وقـت العتـب راح لا ترجـع تعاتبنـي
مات الامل والبقى فـي راس وجدانـي
ماني مثل ما انـت خابرنـي وتحسبنـي
انـا الاول اصـبـح واحــد ثـانـي
خلاص مات الهـوى لاتهـدم ولاتبنـي
تركتنـي ليـن جـاء النسيـان نادانـي
العـام ادور سبـب مـنـك يقربـنـي
واليـوم ادور سبـب عشـان تنسـانـي
بعثرتنـي فـي هـواك اليـوم رتبنـي
نسيتني الناس شفنـي صـرت وحدانـي
كان السهر في هـواك اللـي محببنـي
والحين حتى السهر يكبر علـى اجفانـي
اجيـك يمحينـي عتـابـي ويكتبـنـي
مافيـه طـاري عتـب يمـر ماجانـي
وارجع وانا اقول : وش للجرح جايبنـي
ادري بجرحـك ولا ادري وش ودانـي
عن صدق الاحلام جاء الواقـع وكذبنـي
وعن فرح الايـام جـاء حبـك وبكانـي
مليـت اشيـل الامـل والدمـع يغلبنـي
واقـول بكـره يجـي للشـوق يلقانـي
ويروح بكـره واتـي والوقـت قالبنـي
وارجع على وحدتي واحزاني .. احزاني
بكيـتـك العـمـر كـلـه يامعذبـنـي
وش فيك ماتبكـي الليلـه علـى شانـي
انا وطن شعـر لـو شعـري مغربنـي
كتبت اجمـل جروحـي لجـل تقرانـي
انا نسيتـك دخيـل جروحـك انسانـي
خـلاص لا تتعـب وترجـع تعاتبـنـي
ودمتو علي خير
13-06-2007, 08:34 PM
العرض الشجري