اما الرجوع لهونا قبل ماله سبيـــــــــــــــل@دامك صبرت أول .. اصبــــر خل معك احتمال

[عيد بن شدقان]

هالحين توك تجي عقب الغياب الطويل=توك تذكر غلاي ورغبتك بالوصــــــــــال
هالحين توك تقول ان الصبر مستحيـــل=هالحين عقب البطا حطيتنى راس مــال
وينك يوم ان المدامع من فراقك تسيل ؟=وينك يوم ان المشاعر لك تنادي تعـــال
وينك يوم ان الزمن صار بوصالك بخيــــل=وينك يوم ان التسامح والعذر لـــه مجال؟
وينك يوم انك لروحي بالمحبه عديــــل ؟=وينك يومنك تغار من البطا بنفعــــــــال ؟
وينك يوم انك بقربك عندي أغلا خليـــل ؟=وينك يومنــــى قبل معطيك حب ودلال ؟
هالحين صار الـــزمن فى ترك حبك كفيل=خلاص مات الشعور اللى بقلبــــــي وزال
هالحين حتى كلامك صار دمــــــه ثقيــل=ماهو مثل قبل عندي بالحلا والجمـــــــال
الله ايحسبي عليك اللى نكرت الجميــــل=ضحيت فى حبك اللي كان كبر الجبـــــال
طولت بالبعد لين ان الغلا جاقتيــــــــــــل=والبعد لاطال يمحي الحب مابـــه جـــدال
طولت فى غيبتك واليوم هذا الحصيــــــل=جا بالمحبه برود .. وقبل كان اشتعــــــال
هالحين ماعاد يرجع حبنـــــــــــا ياجميل=هذا غلا والغلا ماهوب روح وتعــــــــــــال
عقب الكثير بغرامك مااقتنع بالقليـــــــــل=من عاش بالزود صار النقص عنده محــال
وقت قضيته معك بالحب ماله مثيــــــــل=ضيعت لذة هواه .. وطعت قيلــن وقــــال
كنت احسب ان الزمن لو مال بك ماتميـل=لكن طلعت الضعيف اللى مع الوقت مـــال
راجع غرامك قبل واليوم واخذ الدليــــــــل=شلي تشوفه بوضعك من يمين وشــمال
اليوم صار الصبر عندي لحبك بديـــــــــــل=ان جيت وان رحت صار الوضع عندي عـدال
عش فى غيابي مثل ماعشت عقبك عليل=ولشتقت حاول تذكر ماضيـــــات الليــــــال
اما الرجوع لهونا قبل ماله سبيـــــــــــــــل=دامك صبرت أول .. اصبــــر خل معك احتمال
واصل غيابك .. وكمل نيتك بالرحيــــــــــــل=دام المحبة قضت .. مالك ومال الوصــــــــال.
مجبل الحشاش