بسم الله نبدأ ياابن شعلان .

[ريح الشمال]

اهب يا نابه اشهد صاحي سنون = يجتر عقب الغداء الين اعشيه
يراعي بعيونه والأجانب ياكلون = يحوس البوفيه ويقضب زاده بايديه

[الفايز]

ما احب طبع العرب علي البوفيه يردون = طبع الغنم لا وردت والراعي يسقيه
كلن معه ملعقه وقاضب صحون = اخيه من طبعكم ياربعنا اخيه

[هند]

السلام عليكم

الأخوة الكرام

ابن شعــلان ، الفايز

صح لسانكم ولاهنتوا

أبيات رائعه

امتعتونا ، جزاكم الله خير

واصلوا وحنا متابعينكم



لكما تقديري
السؤدد

[ريح الشمال]

ياهل الخطوط الطايره بالله تكفون = شيلوا غلامن نبا لداره نسريه
من اول سارح مع البل ويجرون = حسبي على اللي جابه عيا يوديه

[الفايز]

ياربعي متى يصيح الناس بيمشون = والعوده لدارنا بانت مواريه
يامجلسن خابره وانتم تعرفون = عقب صلاة الفجر فنجالنا فيه

[الخريف]

اشكر كل من الاخوان الشعار

ابن شعلان والفايز

على ماقدموه وامتعونا به

صح لسانكم مليوووووووووووووووووووووووون

واصلوا وحنا متابعينكم

[العلياء]

عاااااااجل

لأبن شعلان والفايز .. نتمنى منكم مواصلة التبادل الشعري الجميل ونستغرب انقطاعكم من المرادات الشعريه .... ولا نقول الا عسى المانع خير انشاءالله

ونحن في انتظاركم

[الفايز]

ياشيخ انا ناطر متى تعزموني = ويلي علي ذوقة كنافة حبيبه
ومنين ما صديت في ايدي تيلفوني = واصبر نفسي بالتمر والغبيبه

[ريح الشمال]

تبطي ماتسمع مني كلمة تموني = حسبي علي اللي يعزمك في حبيبه
من ذقتها صابك هبالن وجنوني = فضحتنا وعلمك كلن دريبه

[الفايز]

لاتلومني ياشيخ تراني محرومي = انا صويب (عبدون مول) صويبه
ول ياغزال منه ضاعت علومي = ياوالله اللي راح قلبي وغديبه