دام الفشق غالي / حرام انّي ارميه

[حفيده خآلد بن آلوليد]

بسم الله الرحمن الرحيمَ
آلسلآم عليكم ورحمه وبركآإته




صار الخصام وقلت / الايام تنهيه
يمر وقت ويرجع الماء لمجراه
صديق بيني وبينه الودّ واغليه!
و له احترام ٍ شاد بالقلب مبناه
ياما انتخت قيفان شعري قوافيه
وتاريخنا ياما سويّا بدعناه
والله لحد / يا ما دعا وقلت لبيه
ويا ما تساجلنا عن العزّ والجاه
كبير في عيني لجودة مباديه
ومن وافقه مبداي / وافقت مبداه
لا الوقت غيّر مبدأي أو لعب فيه
وهو حفظ سطرين / والوقت نسّاه
ماهو عتب وخصام ولاّ مشاريه
السّانية زلّه / وجابت به اقصاه
دلو ٍ كدر والسَّم ماليه ماليه
ومن داه منّه / كيف ابقدر على دواه
في نظرتي رجّال , لولا حكى فيه
اللي تكلّم وانكشف شيء خفّاه
اثر الرّجولة مظهر ٍ في معاليه
شذّاب عرقوب الخوي لا تقفّاه
غداه من لحم الخوي مع حصانيه
و قدّام ناب الذّيب تنّسد الأفواه
لله مهو رجال من ذي مغاذيه
و حوض المراجل /ما شرب يوم من ماه
المرجلة بشت ٍ يغطّي بلاويه
وقناع يخفي شين وجه ٍ كشفناه
الصّبر ميزة لكن احيان مابيه
والحلم فآ لنذال لله فلا ابغاه
سماي ترزم فوق راسه وتدعيه
تبرق وترعد والثّرى فاتح ٍ فاه
إن قيل زلزال ٍ فقولوا نعم , ايه
وخلّوه يسجد خوف ويكثّر دعاه
وإن قيل جيش ابطال / قولوا وغازيه
وإلا حوافر خيلنا صبح تاطاه
بتثير نقع ٍ في عيونه وتعميه
وإلا تلطّم خيلنا دونه نساه
كانه يظنّ الطّيب بلوى وتذّيه
يالله زدني , وحيّ قلبي وبلواه
الطّيب شافه لكن الشّر بيجيه
وفي خشمه البندق وفي عينه بكاه
الحق حقّ اشهد عريب ٍ بجدّيه
مدري الرّدى من وين / يا قومنا جاه
الطّيب موطن في ضلوعي وحاميه
ومن ينبذه قلبي فلا ردّ لحماه
منبوذ نبذ اللي يخون (ا) بْني خيه
يوم الرجولة شوّحت به لمنفاه
صار الخصام وقلت كم يوم يمحيه
وإلا الجمل ناقه ترغّى به رغاه
البعض يحشم من حشيمة اهاليه
ولوهي على حشمه/ حشى ما حشمناه
والبعض نذكر عشرته لا رحم بيه
ونجنبه ياويل حظّه لجيناه
دام الفشق غالي / حرام انّي ارميه
وش لي بصيد البوم , ون زان مرماه
صار الخصام وقلت / الايام تنهيه
واثره هدم حظّه وفي قلبي انهاه



مم رآق لـيُ..