السلام عليكم
قصيده رائعه من شاعر رائع
اتمنى ان تحوز على اعجابكم ورضاكم
راكب اللي شاشته كنها على طبلونه=شاشة التلفاز في بيت حضري(ن) راهي
أسود بمسّاحتينه حجّة(ن) مقرونه=فوق برقع بنت بدو(ن) تنوخ اب الجاهي
خال ابيها ناهي ويفرق بكبر متونه=روس كشناته متون لخال ابيها الناهي
الزجاج الفاخر اللي يوم يبرق لونه=لا ضربت تغييمته شمس الصباح الباهي
كنه نظارات طبيه على مزيونه=جرّت الكحله على جفن(ن) سواده زاهي
ولمبة الخزان لامنّه فضا مخزونه=جمرة مدخّن حرق كفّينه وهو لاهي
وضغط اطاراته ما بين بلوطه الموزونه=فوق خط(ن) كنه ملاس(ن) بكفة طاهي
ضغط شايب شارك ببكره وهي مضمونه=عاصت بركّابها ولا معاه الا هي
اكثر الحكّام يشرونه ولا يعطونه=وان عطو يسبق عطاهم مِنّة المتباهي
ولا عند حمدان ذا وذا يا هونه=انشد الأذان عن ما تنطق الافواهي
وانشدوني يوم ضاق الكون بي وركونه=واعتزلت من الرّجال اللي ماهم بأشباهي
جيت له واعفا عن الديّان كل ديونه=ياهي ياهي مدّته تغني الفقيّر ياهي
سيدي والغيم من فوقه يصب مزونه=تنجذب له نظرة العاقل وعين الفاهي
لا عطا منه ثلاثه كِنّها فعيونه=ملعقة سكّر صغيره في بيالة شاهي
احمد الله يوم قلبه ضلع صدره دونه=ولا كان الشاهد الله مدّه وهو ساهي
العرض الشجري