اعتذر عن الانقطاع .. يا منتدانا الغالي ..

[dont play with me]

سلام عليكم




يسعد صباح ولا مسا اخواني الاعضاء بما يليق بهم



اعتذر عن انقطاعي عن منتدى الشعر العام .. ولكن يشفع لي




الشاعر الرائع / محمد الدحيمي

للترف خيـــل ٍ غدا مركــاضها صدري =وطيــــور شــوقي غدا مقيالها .. عيونه
لبا جفونـه ولبا .. طبعــها الخـدري=ولبا ســــوادٍ رقد في خدري جفونه
اثره بضحكة سنونـــه حافر ٍ قبري=ولا كنت اظنّي بامــوت بضحكة سنونه
شرهة متونه على شــلالها الخمـــري =وان نثـــرته الهبـــوب .. مردّه متونه
جيت اجبر الكسر لكنـّـه .. كسر جبري=مجنـــون والحـظ ساقــه يم مجنــونه
يتفنن بلوعتــي .. واتفنن بصبري=حتى غــدت لوعتــي من اجمل فنونه
لا رحم ابوالحظ ساق الهجر من بدري=وشيّد جســـور الجفا من دونـي ودونـه
واقفيت لاني ضرير .. ولاني ببصري =اليا منعني الحيا ... ساقتـــني المــــونه
وجهّمت اسوق الخطا في الدرب واهذري=( تكفـــون ياللّي خـذوا خلّي تــــردونه )
ابطى .. وخلّى سؤال ٍ يلهث بفكري=مادري يصون الغلا ؟ .. مادري هو يخونه؟
ويوم اني اسجّ بين أدري .. وما أدري=عقب البطا .. جاء يقول : الدار وشلـونه
قلت انت : دارك هنا.. (واْشِر على صدري)=قال انت : دارك هنا .. (واَشّر على عيونه)

ودمتم سالمين

[الوزير]

غالي وصح لسانك

[قبلة العذارى]

ابطى .. وخلّى سؤال ٍ يلهث بفكري=مادري يصون الغلا ؟ .. مادري هو يخونه؟
ويوم اني اسجّ بين أدري .. وما أدري=عقب البطا .. جاء يقول : الدار وشلونه
قلت انت : دارك هنا.. (واْشِر على صدري)=قال انت : دارك هنا .. (واَشّر على عيونه)

ياسلام ياسلام


دونت بلي


يعطيك العافيه ولاهنت على النقل الرائع وصح لسان محمد الدحيمي

تقبل مروري

[نـاصـر]

لاهنت ياشوق البنت

صح لسان الشاعر ولاهان الناقل المرتكي

[فهيد بن سالم]

صح لسان شاعرها وناقلها


ولاهنت وجعلك قوي وسالم


وتقبل مروري

[ريــــــانـه العــــود]

اخوي دونت

ويوم اني اسجّ بين أدري .. وما أدري=عقب البطا .. جاء يقول : الدار وشلونه
قلت انت : دارك هنا.. (واْشِر على صدري)=قال انت : دارك هنا .. (واَشّر على عيونه)

الله الله

صح لسان الشاعر

وصح اختيارك للقصيدة

[سهوم بقعهـ]

.

لا رحم ابوالحظ ساق الهجر من بدري
وشيّد جسور الجفا من دوني ودونه

.

جميل ما نقلتّ .. قصيد يشفع لـ صاحبه

صح لسانك /و/ ذوقك

[موسّع الحدّان]

صح لسان قايلها ويامرحبا بوجودك وتقبل مروري

[dont play with me]

المشاركة الأصلية كتبت بواسطة الوزير

غالي وصح لسانك

هلابك

حضرة الوزير



صح بدنك والله يغليك عند الله


لا هنت

[dont play with me]

المشاركة الأصلية كتبت بواسطة قبلة العذارى

ابطى .. وخلّى سؤال ٍ يلهث بفكري=مادري يصون الغلا ؟ .. مادري هو يخونه؟
ويوم اني اسجّ بين أدري .. وما أدري=عقب البطا .. جاء يقول : الدار وشلونه
قلت انت : دارك هنا.. (واْشِر على صدري)=قال انت : دارك هنا .. (واَشّر على عيونه)

ياسلام ياسلام


دونت بلي


يعطيك العافيه ولاهنت على النقل الرائع وصح لسان محمد الدحيمي

تقبل مروري

طله جميله



اهلا هلا بالقبلة



صح بدنش ولا هنتي


احترامي