السلام عليكم ورحمة الله وبركاته
السفر كان سبب غيابي ، ومازال السبب قائماً
ولكن ...!!
الله يسامحنـي علـى كـل ماجـاك=بغيـب عـن دنيـاً بهـا يذكرونـك
أجدد التواصل معكم بهذه الرائعه عسى أن تنال أعجابكم ....!
الله معك رح واترك القلـب ينسـاك!!=عيش بحياتك.. واعشق اللـي يبونـك
ماعاد انـا بالعاشـق اللـي تمنـاك=اخاف اقصر معك وبيـوم اخونـك!!
انا معي وصلك غـدا مثـل فرقـاك=وماعاد يغريني الغـلا فـي عيونـك
احس فيك هنـاك واشوفـك هنـاك=واذكر حكايـاك وهـواك وجنونـك
واقول سبحـان الله شلـون خـلاّك=عادي.. وَ(باعد) بين كونـي وكونـك
(((مانيب مثل اول يجي قلبـي اربـاك=لا جاء على الشاشـه رقـم تيلفونـك)))
انا ماعـاد اصلـح حبيـبٍ بدنيـاك=ياخوفي يجور الزمـان وماصونـك
مزاجي اتعبني معـك ليـن عنّـاك=وطبعي غريب.. وفيه خابت ظنونـك
الله يسامحنـي علـى كـل ماجـاك=بغيـب عـن دنيـاً بهـا يذكرونـك!!!
وماهو ظروري اعشق انسان شرواك=مادام انـا بقضـي حياتـي بدونـك
روح الله يسهل طريقـك ويرعـاك=وَ(تلقـى ملاييـن البشـر يعشقونـك) !!
وسلامتـــــــــــــــــــكم
للشاعر/
ماضي بن عضيمان
تقبلوا تحياتي
أخيكم
16-12-2005, 05:12 PM
العرض الشجري