أترككم مع هذه الرائعه
عشقة القمر حيث القمر ينبعث به نور = وأخص الليال البيض تزهاه ويزهنه
وأحب الهوى لاهب من خابعٍ ممطور = وريح النفل حيث النفل طيب الخنه
وأحب الجماله والجماله عمل مبرور = وأحب الغناه وأعز نفسي عن المنه
وأحب الصراحه والصراحه بها مسرور = وحيث الصراحه تقطع الشك والظنه
وأحب الكريم اللي يفرج عن المعسور = إلى من عطى حتى أهله مادروا عنه
وأحب الرجال العارفه وأكره المغرور = من أغتر في بعض المظاهر يغرنه
سقى الله ليالٍ ماضيه قبل هدم السور = نحفر العدود ونشرب الماء من الشنه
نشوف البنات إليا اوردن كنهن الحور = مهارن مشاويلٍ بالأعياد معتنه
على الماء تشوف بيوتهم كنهن القور = كثير القبايل تقطن العد بالكنه
على البال ذكراها ياليت الليالي ادور = ياليت الليالي ماخذنه يجيبنه
تذكرت شيبانٍ لنا يوم كنا بزور = يحثوننا بالطيب والفرض والسنه
وعاشوا حياةٍ قاسيه في بحر وبرور = عسى الله يعوضهم بما فات بالجنه
ودورٍ مضى من بينهم وين ذاك الدور ؟ = زمانٍ مضى له ذكرياتٍ يحلنه
ويوم الذهب مايلبسونه بدون خصور = وجمال النساء ماهو من السوق يشرنه
فقدنا حياة البدو مع شوفة المظهور = ولاعاد به بدوٍ ولا الطرش له حنه
سليمان الهويدي رحمه الله
العرض الشجري