القلب بارق شوق & الغيم هتان

[مـ ع ـذور أح ـبك]

اسرق من شفاه البزر بسمةٍ له = مابيه يحزن كل ماشافني ضقت
ادرى عليه من المشاريه وادله = حز بضميري,,كان من فوق ماطقت
اخر حديثه آه ماقساااه كله = ياليت بيدي وارجع شوي بالوقت
ابدّل الفعل الذي مااندمح له = وابين احساسي كثر ماني اشتقت
لو الزمن يرجع وارجعه وهله = كان ابتسم قلبي ولاشفتني (بقت)

[مـ ع ـذور أح ـبك]

ماجرحني ليلة البارح سواك
............... آه ياقــوك وياكبــر الطعـون

كل حلمي لحظة إبقى معاك
.............. ماقدرت تكون لو "لحظه" حنون

[مـ ع ـذور أح ـبك]

تطري عليك ظنون ماجات ع ـالبال
............................ وعلى اساس الظن تبنى الوقايع
اعرف مثل في حالنا ذااك ينقال
........................... الحكي في شان الهواجيس ,, ضايع

[مـ ع ـذور أح ـبك]

تبي تعرف شلون الاعجاب مكشوف = اقرا ردودي في معانيــك ياصاح
لامن فهمت وصار لك خاطر تشوف = أشّر وتلقى صاحبك حيل لمااح

[مـ ع ـذور أح ـبك]

اشتقت له ودي بوصله ولاماه = واشتقت لعيونه ولهفة سلامه
واشتقت لشعورٍ يوصله لاقصاه = واشتقت لعناده وزايد ملامه
واشتقت لحروفٍ تبعثره واقراه = وأجمّعه ياكود يبدي اهتمامه
اشتقت اسمّع خافقه واحلالاه = شيٍ يبيح ياجماعه كلامه
اشتقت يازوله ولا اشتاق عزاه = هذا هو اللي مزعله من غرامه

[مـ ع ـذور أح ـبك]

سير علي فالركن ياصاح لاهنت = وازل لك من صافي الفكر فنجان
فنجان مايملى لغيرك ولو كنت = دوني تدورلك من الخلق خلان
صدّقت بالله ياحبيبي وآمنت = ان المحبه ماتجي كووود لانسان
قلبي يحبك اي نعم اقصدك انت = حتى اذا فارقت مابدل بثان

[مـ ع ـذور أح ـبك]

ياصاحبي أزريت لا أحس بالعيد
................ خليت من حولي يحس بنفوري
ماطاوعتني فرحتي وانت بعيد
............... مدري عن أخبارك ولاهو شعوري
الدمع والحيره وهوجاسي الوحيد
............... خلتني اطلع من ثيااابي وطووري




....



عذرا أيها العيد


لم استطع ان إتغنى بك



اكتفيت بقوقعتي عن معمعتك !!!



غيابه السبب!!

[مـ ع ـذور أح ـبك]

جيتك على طاري اللقا والمواصيل = والــقــاك تـجـمــع لـلـمـفـارق عــزومـــك
ياويل قلبٍ طاح من كثـر مايشيـل = ويـاويــل دمـــعٍ ذاب حـــزت قــدومــك

[مـ ع ـذور أح ـبك]

أموت واعرف عن شعورن جمعنا = وشلون يتبدل كذا في ظرف ساع
وشلون ضاق بنا الفضا ماوسعنا = تغيرت مع رمشة العين الأوضاع
الحب حط لدنية الكون معنى = والشوق ينشد للمواصيل مرباع
كل مابعدنا شوي للوصل جعنا = يازين لحظات التلاقي والاشباع
"لبى التغلي والغنج في دلعنا" = ياكيف ابتحمل وذا فكرنا ضاع
أحلى كلام مرنا واستمعنا = طرّاه قلبن عقب غيبتك ملتاع
تكفى طلبتك لا تعاند وطعنا = ماهوب لعبه كل ماضقت (الوداع)
تبي أذكّر خافقك عن ولعنا = حبن على وضح النقا ماهو خداع
كفة غلانا راجحه في وضعنا = كفة زعلنا ماتجي شيء فالقاع!!
حكّم ضميرن شاهدن دوم معنا = واشتر خفوقن لو حصل ويش ماباع
ليه التجافي من عقب ماجتمعنا = ليه نتفارق دون مايكون له داع

[مـ ع ـذور أح ـبك]

ماعاد تلزمني محبتك يافلان = دوّر وتلقالك من الخلق صاحب
مانيب من تَرخص لعيون خلان = يومين والثالث تلاقيه ساحب