الليل يا شعار لا يسرى الليل

[عـزام]

الليل يا شعار

والمجال مفتوح..

الملعبه والسيف والبن والهيل=عزام راعيها ولا به جدالى

الليل يا شعار لا يسرى الليل=وين انت ياللى ترتكى للثقالى

[بندر]

ارررحب ياعزام ولي الشرف باللعب معك
استلم لاهنت:

.

.


الملعبه ماهيب بالسيف والخيل=الملعبه ماغير يالا يالالي
ياصاحبي عطنا الخبر والتفاصيل=وأزهل ترى حملك بشيله الحالي

[عـزام]

تبقا يا راعيها والله يحييك طال عمرك

واستلم لاهنت..

عنوانها واضح بليا تحاليل=من يحتمى ماقفه قدم الرجالى

اشوف تال الوقت ناسٍ مهابيل=بقرونها تنطح قوى الجبالى

[تايه الغربه]

اشوف تال الوقت ناسٍ مهابيل
بقرونها تنطح قوى الجبالـى


الله الله ..

صح الله لسانك يا عزام وعزلله انك صــادق يالقرم ..

صح لسانك ولسان راعيها ..
وسجلوني اول متابــــــــع ..

[عبدالله الحويله]

الكبير يبقى كبير

عنوانها واضح بليـا تحاليـل=من يحتمى ماقفه قدم الرجالى

صح لسانكم يا شعار


واصلووو

[عـزام]

تايه الغربه

حياك الله يالقرم وصح بدنك ولا هنت على المتابعه

بن حويله

مرحبا ومسهلا وصح بدنك ولاهنت على المتابعه

والظاهر انى بسرى راعيها هملنا

[فلاح بن ملبز]

السلام عليكم ورحمة الله وبركاته

صح ألسنتـــــكم يا شعار ،،، متابع ،،،

ولاهنتواا

[بندر]

لاوالله ماهملتك ياعزام


رحت الدونيه عندنا عشا وجيت<<====من اللي نشدك
استلم:

أبشر بمن لاثقلت الحمله ايشيل=فالملعبه مثل آبوزيد الهلالي
عزالله ان حنا بلشنا ياحلحيل=لكنّ ترفّع ياكريم السّبالي

[عـزام]

جعل فيه العافيه يا راعيها

استلم لاهنت..

من يعتمر لا بد يحرم من السيل=وان طاف يسعى سبعةٍ بالكمالى

ما جيت ادوّر دلتك والفناجيل=وما جيت ادوّر مدح يا هملالى

[أبوجرّاح]

0

اشوف تال الوقت ناسٍ مهابيل=بقرونها تنطح قوي الجبالـي

7
7
7

عزالله ان حنا بلشنا ياحلحيـل=لكنّ ترفّـع ياكريـم السّبالـي

ــــــــــــــــــــــــــــــــــــــــــ

هالله هالله .. صح ألسنتكم ، والليل الليل

0