الدلع والدلال

[علي بن عشوان]

السلام عليكم ورحمة الله وبركاته




بذكر لكم قصه حدثتلي بعلمكم الى اي حد وصلت هذه التربيه في بيتنا...

فيه اخوي اصغر اخواني الدلوع الخكري اخر العنقود الاستاذ فهد.

<<<< تراه مرتفع ضغطه من فهد.هههههههههه

المهم جا مره من المرات ومرني الاخ فهد وهو عمره حاليا 15 سنه . الحدث هذا صار قبل ايام يمكن
مرني الاخ فهد وانا في غرفتي ناظربي شوي وانا على الكمبيوتر ساكت لاكلمني ولاكلمته .
طلع مادريت الا والوالده جايه معصبه معها خيزران فصلت الكمبيوتر من فوق الاسلاك اللي في الجدار فصلتها ..... تعجبت قلت ليه كذا يمه؟؟؟ قالت ليش ماكلمت فهد قلت اكلمه في ايش قالت قله اي شي
قلت شلون اقول اي شي ولاصار بيني وبينه حاجه حتى سلام ماسلم قالت اسمع ياللي(.......)... انت وغيرك في البيت ذا اذا مركم فهد كلموه ماابغاه يجيني متضايق ... اي شي قولوله المهم لازم تكلمونه .. قلت طيب ابشري وانا من الداخل مولع ودي اقطعه ... لا عاد مااكتفى في ذي قال يمه قوليله لاعاد يرسلني مره ثانيه اجيب مويه ...

ياجماعه رفع ضغطي مرات يجي يم امي او ابوي يقول اضرب علي كف ابغاك تضربه وانا ابي اضحك
واهلي يطيعونه انا ساكت مااتوقع بيصير شي ماادري الا والمخمس جايني ميتين .



اعزائي الاعضاء والمشرفين الكل منا يعرف ان الدلع والدلال لاخر العنقود وهذا الدلع شي لايجوز

قد يلاقى الاباء بعض الصعوبات في تربية أبنائهم او بناتهم في فترة المراهقه ويحتار هنا لماذا فعل ابني
او بنتي هكذا لم اقصر عليه يوما ؟؟؟..... ولكن لم يفكر هذا الشخص بأن السبب نتج عن تربيته الخاطئه لابنه لانه منذ الصغر رباه على الدلع والدلال ولايستطيع احد في المنزل ان يزعج هذا الولد او البنت (اخر العنقود) ...... واذا سألت احدهم لماذا لاتضربه هذا البزر عاصي؟؟ قال لا ابوي يمشكلني او امي تمشكلني ...

فما ادري لماذا يعاملون اصغر ابنائهم بهذه التربيه ؟؟؟