدا ابدا .. مو كيذا
خلـّكـ على عفويـّتكـ بس برضوا ..(دونت بي نــيف).. !!
خلـّكـ واقعـي .. بس برضوا .. ( دونت بي بورنق) .. !!


¥

¥



عفوا ..
جرت العاده أو العرف إنّ الواحد يعرّف عن نفســه !؟

سوري .. اسهبت كثيــر .. بس جد .. لو يحصلّ لي !
كنت كتبت روايه بس ما اعتقد أنها صالحه للنشـر

أخوكمـ الفقير إلى الله ..
عبدالله ..

إنسـان .. أحسن إنـّي لو اقرأ عنوان أي كتاب !
راح افهم مضمونه ..
مهوب غرور !؟ أو تكبـّر على العلم !؟
لاء ...
بس نرجع ونقول كل يوم نتعلـّـم ..
و أنا أراهن إنـّي اكثر واحد يتعلـّم ..

اعجبني كلام علي ابن ابي طالب كرّم الله وجهه :
كلـّما ازددت علماً ؟ زادني علمـاً بجهـلي ..

انا كذلك .. كلما وصلت مرحلة الـ (توب) و اخذت معلومة جديده !؟
أحـسّ إنـّي مازلت أجهل امور كثيره !
بس أنبسـط كثيــر ...
يمكن البعض لمـّا يكون واثق من شيء وانه فلـتـه فيـه ومتوبكـه تـتـوبـكـ !؟
ويتعلـّم شيء كان يجهله في أمـره !؟
يحبط ..

ياخي أعتبر نفسك كمبيوتر فاضـي ..
لا لا مو كمبيوتر ..
الله يبعد عنك الفرمته

اعتبر نفسك .. جهاز أطلس .. مليء بالمعلومات واللغات !
أو
سيـّارة ماركة بنـز ألمانيـّه
و قارن بينهم وبين جهاز اطلس بس ناقص .. مافيه توفل !؟
قارن بينهم وبين سيـّارة ألمانيـه ماركة بنز بس مافيها وسائل آمان ولا تحديث في التكنولوجيا !؟
شوف قيمة هذا وقيمة هذاك !


¥

¥


نرجع ..
أحــبّ .. الوضـوح مع الآخريــن ..
اكره .. اللي يجازيني أو يبادلني بـ غموض !!

احــبّ .. الصراحه .. والمصارحه ..
أكره المجاملات .. ولو إنـّي استخدمها عشان أتـّـقي جرح أي انسان لأني لو صارحته؟؟
يمكن ما يخيـّطه 12 غرزه ..

أحــبّ .. !!
يمكن فيه اشياء شخصيـّه اعتقد ما راح تضيف شيء ..
فـ أبي أتكلـّم في الأشياء اللي تعني الكل أو البعض ..

والله إنـّي الأيـّام هذي بالذات ..
ما عمـري أبدا أبدا أبدا مرّيت بمثل هالزحمه

أرتباط عمـلي .. غير طبيعي
ست ساعات في الدوام واكمل عليهم خمس ساعات في البيت
هذي احدعش .. ولكمـ تقسيم الباقي على اربعه عشان تستنتجون معدّل نومي الأسبوعي ما عدا الويك إنـد ..
والباقي قسـّمهم مثل ما ودّكم


¥

¥


بما انّ حنـّا جبنا طاري العمــل ..
اخوكم خبيـر في إدارة الخبـراء بوزارة العدل ..
أدري أنه ما يعني احد لكن عشان اوضـّح طبيعة الموقف أو سلسلة المواقف .. اللي راح أسردها لكمـ ..

اليـوم هذا ..
جاني واحد .. كانت عندي جلسـة وفيه إطراف للقضيـه قاعدين فمكتبي واتناقش معهم ..
وفجأه ما اخذت الا اللي درعم ونصاني .. انا أول ما جاني بهالطريقه ..
مع أنها فترة أو في غضون اجزاء من الثانيه !
الا أنـني قد حلـّلت السؤال اللي سألته نفسي !؟
انتم معي على الخــط ؟!
وقت ما نصاني .. سألت نفسي سؤال بسرعه غير طبيعيه ويمكن أي واحد فيكم تصادفه مثل هاللحظات ..
قلت في نفسي ( وش يبي ذا ؟ )
طبعا هذا السؤال ..
الاجابه جات عاد السؤال ما بعد ذيـلته بصيفة الأستفهام هذي==< (؟)
فـ دار الكمبيوتر وقعد يدور ويدور .. لين توصـّل إلى ثلاث اجابات:
1- اكيد جاي بالغلط يبي يسأل عن طلاق والا زواج بالغلط .. مثله مثل الباقين .. بما أن حنا مجمـّع محاكم وفيه جميع الادارات !

2- اكيد انه معرفه أو جاي عن طريق أحد وله قضيـّه عند احد الزملاء ويبي المساعده أو شيء من هالقبيـل !!

