ملى صدري غلا واقفى وانا ظامي فواد وعين/لـ محمد بن فطيس :)

[قبلة العذارى]

سلام عليكم


واسعد الله اوقاتكم بكل خير


للتواصل معكم .. واتمنى مايكون موضوع مكرر


رائعه لمهندس الكلمه محمد بن فطيس المري.. عسى ان تحوز على رضى ذائقتكم

دخيلـك ياهـوى الغربـي علـى قلبـي تهـب بزيـن=تـراك محملٍ بشيـاء تهـز القـلـب وضلـوعـه
تـراك محملٍ بشياً خفـيـه مستحـيـل تبـيـن=ولايفطـن لهـا كـون الجريـح مــلاوع اللـوعـه
عليـك الله وجــاه الله تـلـف يـسـار ولايمـيـن=ولاتحيـي عـروق جـروح مـن عاميـن مقطوعـه
تنحرتـك وانـا اعـرف النتيجـه دمـعـه وبيتـيـن=ومجموعـة هواجيسٍ تخالـف هـي ومجمـوعـه
وتنفستك وانـا اعرفـك علـى روح الشقـي حديـن=لكـن الله ومــرك وجابـنـي بـاقـدام مقلـوعـه
وجـودي وجـد مـن خلـي يقيـده الزمـن للـديـن=عفيفٍ ما اظهر الحاجـه ولافزعـوا لـه ربوعـه
والاياوجد حالـي وجـد مـن خلـي يشـوف الشيـن=يتيمٍ كلمتـه لا مـن شكـى ماهـي بمسمـوعـه
توفـى ابيـه عـاده مابعد هـو ينطـق اسمـه زيـن=وعـاش ابـلا اخـوان وناقـع كمـه مـن دموعـه
على اللي راح بفـوادي وانـا ادري ليـه؟ .. وادري ويـن؟=وروح روحةٍ مجبوعـةٍ مـاهـي بمتـبـوعـه
ملى صدري غلا واقفـى وانـا ظامـي فـواد وعيـن=لونـه غيـر وادعنـي علـي اهـون مـن الروعـه
وبنى له في الحشى سورٍ مثل سورٍ بني في الصين=يـرد الـعـاذل ويحـمـي ورود فـيـه مـزروعـه
حلف لي دين ماينسى وانـا اللـي قـد عطيتـه ديـن=انـا دينـي علـى ماهـي وهـو ماغيـر طبـوعـه
علـى خبـري لكنـي رحـت ادور للحقيـقـه لـيـن=عرفت اسبـاب ماتقنـع وشفـت اسبـاب مشروعـه
لونـه راح هاجرنـي علـي اهـون مـن الثنتـيـن=((مـراح مايبيـه .. وعبرةٍ فـي الحـلـق مقـروعـه))
عسى ربي يسامح كل مـن لـه فـي الفـراق ايديـن=سبـق سيـف الفـراق العـذل ياروحيـن منزوعـه
دخيلك ياهـوى الغربـي تـرى مانـي مـن الساليـن=ولـو بينـت لـك ضحكـه تراهـا صـدق مصنوعـه
دخيلـك كـف ولا لـف ولا غـيـر هــب بـزيـن=تـرى ماهـو يعرفـك كـون انـا ومـلاوع اللوعـه

وبس