مشكلــــــــتي الكبــرى

[بريق ألمـاس]

لا والله الا رحت فيها والبلا كاني بكيت الحزن داهمني ونفسي ضايقة من مابها
بديت احس الكون يصغر في عيوني وابتديت اكره مكاني والرياض يضيق بي ترابها
راحت غرام القلب واصدق قلب بالدنيا لقيت هي سافرت عني وانا والله ماطيق غيابها
من اول اقوى بعدها والــيوم عاجز ماقويت تاخذني الذكرى لها لحد ماوصل بابها
انـــام من كثر التعب وأتعب ليا مني صحيت اعيشها وليا غفيت واغفا بها واصحابها
احاول اجفاها ولكن في الحقيقة ما جفيت الا علاقتي مع العالم عشان اعجابها
ياويل حالي يا "مساعد"ياكبر حظ الكويت لاوالله الا حظ اهاليها وحظ اقربها
حبيتها مو مشكلة مشكتلي الكبرى نسيت ليلة فراق الغالية نسيت احسب حسابها
نسيت لحسب لحظة فراق الهنوف اللي هويت نسيت كيف احيا حياتي دامني ما احيا بها
والله ماابغى شي من دنياي بس اللي بغيت ودي اكون اقرب لها من عطرها في ثيابها
ينتابني يأس وملل واحس بأحساس مميت واقدر احلف ان الذي ينتابني ينتابها
شعور ماحسيت به من يوم في الدنيا وعيت احساس ماحسيت به من قبل اشوف اهدابها
الله من كثر التعب واللي من الفرقا جنيت سهر قصيد هموم كل هاذي وش اللي جابها ؟
اعيش يومي ودي اهنا مير عدى ما اهتنيت اصلا انا وشلون ابهنا دامني ماهنا بها
هاذي لو اني عشت معها طول عمري ما اكتفيت لكن عساها سالمه للشايب اللي جابها
مكتوب واللي كاتبه ربي تراني به رضيت عسى الله يهون على نفسي مصاب صابها
يا مساعد اليوم انتهى وانا مع اليوم انتهيت مابه جديد الا بقايا شاعر يبقى بها
ادري تشوف التعب فيني ولا ودي دريت ادري وندري كلنا غيري تراه اولى بها
بس الذي خلاني احكي كل ماعنه حكيت هي حاجة نسيتها من قبل وقت غيـــابها
حبيتها مو مـــــشكلة مشكلتي الكبرى نسيت ليلة فراق الغالية نسيت احسب حسابها

هذي قصيدة للشاعر " فهد الديحاني "
ون شاالله تنال اعجابكم وتحوز على رضاكم
تقبلوا مني التحية

[/align]