احساس شيــــــــــــــوم

شيوم العجمي · #1 24-08-2011, 10:01 AM

اللي بقى لي مع الايام وفيته
والضيق لو ينهمر تشربه ودياني

ما هي كبيره علي والحزن غنيته
ولاهي غريبة إذا وقتي تحداني

الخوف يا من نبشت القلب و ادميته
لا عشت زهرة شبابك و أنت وحداني

كم جرح خذته من الأحباب ضميته
وجروح قلبي زكاة الحب خلاني

مطعون عادي جفا الأقراب داويته
تعبان مبطي ردى ها الحظ خاواني

صدمه بسيطة هوان الحال مريته
مقـرود ادري و إذا حرمان عداني

مافاح هما لك الله ماتقهويته
مامر حزن بغيري ماتبالاني

ياما وياما من الخذلان عديته
الا بصاحب بعد عشره تناساني

ازريت لنسى غيابه لين ناديته
والموت لامن تجاهلني وجافاني

وينه يجيني وكل عتاب كنيته
ياليت يدري بعد فرقاه وش جاني

من كنت طفل وانا ارجاه في بيته
شيبت واثره على هالحال خلاني

حتى جناح العتب لرضاه ذليته
ماطرت بعده فرح من ذل جنحاني

ياقلب صبرك ترى كل شي سويته
ماكان افضل من الي كان بمكاني

لو بي قوه على الهجران خليته
لو بي ذره من النكران يفداني

الجرح ارحم اذا يرجع من أغليته
مجروح فدوه ولكن صعب وحداني