الـــســــر

[ســلطان زمانه]

يابنت لا يدرون بالسر واشين=اللي يشبـــــــون الهشيم بـــــرداهـــم
كنا سوى في الدرب يابنت ماشين=وش صار مني لين صرتي معاهم
يابنت انا عندي من اغلى النياشين=وانتي نزلتي تحت لي مستواهم
حتى براك الشوق للزين والشين=وقلبك غدى من كثر الاحلام واهم
ياما نصحت وصحت لك لاتراشين=ولاسمعتينـــــي وانا كنت فــــاهم
كنت اتوقع وقعتك بين غاشين=مايفقهــــون الــود مــما بــراهــــــم
الا انهم من صغر بالغدر ناشين=ما والله ادري لين كلـــــن نواهـــم
باقي لهم يومين ويصير تدشين=ومن شد حيله باعهـم واشتراهــــم