ياوجودي كان يبـري مـن العلـه وجـود
وجد من شاف المذلـه لجـل لقمـة هلـه
ان رضى بالذل بيموت مـن سـم الكبـود
وان تعـزز حـده الوقـت ليـن يجنـدلـه
ياوجـودي جعـل ليـل المفـارق مايعـود
كل مايطـري علـي هـل دمعـي بعجلـه
كنت اقول الحلم له مسئلـة وقـت وحـدود
لين ضاع الوقت والحلـم عييـت اوصلـه
ويش اسوي يا هل العـرف والايـام سـود
كـل ماودعـت حزنـي يجـي واستقبلـه
مايهدي ضيق صدري ليامـن ضـاق كـود
لاقريت الحمـد مـن بعـد ذكـر البسملـه
جعلني ماشوف ماكره ولا اخـاوي جحـود
وجعلنـي ماعالـج المشكـلـه بالمشكـلـه
اتصبـر يمكـن الصبـر فـي تاليـه فـود
والخطـاوي مجنبـه والمشاعـر مشمـلـه
اثـر راع الحـب مثـل المكبـل بالقيـود
بيـن خلـق الله وكـن اليـديـن مكبـلـه
بين رايـات الهزيمـه ورايـات الصمـود
وبيـن هقواتـه وعقلـه وطيشـه واجهلـه
يامعودنـي علـى البعـد مـا فالبعـد زود
جنـب الدكتـور رح للمجـرب واسئـلـه
يكفي اني كل ماطـروك فيضـت العـدود
وانت لا هاللحين ماتـدري ان لـك منزلـه
لاتظاهـر بالبـراءه وطعنـاتـك شـهـود
كـل طعنـه منـك تاخـذ مسـار الاولـه
كن عيونك ساحة اقتـال ورموشـك جنـود
وكنـي اللـي جـا بكيفـه يـدور مقتـلـه
من غلاك احتاج سعرات تحريـك الركـود
مثـل تحريـك المشاعـر بعطـر المذهلـه
اجمع احساسك غلا وانثـره مثـل الـورود
ولك علـي اشـرع القلـب حتـى تدخلـه
لاتخاف امـن التلاقـي ولاتنسـى الوعـود
واي حاجز يمنـع الوصـل قدامـك شلـه
وكان قصدك جرحي اللي مضى فرقى سنود
اذكر اني حزت الجرح قلت الـك ازهلـه
انت فيك اشيـاء واجـد تخليـك امحسـود
فـوق زينـك فيـك شيمـه وقيمـه وقبلـه
جعلني ماذوق حزنـك وجعلـك فالوجـود
لاتعودنـي علـى البعـد ويمـوت الولـه
الوصـال الستـر والبعـد بيـاح السـدود
وكل يوم يمـر مـن دون وصلـك مطولـه
كل شي يهـون غيـر التجاهـل والصـدود
ماقبله مـن غيـرك اشلـون منـك اقبلـه
لاتجاهلنـي وانـا مـن عريبيـن الجـدود
كـان عنـدك شـي لاتستحـي منـي قلـه
ماتنسينـا الخطـايـا مواثـيـق العـهـود
الوفـا منـا وفينـا وحـنـا مــن هـلـه
وسلامتكم
15-10-2009, 09:47 AM
العرض الشجري