احد يقدر يجاوبني بصراحة عن خالد العدوة...؟

[الذيب ذيبان]

ياجماعة الخير ويا اخواني ........ ودي اتكلم بكل صراحة وابي من يرد علي ايضا بصراحة...

في عضو مجلس الامة كل ما اتذكرة في مجلس 1992 واتذكره بالمجالس اللي بعدها يعورني قلبي

واقول لهالدرجة مجلس الامة فتنة عظيمة .......

تذكرون ياالربع خالد العدوة شلون كان وشلون صار .......قبل معارض وكلامه يبرد القلب...

والحين ما يتكلم الا قليل وان تكلم عور قلبك .......كلامه صار حكومي ميه ميه..

سؤال دايم اسال نفسي فيه وابي من يجاوبني بصراحة وبحيادية

ليش العجمان ما تطلع شخص اخر غير العدوة عقب ما تغير ؟؟؟؟

يعني ما في بالقبيلة الا العدوة .......

المناطق الثانية والقبايل الثانية تسال نفس السؤال وتقول مافي بالاحمدي غير خالد العدوة...

ياليت القي اجابه صريحة وبحيادية .......

[العلياء]

للأسف أخي ذيبان

ماراح أحد يجاوبك لأنها مداهنه في مداهنه

لوسمعت كلامه بعد التصويت في حقوق المرأه ،،،،،، تقول لو صوت كان أحسن

استمات على من يعارضون التصويت وبدأ يهاجمهم

كنت أذكر له كلمه في انتخابات 92 يقول : هذي الكراسي ليست وراثه لآبائهم وأجدادهم

وشوف وين وصلت الحاله ،،،،،، المشكله الناس صار عندها الملتحي ماله مصداقيه ، حتى النائب عواد برد أول ما وصل صوت مع المرأه ،،،،،، اشلون الناس تبي تثق في الملتحيين ,

كلمة حق : والله ان هؤلاء عكسوا الصوره الحقيقيه للملتزمين

أتمنى أن لايشطب هذا الرد اذا كان هناك حريه في المنتدى فأنا أقول رايي ولم أجرح أحد ولكن هذه هي الصراحه

[الهيفاء]

صباح الخير يااخوان

ممكن سؤال / من هو خالد العدوه ؟

علشان نعرف ايش القصه بالضبط

[الذيب ذيبان]

المشاركة الأصلية كتبت بواسطة الخشف

للأسف أخي ذيبان

ماراح أحد يجاوبك لأنها مداهنه في مداهنه

لوسمعت كلامه بعد التصويت في حقوق المرأه ،،،،،، تقول لو صوت كان أحسن

استمات على من يعارضون التصويت وبدأ يهاجمهم

كنت أذكر له كلمه في انتخابات 92 يقول : هذي الكراسي ليست وراثه لآبائهم وأجدادهم

وشوف وين وصلت الحاله ،،،،،، المشكله الناس صار عندها الملتحي ماله مصداقيه ، حتى النائب عواد برد أول ما وصل صوت مع المرأه ،،،،،، اشلون الناس تبي تثق في الملتحيين ,

كلمة حق : والله ان هؤلاء عكسوا الصوره الحقيقيه للملتزمين

أتمنى أن لايشطب هذا الرد اذا كان هناك حريه في المنتدى فأنا أقول رايي ولم أجرح أحد ولكن هذه هي الصراحه

اشكرك يا الخشف علي هالصراحة ....واكييد الاخوان ماراح يشطبون شي لان هذي ديمقراطية

لكن السؤااااااااااااااااااال ؟؟

مافي بالقبيلة احد غير خالد العدوةّّ!!! له الان 15 سنه ولا تغيير ابد وشكله فاير بالانتخبات الجاية بعد

عواد برد الكل يقول عنه ماراح ينجح بسبب موقفه بحقوق المراه ...

والعدوة مواقف كثيرة حكومية اخرها كلامة دفاع عن وزير المالية وكلامة بحقوق المراه

يقول يا جماعه خلونا نصوت ونخرج من عنق الزجاجه ... والاسلاميين يصيحون مانبي تصويت

مافي اغلبيه ...والعدوه ماهمه كلامهم ويقول نصوت ياجماعه...

