اقتباس:
|
المشاركة الأصلية كتبت بواسطة عيد بن شدقان
ياراسي اركد ما على الدنيا "دوام ولا شبـاب"=ما مر يـوم الا يقـرب" للرحيـل وللمشيـب"
مّيز مسير الوقت وافطن" للخطا قبل الصـواب"=حذرا ترا ماتفعله عن عيـن ربـك" مايغيـب"
ماتزرعه تحصد حصيله من" ثواب ومن عقاب"="وانته" وانا "والوقت" والدنيا" تجيب اللي تجيب"
وان كان ما انت "بذيب" ياراسي تعشتك الذياب"=وان كان مالك "ناب مافادك" عويل" ولا" قنيـب"
واليا بغيت" العلم" تلقى العلم في بطن" الكتاب"=فل الكتاب اللي طواه الوقت "وافهـم يالبيـب"
مافيه بالدنيا سـؤال الا تحصـل لـه جـواب=الا سؤال "الغيب" عند اللي عليم بكـل غيـب"
العام كنت ابني بيوتٍ" فوق هامات السحـاب"=ماكنت اظنك" يالبنادم ماتحـوش الا النصيـب"
اطرد ورى الدنيا مثل" طرد الظوامي للشـراب"=واثرك يالدنيـا" سـرابٍ لا بعيـد ولا قريـب"
ياظامن الدنيا "ترا الدنيـا" هجـومٍ وانقـلاب"=لو صابت" ظنونك يدور الوقت وظنونك تخيب"
خنجر زمانك" لا تمكـن راح حـده" للنصـاب"=يجرحك جرحٍ لو يروح العمر ظني" مايطيـب"
الله يكافينا" من اسباب" المصايـب" والعـذاب="دنيا البلاوي" شيبت راس "المجرب" والطبيب"
اركد ياراسي لو يجيك" الشيب" في عز الشباب=ما حاصلٍ غير النصيب <تشيب والا ما تشيب>
لـــــــــمطر العتيبي
|
صح السان الشاعر مطر العتيبي
الغالي عيد بن شدقان
صح السانك
وعزالله انك ماتجيب الا الطيب
وانتظر جديدك
وتقبل اعذب واجزل تحيه
01-01-2007, 12:50 PM
العرض المتطور
