اقدم اليكم احدى ابداعات ناصر الفراعنه
قصيده حيرة الكثير ولم يجدو لها تفسير
انها احدى طلاسم الفراعنه الرائعه
اتمنى ان اتنال اعجابكم
على قبر اليتيمه نـوت ثوبـي بالخـلا شقّيـت=ذكرت الله وشبّت في ضلوعـي حـربٍ أهليّـة
عقب وِتْر السبع والخمس والتسبيـح والتسميـت=طيور الما على سلمـى تغنّـي (طـاق طاقيّـة)
على باقي عرَق ساقي زجاجـة كاهـنٍ شمّيـت=على قِرْنـة حجاجـه نجمـة السِبْـط اليهوديّـة.
على الجنب التهامي لبّسوني خرقـةٍ فـي زيـت=تلالى مثل واري جمرةٍ فـي حـوض صفريّـة.
على ساقة ملوكٍ من بـلاد الرافديـن أضحيـت=أركّب سـنّ واقلـع سـنّ لـو مالـه ولا ليّـه.
وفي ريشة جناحٍ من حمـام الأخشبيـن ادويـت=امّذْرِع شان واقـرع شـنّ وآبرقـع نصيريّـة.
وعلى ظهر النعامة سافروا بي سبعةٍ مـن هيـت=إلى أعتى شعـوب الأرض الادنيّـه والاقصيّـة.
ذبحت العبد الادريسي ونِجْل الطاغية (حِبْرِيـت)=بأرض المغرب الأقصى طبخت من اللحـم نيّـة.
على تابوت نوت احيا واموت افنيت مـا ابقيـت=ضربت الطار واجتاحت عبيـد الـزار كونيّـة.
على قبر اليتيمة نوت أجـدّد حسرتـي لا جيـت=وأقبّـل ضاحكـات المـوت تحتيّـة وفوقـيّـة.
على شانك يانوت اعميت خطلان البشوت اعميت=أقـارع كـل ذو سِـدْنٍ وذو خِـدْنٍ وكوفـيّـة.
على شانك ينوت ادميت روس الخاينين ادميـت=أسرّج مِـرْج أمـرّج سِـرْج علويّـة وسفليّـة.
على شانك ينوت اضرب بحدّ مْصقّـلٍ إصليـت=وكدنـا ننتهـي لـولا خيانـة عيـد الألفـيّـة.
خبيثٍ من بني قومي سقاني حامـض الكبريـت=قرَت وسطه عجوزٍ من ذوي حضـرم ظفاريّـة.
وبسم اللي لهول اسمه تزلـزل منبـر السوفيـت=نحَرها اعلـى ظهرهـا جُبّـةٍ بالسـمّ مطليّـة.
ثلاث دهور اصـارع نافثـات الـزرو ماذلّيـت=غيّب شمس وادفن رمْـس والأصنـام مرميّـة.
ثلاث ازمان أداقش مسرجات الجانّ في تكريـت=ثلاث ازمان تمْرخ لـي ملـوك الجـانّ رجليّـة.
ثلاث سنين اعافـر نافخـات الطيـن ماولّيـت=ثـلاث سنيـن أكفّـن قاريـات التيـن بيديّـه.
وثلاث شهور ألاعي نازلات الطـور مـا ملّيـت=اجاوب جنب خيمة ضاربـات الطنـب طبليّـة.
وثلاث ايّام تنعاني سرايـا يـام ليـن اصغيـت=قـدّم كـوع اوخّـر كـوع يابيّـي ويـا بيّـه.
لذي الفيـروز سـادن معبـد النيـروز مالبّيـت=لغير الواحـد المعبـود مـا أبديـت مـا فيّـه.
بوادي برْك طارت بي حراير تُرْك يوم امسيـت=أعاشر ليـل عاشـر كـل ذي حمـراً نميريّـة.
طباين سبْك تدبْك دبّك ساع اقبلت سـاع اقفيـت=لسرْدٍ شرْد جـرْد مـرْد اصيّـح كـل قيسيّـة
ببطن القِرْش اعشّي حايمات العـرش ماغدّيـت=وحرْش الطرْش اورّدها قليب الهرش عصريّـة
بوجه الحوت جلّ اللي خلقني ضيغـمٌ صنتيـت=هِزَبْـرٍ ماتحـرّك منـه ساكـن ألـف سكنيّـة.
ورب البيت مـا خلّيـت منهـم بيـت ماهدّيـت=هـدّم دور وابـنـي دور والآيــات متلـيّـة.
هل المزمـار عبّـادة لسـان النـار والباكيـت=بني الإفْرَنْج قـومٌ مـن فـروج الزنْـج مبليّـة.
بكى سابور ذو الأكتاف في قصر الملـك بلْهيـت=على نَيْكـل سقيفـة عابـد الهيكـل ضحاويّـة.
تغطرس بِطرس النقرس وجينا له على التوقيـت=من ارض الفرس وارض الروم جبنا القوم منهيّة.
بعمّا والنبا والخمس مـن سـورة سبـأ شدّيـت=بقـوّة مـا تواتـر فـي الليـال العشْـر مكيّـة.
أقمنـا دولـة الأيتـام مـن حِلّـي إلـى حِلّيـت=وآخـر عهدنـا مـا أورَدَتْ ليلـى الأخيلـيّـة.
وانا ما هاضني فيما على بيض الـورَق خطّيـت=شجـاعٍ لقّبـوه (أحمـد) ولـه شلفـا وشبريّـة.
أعرف (أحمد) إلى جاء جاء وانا لا شلت ماحطّيت=تحامينا علـى وضـح النقـا والأرض محميّـة.
العرض الشجري