فراج بن مشرع القريشي السبيعي كان له جار كريم الخلق ،طيب المنسب من الرجال الذين يندر نوعهم في هذا الزمن وكان اسمه محمد بن صالح من قبيلة آل مره المعروفة،وقد استمرت جيرتهم ما يقارب الخمس سنوات تجمعهم علاقة طيبة وتربطهم محبة الأخ لإخيه ،ثم رحل محمد المري الى منطقة اخرى ،فتأثر فراج برحيل جاره الذي اجتمع معه على الطيب والمعزه طوال هذه المده فقال هذه القصيدة:
البارحة عيني تزايد هميلها=أبكي ودمعي من عيوني صبايبي
أبكي على جاري شقاني وشاقني=يا نعم جيرة كريم الشواربي
عسى الديرة اللي حل فيها محمد=يسقيها من الوسمي حقوق السحايبي
عساه في عزٍ ليا حل ذكره=حيثه عزيزٍ ومن عزاز النسايبي
جاره خشيره كود ما حرم الله=خمس سنواتٍ شفت منها العجايبي
ماهوب ينظر في ملامح قصيرته=يمن وأنا آمن به لا كنت غايبي
سلمٍ لأبوه وسلم جده ولابته=مدٍ من المولى جزيل الوهايبي
أولاد زبدان هل الجود والصخا=ما كان شبانٍ وما كان شايبي
هاذي عوايدهم وهاذي سلومهم=لاخان في جاره خطاة الخايبي
وان جاء نهارٍ فيه ناخي ومنتخي=اعمارهم يوم الملاقا جلايبي
قومٍ يكفي فعلهم دون ذكرهم=اللي لهم سحج العشاير نوايبي
ذباحة للضين في شمخ الذرى=تشهد فعايلهم ولاني بكاذبي
وحياة جلاب الحيا رازق الملا=ما انساه لو حطوا علي النصايبي
وختامها مني صلاة على النبي=عداد ما ذعذع نسيم الهبايبي
وبعد أن وصلت هذه القصيدة الى محمد بن صالح المري ،رد عليها أخوه علي بن صالح بهذه الأبيات:
بديت باسم اللي على الناس فضله=الواحد القادر مدير الهبايبي
وخلاف ذا ياراكبٍ عمليه=تلفي لأبو بتال عيد النجايبي
ذباح للضيفان حيلٍ من الغنم=ما يذبح الا من سمان النوايبي
ما قلتها في طيب الذكر مدحه=يكفيك شوف العين والفعل صايبي
نعمٍ بأبوبتال ونعمٍ بربعه=كسابة الناموس يوم الحرايبي
سألت عن ربعه وجاني خبرهم=ألاد العسيلي متعبين النجايبي
مروين حد السيف والرمح والقنا=لا جاء نهارٍ يجعل الشاب شايبي
وسلامتكم،،،
16-05-2004, 03:14 AM
<<السبيعي وجاره المري>>
العرض العادي
