ياصغير السن قدرك طاحت ابراجه
الجرح خلّى الصخر ينطق ونطقنـي
خلاص....ماعاد تعني لي ولا حاجه
رح..جعل ربـك يوفقـك ويوفقنـي
من بعدما كنت نور العمر وسراجـه
اليوم صرت الظلام اللـي يطوقنـي
عطيتك اكثر من اللي كنت تحتاجـه
اسرفت في الحب لين الحب وهقنـي
خلاص..مالي ومال الحب وازعاجه
مالي ومال الدروب اللي تضايقنـي
تعبت اضم البحر واهديـه امواجـه
تعبت اجامل واشوف الوقت يسرقني
شكواي ل( للي)عليه الضيق وافراجه
اللي اذا شاء..يرحمنـي ويرزقنـي
اما انت يابو جبين عقـد حجاجـه
لا عاد تسال علامك منت طايقنـي)
الناس كل علـى دربـه ومنهاجـه
وانا عن الناس مابه شـي يفرقنـي
الا اني دايم احب الصـدق واواجـه
مخلوق..والله على ه(الوضع)خالقني
حتى رفيقي ضماد القلـب وعلاجـه
على كثر ما اتمسك فيه ..صدقنـي
لو ادري انه مرافقني علـى حاجـه
ل(امسّكه)حاجته...واقـول فارقنـي
اتمنى يعجبكم اختياري وعلى فكره القصيده للشاعر فهد المساعد
اختكــم
*,* غــــزال البـــراري *,*
__________________
لاخير بانسان رمى ثوب ماضيـه ** وبالتاليه يسعى لطمـس الهويّّـه
للشمس نور يحسب إنّـه يغطيّـه ** ما يدري كفوفـه بنـوره خفّيّـه
وأنا فدا الماضي ليا حل طاريـه ** أنسى الحيـاة المترفـه والشقّيّـه
طبع البداوه عشقي وميّتـه فيـه ** وكلّي فخر لاقالوا إنّـي بدويّـه
إيه ابدويّه آخذ الخيـر وأعطيـه ** وأبادل المعطي جزيـل العطيّـه
إيه ابدويّه وأزرع الطيب وأجنيه ** الطيب زرعي ما زرعت الرديّـه
إيه ابدويّه لـو تزيـد المشاريـه ** ببقى على عهـد البـداوه وفيّّـه
ماألاحق الموضه بسوق المسافيه ** اللي لهن كل يوم روحـه وجيّـه
الله سترني ، ثوبهـم ذاك ماابيـه ** لاصار تطريزه بسلـك الخطيّـه
ماني من اللي أثبت العكس iiوأنفيه ** وبيني وبين العيب حوض المنيّـه
ومانيب دلّوعه ولا قلت : (أمبيه) ** ولالي على كثر الدلـع مقدريّـه
رزينه وثقلي على الخـفّ أبديّـه ** دام الثقـل زينـه لعقـل البنيّـه
كرامتي نجم سطـع فـي لياليـه ** ولاذلّني مخلوق ما دمـت حيّـه
لنفسي عليّه دين لاشـك أبوفيـه ** ولا دفعت لمقتـل الخـوف ديّـه
وأقول للي جهل الأيـام معميـه ** مولوده ، وعشت ، وبموت ابدويّه
30-04-2004, 12:37 AM
العرض الشجري