3- اكيد عجمـي وقرى الأسم ..(بس ما يمديه يقراه ) وجاي يبي احد يشهد له زواج أو طلاق أو ورثه أو .... الخ الخ !!


طبعا هالاجابات الثلاث والدنيا اللي صارت .. قسم بالله أنها في ظرف اجزاء من الثانيه .. تخيـّل واحد يدخل عليك بالسرعة هذي وبالمشيه العسكريه هذي يعني كل خطوه طابوقتين سراميك !!
المهم أول ما وصل عند وجهي .. وصار قريـّب من كرسيـّي !؟
قلت بس .. خلاص . . هذي فيها دبـّاسه وعقال
ما طرى علي الا العلم الشين !..

هـو : انت عبدالله !؟
انا : امــر !؟؟ وش بغيت ؟
هـو:ياخي وووووينكـ .. لي يومين ادوّرك احوس احوس ما لقيتكـ !؟
انا : طبعا بغيت اقول ( تكذب امس وقبل امس اجازه ) بس قلت عشان اكون مباشر حيـل واحط نقطه للكلام .. قلت خلني اعرف وش غايته !؟
انا : امـر يابوي ,, وش بغيت !؟
هـو : ياخوي لي قضيـّه عندك ..
انا : طيب ياخوي انت داخل بالوقت الغلط .. عندي جلسـة الحين وقاعد اباشرها مع اطرافها .. فـ تفضـّل لمّـا اخلص الجلسه تعال ..
هو: ياخوي تكفا طالبك يالعجمي خلصني قبل تروح للجلسه !؟
انا : طبعا من الاسلوب والطريقه دريت انه يجهل امور كثيره . .
فـ قلت طيب طيب .. منهي بأسمه أو منهم اطرافها ؟
هو: مدّ علي ورقه مكتوب عليها أسم ( عبدالله العجمي )
انا : في قرارة نفسي طبعا : قلت يا انه عشانه عجمي وماين بقوّه والا فعلا مثل ما تصوّرت انا انه يجهل امور كثيره !
رحت ادوّر في الأجندة حقــّتي .. مالقيت هالاسم !؟
انا ما بعد مرّ علي اسم عبدالله العجمي وانّه محال لي قضية بنفس هالاسم !!
قلت اقطع الشك باليقين .. واروح ادوّر في الكبت حق القضايا .. طبعا قضايا مايقارب سبعين قضيـّه .. تخيـّلوا نزلتهم كلــّهم لانه صار عندي أصرار الا اني اطلع ذالقضيـه .. ( علي ا لحرام لنقـّـزش) .
تعبت وانا اشوف وانزل من هالقضايا وبعضهم ما شاء الله دسمــه لدرجة أنها مربوطه بحبل اذكر أن امّـي قبل تربط به الخيام منـوّل .. وكنـّا نحطه في مواترنا لا طلعنا البر للقلص !
فـ قلـّبت في ذالقضايا 3 مرّات مالقيتها ..
قلت : منهي ضدّه القضيه؟
قال: ضد البنك الفلاني !.
واقعد ادور واقلـّب فيها مره رابعه .. وادق عالسكرتاريه .. يشوفون وينها .. هل انا استلمتها والا للحين والا وش سالفتها !؟
المهم الخبـّه ذي كلـّها صارت في نص ساعه ..
جاني الرد من السكرتاريه .. مافيه قضيـّه بالأسم هذا !؟
انا : اخوي عبدالله .. تأكد من القضيـّه أو عطني رقمها لأن الاسم هذا مو موجـ << عادني ما كمـّلت كلامي ..
الا هو قايل : محمد طال عمرك .. !!
انا : وش محمد !؟
هو : انا اسمي محمد الفلاني العازمي !!!!!!
أنا : طيب ومنهو عبدالله العجمي اللي معطيني ورقته ذي !؟؟
هو : هذا انت طال عمرك ...!!
انا : طبعا انبيــر مؤشـّر الهيموقلوبين مدري وشو ذا حق الضغط والسكر والحراره . . قعد يلعب .. يرتفع وينزل
حتى هرمون الوناسه اعتقد انه جيـّـم عندي

صحيح كل يوم نكون موعدين مع مواقف طريفه أو مرّات تكون عجـيـبه حيــل .. بس ما تعودنا ع مواقف متعبـه مررره




وللحديث بقيـّـه ..

