ياصاحبي لا تقعد اتلف واتدور><الطير وشهو ؟ لو كسرنا جناحه

[نايف السبيعي]

الصبح شعشع واقبل النور بالنور><والليل الاسود مايجيب الصراحه

ماني بضايق لكن القلب مقهور><مثلي تساوت ضيقته وإنشراحه

آمنت باللي ثبّت اطويق والطور><عساه يلهمني ثبوت وفصاحه

واضح واحب اقابل الناس مسرور><مخلوق من بين الرضا والسماحه

اكتب قصيدي همي إسعاد جمهور><ماهمني فوضه وصوره وساحه

موجٍ تلاطم من ورى سبعة ابحور><حروف شعري للمخاليق راحه

يامبتليني بالحكي اسمع الشور><لا تحسبنّك عايش بوسط واحه

اللي خلقنا ميّز الحق والزور><الفرق واضح كالسما والبراحه

الطب يبغاله من الناس دكتور><والهندسه تبغى ارتفاع ومساحه

ياللي تقول اني من الناس مغرور><ميّز هماج الما وميّز قراحه

لامن كبر راسي مع الطيش معذور><لكن غرور الشخص سبة مطاحه

نسعى بهالدنيا نبي الحال مستور><والمجتهد همه وغمه نجاحه

ياصاحبي لا تقعد اتلف واتدور><الطير وشهو ؟ لو كسرنا جناحه

منت بمعي يابن الاجاويد مجبور><من راح مني سمّح الله مراحه



__________________

ان كـانهـا فـرقـا تـراهـا سلامـات

.............. وان كان قصدك تختبرني نصيحه





مشوار واحد صوب مبنى ( اتصالات )

.............. والعن ابو جد الشريحه بـ شريحه