لابتي من روس قومٍ كالطوال النايفـــــــــــات = اعتلينا المجد حنا ولا طمنا كالبقيــــ

[الزايــــدي]

خطلان الآيادي


اسمحولي ماكتبت الشعر بعيون البـــــــــنات = ماكتبت الشعر الا بالقبيله والحميـــــــــــــــه
بكسب علوم المراجل والعلوم الطيبـــــــــــات = وبقتنص مدح الرجال ولايفرك من يديــــــــه
وبمتطي ظهر المطيه والخيول المسرجــــــات = وبلبس البشت الحساوي والسيوف الهاشميه
لابتي من روس قومٍ كالطوال النايفـــــــــــات = اعتلينا المجد حنا ولا طمنا كالبقيـــــــــــــــه
من دواسر علم حنا لا حلوم ولا سبـــــــــــات = مانعرف الذل حنا لعتزينا الزايديـــــــــــــــه
مزبنه للمجرم الي خايفٍ قوم الطغـــــــــــــات = يطلب الفزعه ونفزع بالليالي السرمديـــــــه
والديه بنسوقها للي غدا ظمن الوفــــــــــــات = بعد ما طاح الجدار وبعد ماصار الضحيـــــــه
هذا من داعي كرمنا والعلوم الخيــــــــــــرات = وجارنا يرقد ويامن مايهاب الحنشليـــــــــــه
حنا خطلان الآيادي وهاذي من بعض الصفات = وانشدوه الزير سالم والسبب راس المطيــه
الزايدي والتغلبي في عزهم مثل الســــــــرات = مايخيب الظن فينا نلحق الكيه بكيـــــــــــــه
والقبايل كلبوها طيبه من وين جـــــــــــــــات = احشمها مثل ربعي والحشيمه بالسويــــــــه
الحرار الي تعالت كالنجوم الساريــــــــــــــات = والعدو ماهمها لو كان راسه راس حيـــــــه
واسمحولي ماكتبت الشعر بعيون البنـــــــــات = واسمحولي لو غدت فيني صفات الجاهليــه

الشاعر : ماجد بن عبدالله بن جلوي المهنا الشكري الدوسري