والله والله والله اني كنت من اشد المعجبين بالعدوة 92 والحين قلبي يتالم لما اتذكر حاله ومواقفة

لا احد من فخذ العدوة يزعل تراي والله اقول هالكلام من حبي للقبيلة وابي تخرج فارس مثل الجري

[(_. ._)]

الهيفاء
خالد بن سالم العدوه
اللي هو ابو محمد :d
عضو مجلس الامه

يالربع انتم ماتدرون وش غيره الدنيا وبلاويها

الله يهديهم كلهم يارب

[مـحمـد]

السلام عليكم ورحمة الله وبركاته

الاخ الذيب حياك الله بين اخوانك في منتدى العجمان
وعضو مجلس الامه الكويتي السيد خالد سالم العدوه العجمي
(للاجابه على الهيفاء)
عضو كان يضرب به المثل الكل كان يصمت حينما يتكلم الكل ينتظره بفارغ الصبر
عضو مواقف عضو خدمات ومحبوب من الجميع
ويجب علينا ان نذكر محاسنه ايضا كما ذكرتكم الانتقادات الموجهه اليه
بلا شك لايوجد انسان كامل الكامل وجه ربك ذو الجلال والاكرام
وارجو ان يتم النقد على اسس بناءه
والله يعطيكم العافيه .

[الذيب ذيبان]

المشاركة الأصلية كتبت بواسطة محمد بن فهاد

السلام عليكم ورحمة الله وبركاته

الاخ الذيب حياك الله بين اخوانك في منتدى العجمان
وعضو مجلس الامه الكويتي السيد خالد سالم العدوه العجمي
(للاجابه على الهيفاء)
عضو كان يضرب به المثل الكل كان يصمت حينما يتكلم الكل ينتظره بفارغ الصبر
عضو مواقف عضو خدمات ومحبوب من الجميع
ويجب علينا ان نذكر محاسنه ايضا كما ذكرتكم الانتقادات الموجهه اليه
بلا شك لايوجد انسان كامل الكامل وجه ربك ذو الجلال والاكرام
وارجو ان يتم النقد على اسس بناءه
والله يعطيكم العافيه .

ابوفهاد اشكر مرورك واضافتك واشكرك كل الشكر علي هالمستوي الاكثر من راقي بالمتدي الانتخابي

بس انا انتقد نقد بناء علي اساس مواقف خالد العدوة اللي انقلبت مرة وحده....

انت بنفسك قلت جملة حلوه يوم عرفت للاخت هيفاء عن خالد العدوه...قلت كان عضو يضرب به المثل

..وكاااااااااااااااان خبر ماضي.....والحاضر تغير......

انا ودي بس احد يجاوب علي سؤالي ...ودي افهم........

الكل متفق انه تغير وتبدل ....طيب ليش كل انتخابات ماتخرج القبيله بالفرعي غيره

وابوفهاد اذا كونك مراقب يمنعك من ابداء رايك بصراحه وشفافيه ارجوك تخبرني رايك بالخاص

انت ماشالله عليك خبير وشايل المنتدي الانتخابي واكييد بتفيدني...بس اهم شي الصراحة

[مـحمـد]

رايي ماهو بالخاص يالذيب
اكيد انا جيزي من جيز العجمان
بودنا تتغير الوجوه وتكون هناك دماء جديده
تحمل الشهادات العاليه وتشرف في مواقفها ورقيه باخلاقها
نتمنى ان يحصل التغيير نتمنى ان تكون مخرجات الفرعي مرضيه للجميع
.

[op1]

السلام عليكم ورحمة الله وبركاته

خالد العدوه ما تغير

ولكن الناس الي تغيرت

دوختوا اعضاءكم بالطلبات والواسطات


وتبونه ما يتغر

الله يعينه اذا صار معارض قلتوا ما يمشيلنا معاملاتنا


لكن غاية الناس لا تدرك

[الذيب ذيبان]

المشاركة الأصلية كتبت بواسطة op1

السلام عليكم ورحمة الله وبركاته

خالد العدوه ما تغير

ولكن الناس الي تغيرت

دوختوا اعضاءكم بالطلبات والواسطات


وتبونه ما يتغر

الله يعينه اذا صار معارض قلتوا ما يمشيلنا معاملاتنا


لكن غاية الناس لا تدرك

يعني تغير عشان طلبات الناس وصار حكومي .....!!!

طيب القبيلة فيها مليون فارس ومتحدث ليش ما نطلعهم ونبرزهم

من بعد التحرير الي الان خالد العدوة وبس..........

الرجال تغير وصار كل القبايل والمناطق يقولون الله يرحم ايامه وليت العجمان تطلع واحد ثاني

وليد الجري ماشالله عليه ماتغير هذا هو صامل امام مواقفه ويشرف القبيلة كلها .....