ياهل الرقـه !!

[ناصر بن حمود]

أعزائي الكرام ، السلام عليكم و رحمة الله و بركاته

المرحوم بإذن الله تعالى " مقبـل بن دنفـس " أبو راشـد ، شايب من شيبان العجمان رحمه الله

و كان من سكّان الرقه و كان صاحب ديوان معروف في الرقه و ديوانه مفتوح قبل صلآة الفجر

و بعد الصلاه مباشرة يتوافد عليه الروّاد من كل مناطق الكويت و ليس الرقـه فقط و كان رجـلاً

شهماً ذو أخلاق حميده و حديثه لا يمل و سوالفه شيقه و حافظاً للقصص و التاريخ و كان روّاد

ديوانه مواضبون على زيارته كل صباح لما يجـدون في هـذا الرجـل مـن ترحيب و إستقبال حـار

الى أن إختـاره الله عـز و جـل و أخـذ أمانتـه ، فتأثّـر الكثيـرون بخبـر وفاته ، و لكنهـا إرادة الله

سبحانه و تعالى و لا راد لأمـر الله ، و قـد هاضـت قريحـة الشاعـر ، مشعل بن عبدالله الحويله

و كان من الروّاد المداومين على زيارة ديوان المرحوم" أبو راشد " رحمه الله رحمةً واسعه

فقال هذه الأبيات المعبّره


ـــــــــــــــــــــــــــــــــــــــ

يا هــل الرقــــه

ــــــــــــــــــــــــ

يا هل الرقه رحل منكم فقيده = شايب يا قل شكله في الرجالي

كاسبٍ الناموس و أخلاقه حميده = و جامعٍ ربعه على صفر الدلالي

و النشاما دايمٍ عنده سعيده = يدهلونه من جنوب و من شمالي

من صلآة الصبح و الفنجال فيده = عادةٍ للقرم من أول و تالي

يشهد المولى مع جملة عبيده = إن مقبل من كريمين السبالي

ما يحسب إحساب دنياه الزهيده = و المراجل عند مقبل راس مالي

إبن دنفس شهم و الناقص يزيده = ما تردّا في البعيد و لا الموالي

يكرم الضيفان و أفكاره سديده = يدمح الزلّه و يكسب كل غالي

مجلسه عامر و نظراته بعيده = مثل حر موكره روس العوالي

ما يحب الهون و النخوه رصيده = يرغب الجزلات ما حب الهزالي

و الأمور الكايده لا ما تكيده = حيثه الي ما شكى عسر الليالي

و الكرم و الجود يجري في وريده = مختلط في الدم ما فيها جدالي

أشهد أن أم الفحل جابت وليده = من نشا كامل و لله الكمالي

الديانه و الأمانه به عقيده = حاسبٍ يومه ليا شد الرحالي

حافظٍ ممشاه و سلوكه مجيده = عارفٍ درب الحلال من الحرامي

و البقا في راس عضيده وحيده = راشدٍ يفرق على كل العيالي

فيه من شايبه مواري عديده = وارثٍ الطيب من جدٍ و خالي

و أطلب الرحمن في تالي النشيده = ربنا المعبود له عز و جلالي

ترحم الشايب من النار الشديده = في نعيم الخلد وصّل له حبالي

ــــــــــــــــــــــــــــــــــــــ

[سعد السبـوق]

الله يسكنه فسيح جناته ويثبتة عند السؤال يا رب ويكرم نزله ويغسله

من الخطايا كما ينقى الثوب الابض من الدنس اللهم يا غفور يا

رحيم اغفر له وارحمه واجعل في منازل الرسول والشهداء

والصديقن آمين آمين آمين آمين يا رب العالميٍـٍـٍـٍن

ولا هنت ابو بدر على هذا المجهود الطيب وجعلهاا في ميزاان اعمالك يا رب

[فلاح بن ملبز]

السلام عليكم ورحمة الله وبركاته

الله يرحم (مقبـل بن دنفـس) برحمته يارب ويغمد روحه الجنه

وصح الله لسان ناقلها وشاعرها / مشعل بن عبدالله الحويله

ولاهنت يا أبو بدر على ماجلبت لنا

وجزاك الله الف خير

[بدر شبيب العجمي]

السلام عليكم ورحمة الله وبركاته

اللهم اغفر له واكرم نزله واغسله بالماء والثلج والبرد

ولاهنت يا أبو بدر على ماجلبت لنا

وجزاك الله الف خير

[frozen]

الله يرحم مقبل بن دنفس ويغمد روحه الجنه

وصح لسان الشاعر بن حويله

والله لايهينك يا ناصر على ذكر القصيده

[الباشا]

لا هنت اخوي ناصر بن حمود

على هذه القصه والابيات الرائعه وصح السان شاعرها

[عيد بن شدقان]

الله يرحم مقبـل بن دنفـس ويسكنه الجنه



ولاهنت يابو بدر والله يعطيك العافيه

على ما نقلت لنااا

[بن عجمـــــــــــــى]

الله يرحمه ويغفر له واموات المسلمين
والله يجعل بمارثتــــــــــــــه البقااا والله يعطيهم المعزة
صح لسان الشاعر
على ذا الجزل واللى يستاهلونه بنى عمنا ويحرون بكل علم غانم

لا هنت ابو بدر على ما اوردت والله يعطيك العافية

[النـــادر]

الله يبيح من ابن دنفس , وصح الله لسان مشعل ابن حويله على القصيدهـ

والله لا يهين ناصر بن حمود على نقل السالفه والقصيدهـ .

[عـزام]

يا هل الرقه رحل منكـم فقيـده=شايب يا قل شكله في الرجالـي

كاسبٍ الناموس و أخلاقه حميده=و جامعٍ ربعه على صفر الدلالـي

و النشاما دايـمٍ عنـده سعيـده=يدهلونه من جنوب و من شمالي

من صلآة الصبح و الفنجال فيده=عادةٍ للقـرم مـن أول و تالـي

يشهد المولى مع جملـة عبيـده=إن مقبل من كريميـن السبالـي

اشهد انه ما ظلم حظه ابن حويله ويستاهل ابن دنفس الله يرحمه ويسكنه الجنه

صح الله لسان الشاعر مشعل بن عبدالله الحويله

وتسلم يمناك يا ابو بدر ما تجيب الا الجزايل