ع فكره تراني معذور في مطبـّات الأفكار وترتيبها في كلّ ما هو أعلاه لأن الرساله وصلتني الساعه 11 .. فـ خبـّيت نفسـي واكتب وانا في الدوانيـّه ولعب ورقه على راسي وتلفزيون يلعلع واثنين هناك على مركا يسولفون عن البورصه القطريـّه .. ومثلكم عارفين فكره شارده والثانيه وارده

[™ عبد الله ™]

مســّاكم الله بالخيــر ،،،

نلبس بدلة الغوص .. وانتبلـّل اشوي من بحر الأدب والسوالف

عقّـب صبـيّ ٍ مايعـرف المعاريـف=
ماهوب يفقد ميـت ولا ينذكـر حـيّ
واللي وقد ناره من الخوص والليـف=
لامدفـيٍ عمـره ولا منضـجٍ نــيّ
المدّعي تكشفـه صعـب المواقيـف=
(والعيّ عيّ ولين يفنى وهـو عـيّ)
من قال: أنا يا أهل الركايب لكم ريف=
يفعل مثل "بوخوذه" و"حاتـم الطـيّ"
الطيـب ياباغيـه دونـه تكالـيـف=
ماحاشه اللي من خلق ماخسـر شـيّ

القصيده ذي تذكـّرني بالمثل أو السالفه المشهوره
اللي تقول " كسـّر شداده و أرنبه رابضه "

هذا اللي يسلـّمكم .. مسافر .. و على ذلوله وذابحه الجوع .. ويشوف تيك الأرنب .. كنـها نازلتن له من السماء ..

وينزل من ذلوله .. واشوي اشوي يدرّجها ليـن ثبـّت مكانها ومربضها ..
ومن شدّة الجوع ماقدر يتحمّـل الرجّـال ..
فـ راح يدوّر خشيبات يشبّ بها ضوّه ... تمهيدا لـ شوي وجبة دسـمه تسكت صرخات مصرانه !
وتخمـّه القلاع ..
والله مدري عاد هي قلاعه والا هرمون الغباء بدأ يمارس طقوسه ويفرز بكـثـره !
ويعوّد على ذلوله ويحوّل شداده ويكسـّره ويولـّع فيه ويشبّ ضوّه ..
يوم عــوّد على أرنبه الا هذا مربضها !!

¥

¥

بما أن حنا جبنا ذالسالفه .. طرت علي ذلحين سالفه قديمه بس مهيب عن الغباء !
عن الدلاخه ! ..
أو عن الدباشه !..
أو يمكن لو كان فيه علماء نفس وقتها يمكن يحلـّلونها أكثر ويحطون ايدينهم ع الجرح !.
الوكاد هذا رجـّال ومرتــه في بيتهم ويسـّير عليهم ذاك الضيف .. ويامرحبا ومسهلا .. وعقب الترحيب . . رح الرجـّال يجيب كرامة ضيفه ..
وما أن جابها حتى شاف مرته تشـّر له !!
وش العلم يا مره !؟
السكاكين اللي عندي مهيب منسنـّه ولا تقطـّع اللحم ! !
الرجال : وش الحيله !!؟
طيـّب روحي لقصرانا هاتي منهم سكاكين وان ما عيـّنتي هاتي مسنـّه(مهيب حقت بحر ).. و لحدن يبطي علينا !!
المره راحت .. وصادف أن قصراهم كان عندهم حفــل .. مدري عاد هو عيد ميلاد والا احتفال نجاح والا وشهو؟ الوكاد انه حفل وبس ..
ويقعد الرجال مقابل الضيف ..الا الصفره ختمت .. والمره ابطت عليه !
ويطمـّهم الليـّل .. والمره ما عوّدت ..
وما هي الا لحظات حتى راح الرجال ودبّـر نفسه .. وجاب له سكاكين !
الحين يبي من يطبخ الذبيحه !؟
والهانم مهيب موجوده !؟
راح لها عند قصراهم .. الا الدنيا مشعلله وملعلعه !!
يدوّر زول مرته بيننهم ؟!
الا هي تيك يلمحها .. ويقعد يأشـّـر لها ..
لكن ما حولك احد
المره راعية واجب .. قاعده تراقص بنات ونسوان قصراها
وما هي الا لحظات .. الا والرجـّال وسطهم .. طابّ(ن) على مرته ويراقصها ويقوم بالواجب هو بعد ..
في منظر كله رومانسيـّه وحبّ لكل من يشاهدهم

واثناء ماهو يراقصها .. الا الغيره والخوف على الرجال من عيون النسوان دفعاها إلى أن قامت تدعـّـس رجيله (يعني نعنبا ذالوجه وش جايبك عند النسوان) !
وقعدت تنشد وتقول : مضربح تيـسـنا الأضبح .. يضربح وسط معزانا
ويقعد يردّ عليها هو والسكاكين اللي دبّر حاله وعيـّنها .. كان رافعها بأيدينه ويأشـّر لها فيها وينشد ويقول :
أرعـينـي ميـر أرعيـني .. شوفي بــراق سكـّيني

فهمت الزوجه الرساله شديدة اللهجه .. وطلعت مع رجلها !

السؤال أو ما يستفاد من هذي القصـّه :
هو إنـّك لو كانت عندك حرمة كذا وصار لك مثل ذالموقف ! وش بتسوي؟ وكيف بتتصرف وتدخل على حريم يرقصن !؟
وهل تعتقد إن هذا تصرّف حكيم من الرجال عشان ينقذ ماء وجهه عند ضيفه ويضيع عند نسوان قصراه !؟

وللحديث بقيـّه ..