شويتني؟..جعل المرض ينفخ شواك؟..<جديد ابن فطيس

[الفريض]

يا عاذلي عرّضتني صالي اللوم ..
شويتني؟..جعل المرض ينفخ شواك؟


قد لك سنه... تنفث على صدري سموم
تبغي تميت الحب... لكنّه اعياك


والمشكلة... انك قريبٍ ومن قوم
لولا غلاهم كان شيّنت ممساك


والسمع ..عن عذلك مرقّم و مختوم
مختوم بالظن الحسن... عن دعاواك


ودام الحبيب بواجب وصاله يقوم
ما همني لومك و كيدك و شكواك


الوصل ...قوّى فيني آمال و عزوم
و أنعش عروق القلب... وآذاك و اذواك

والا الجفا ...في منطق العشق مذموم
لانّه يْعَـــدْ أقـــصر طـــريقٍ لمســـعاك


و يا قلب ...ياللي من ,جفا الزين, محروم
جعل الولي من لوعة البين ياقاك


اليوم جوّك صافيٍ ما به غيوم
وبكره مَ نعلم يمكن تغيّم أجواك


يمكن تِخِيل غيوم فرقا ..على يوم
شدّة دويّ رعودها.. تجلط دماك


وتمطر عليك آلام و احزان و هموم
تِنبِت على قاعك من الضيقة ..اشواك


و تصبح خراب ...وينعق بداخلي بوم
يسكن ضلوع الصدر... ياكل بقاياك


يمكن؟ ...ولا به في الهوى شي مجزوم
"واللي يصيبك لو تتقيت ما اخطاك"


ويا زين... حبي لك على اللوح مرسوم
و مدري اذا مكتوب في اللوح فرقاك


خايف... فراقك في قضا الغيب مقسوم
فعاون دعاي برد فرقاك...بدعاك


والله يعافيني ويستر علي دوم
من صدتك يا سيّد الغيد و جْفاك






تحيــــــــــــــــــــــاتيـ ..

[ابو شقره]

الفريض بيض الله وجهك على النقل الراقي
وصح لسان بن فطيس

[‏• فِرِِقِآإڪ خِيرِِهِہ ©]

السلام عليكم

صح لســانك ولسان ابن فطيس

ولاهنت ع النقل

[آإلـξـيـﯛטּ آإلشقآآﯛيـہ ¹°¹]

صصصح ’لسسآأن آبن فطيسس ♥

ويعطييك آلعآفيه ع هييك قصييده

لـآهنتت

[حسام الصميل]

صح لسسسآن ابن فطيس ..

ولآهنت ع النقل الجميييل .. }

[الغـــــزال]

صح لسان أبن فطيس...ولاهنت على النقل

[غرابيل العـجمي]

صصح لسسآن شآعرهآ ونآقلهآ

يعطيك آلعآفييه ع هيك قصيدهـ

لـآهنت

[عيون الطنايا]

صح لساااان بن فطيس ...
ولا هنت على النقل ..
تقبل مروري ؟؟

[الفريض]

عيدكم مباركـ وكلـ عام ونتم بخير

اللهـ لايهينكـ عـ الردورد الرائعهـ والمميزهـ

اسعدنيـ مروركمـ العطر

تحيـــــــــــــــــــــــاتيـ ,,

[مبارك مقيت]

صح لسانك

ولاهنت ع النقل المميز