( سعود بن مهدي ) .. New !

[[ عسّاف خيل ]]

السلام عليكم ورحمه الله وبركاته

جديد الشاعر : سعود عبدالله

أشرق الصبح .. ياليل المواعيد
وفجر الاشواق صحصح من رقاده ,


يصمت الدمع , من صوت التناهيد
وتايه ( الخطوه ) يطول إبتعاده ,


تجري الريح , وتميل العناقيد !
وياقف الياس ! في وجه الاراده


لا يطيح الغصن يا ( ترفه الغيد ) !
وآخر أوراقه .. ( تموت بجلاده ) ,


صاحبك طفل !! وانتِ فرحه العيد
وإبتسامتك .. ( عيديه ) فؤاده ,


نبض حبه , ماهو يحتاج تأكيد
في الهوى قدّم اوراق إعتماده




عاشق رضاك وش بيقول وبيزيد ؟
مابقى شئّ .. يستاهل عناده ,



عايش بدنيته عيشه الأجاويد !
يحسب انها على حسب إعتقاده



كيف ؟ بيبقى وحيد بجرهد البيد
وأنتي لخدّه ( المنهك ) وساده ,



لو بيسافر , وبيبقى عنك بعيد !
عادة ( المغترب ) يرجع بلاده ,


فارس أحلام عمرك ماعرف قيد !
يظهر , ان ثارت الهيجاء عتاده


ماتثنّى عقب صوت البواريد !
الخلل كان ؟ في كبوه جواده


دنيتي سجن , واحلامي مطاريد
ورغبتي ( جيد ) وهمومي قلاده ,


كلمتني ( نواعيسك ) .. بتنكيد
وقالت شلون قلبك ؟ وقلت : عاده ,


صابر , ومجتهد , وآمالـه تزيد
لكن المجتهد .. ضاع إجتهاده ,


لا لمحتك هناك , أصد وآحيد
خايف القاك ؟ وأحبّك ( زياده ) ,


صار وجه الزمن كله تجاعيد !
عقب ما كان يشبه ( وجه غاده ) ,


من طعوني عرفت أحتال وآكيد ,
ومن جروحي : أخذت أكبر شهاده


ماصبرتي علي , ياترفه الغيد
بعتي العهد .. وأعلنتي حداده ,


طبع الانسان ينسى الحزن ويعيد
جدول عمره .. ( ويحقق مراده ) ,


لو عجز بانّه ينسى ؟ كان مازيد :
شفتي أنسان ؟ .. عايش بـسعاده !!

مخرج خاص ,





الله يسامحك , ياسعود عبدالله !
جيت ابنام ؟ .. وطار النوم من عيني


تدري لو القصيده هذي حقتّي ؟ والله :
لـ أنفي اللي كتبته .. من شراييني ,





" سعد سريّع "

احترامي ,