عزااااام

[{بدر العجمى}]

ياصاحبى عزام تالى اليل=نبغى على معنى تسريها
وانا معك بلعب وشد الحيل=مع اول الدعوى وتاليها

[عـزام]

مرحبا مليون يا عابر

واستلم طال عمرك..

سوق الركايب كلها والخيل=واللى يسريها يضويها

دلّتك قند بنها والهيل=قعد خوى راسى بصافيها

[{بدر العجمى}]

انا اعرفنك شاعر وحلحيل=وانته ابوها وش تسميها
الى يسبح يعرف التهليل=لاتنكر الدعوى ومافيها

[الحــيـــران]

صح اللة السنتكم ياشعاااااااار

[عـزام]

طيب طيب يا عابر سبيل

استلم لاهنت

طيب ما دام انك وفيت الكيل = بوزن لك الكيله وابوفيها

قبل امس تهدر يا شبيه شعيل = واليوم ضاقت بك مفاليها

واستأذنك يا طويل العمر الصلاة وجبت ونكمل الليله ان شاء الله

[{بدر العجمى}]

هههههههه

حيل الله اقوى مابقى بحيل=ونياب بقعا سمها فيها
ياحكمة الله فبرهه والفيل=وعزام لقشر مايخليها

[الــمــلــك]

الله الله

واصلوا وحنا متابعين

وانا في صف عابر ضد عزام

[عـزام]

الحيران...الملك

صحت ابدانكم ولاهنتوا على المتابعه


طيب طيب يا عابر نستأنف نشاطنا


استلم لاهنت..

مانيب أرد العين فى ما قيل=حاضر بحاضر خل ماضيها

القوم يمّك بين حط وشيل= امّا اعتبر والاّ بترثيها

[{بدر العجمى}]

نستأنف نستأنف مرحبا بعزام

انته هذيلى ماتغش اهذيل=تتعب لها ولا تراعيها
اهل البداوه ودها بالسيل=حتى تربع فى مرابيها

[عـزام]

استلم يالقرم..

عدّل عقالك لا يجى به ميل=قبل امس لك دارين تحميها

واليوم وحده يا زعيم الجيل=واظنّها مدّه وتخليها