قربلـي التتـن والفنـجـال والـدلـه=ياحسين جبها ولك شكري مـن اعماقـه
من دونهـا وش يعقـد الحبـل ويحلـه=هذي ثلاث(ن) غـدت لمعزبـك طاقـه
ياحسين صوّت على (غضيان) ثـم قلـه=سهيـل فـج السمـا وقلـوب عشاقـه
نجم(ن)وله في قلوب اهل الولـع طلـه=كنـه يبـث السـلام ويرسـل اشواقـه
نغليـه ونحـب شوفـه والغلـى كلـه=حنا عشقناه واضرمنـا علـى اعشاقـه
لنّـه بشيـر القنـص والكـل وقعـلـه=ونفوسنا عقب شـوف سهيـل مشتاقـه
شيّك على الجكس ياغضيـان واعملـه=خدمة كفالـه تحـت مضمـون سواقـه
أيـام عـدت وباقـي يــوم وانتـلـه=ونعقّـب البكـر والصمـان مشـراقـه
فـي خايع(ن)كنـه للحفـان ورثـلـه=واهل الغنم مالهمبـه عـرف واعلاقـه
ياصاحبـي يابـو ناصـر مابهـا خلـه=نقلتـك عـزام زادت فاقتـي فـاقـه
له سبق عنـدي وغيـر السبـق دسلـه=يستاهل اللي يعـوق الخـرب لاحاقـه
لاهـد مـن تكيـة الجكسـار بسـم الله=وان كبّر الخرب يفري ضربـه اشقاقـه
احمـر مغاتيـر وكـره كنـه كفّـلـه=صافي ظهر والموامي جـرد وادقاقـه
أفجـح ليامـن دبرتـه كنـك تقبـلـه=هجر(ن) وفي وسط عرقوبه غطس ساقه
والريش عاري وطوله كنـه عرضلـه=وافي وكم خرب في جوف السما عاقـه
طلعه على الصيد وغير الصيـد لابـالله=كم هارب(ن)قد قطع من دونها الساقـه
مـن طاعنـي لايشلـه لنـه لاشـلـه=يعيـف طيـره ويعلـن عقبـه اعتاقـه
نصيحة(ن)مابهـا للـي زمـر iزلــه=يرتـاح دام السعـه للسـاق طـلاقـه
مدحي لعزام مدح(ن) قيـل فـي حلـه=الفعل موقـف وصيـت الفعـل iiميثاقـه
ماهوب (وكـري حرارن)نقلتـه علـه=الصيد عفه ولاهـوب حاصـل فراقـه
الشاعر: مبارك الهاجري
21-07-2004, 11:48 PM
يعطيك العافيه اخووي الراكد وعز الله انها خوش قصيده لاهنت 
العرض العادي
