أخر رساله ...!!

[أشهب الـلال]

السلام عليكم

أخواني / أخواتي

أتمنى أن تكونوا بصحه جيده

إليكم هذه الرائعه عسى ان تنال إعجابكُم


أخر رساله

يامجمّل المعنى ويا فرق الجداد مـن السمـول=هاك الجديده واتـرك الباقـي وخلّـك معتلـي
وان غررن بك غانيات الفكر يـاراع الذلـول=اعقل ذلولك عند حاتم واذكـر الـرب العلـي
لا تندهش لا شفت عندي من بنات الفكر هول=نزار قباني تـرى مـا منزلـه مـن منزلـي
مادام لـك قـدر ومعـزه لا تسمّـع للعـذول=احفظ مراسيل الموده واعرف ان مالـك حلـي
آخر رساله ياهلا..والرد مدري ويـش اقـول=بس اسمع: الله لا يعاقبني ولا يغضـب علـي

والله ياني وقتها فزيـت واسرجـت الخيـول=وعليك شنيت الهجوم مـن الدعـاوي مايلـي:
الله يلعنهـا معرفـه معك..والحـظ الكسـول=ويعمي عيونك..ويغدي قلبك مـن الهـم يغَلـي

استغفر الله ..والسموحه منك يا الولف الجفـول=لا عاد تنشدني وانا قلبي مـن الحرقـه ملـي
ان كان عندك من سؤالك ذا علي بعض الميول=لا تستحي قلها ..وانا لـو قلتلـي مـا قلتلـي
يانشهد اني عند وجه العشق والوقت الصمـول=بلسم جروح اللي مع الخـلان خانَتْـه الدلـي
انت انسجامي واكثرك رقه ومنطوقك خجـول=كلك احاسيس ورومانسيه..وانـا مانـي شلـي
لنجرفت الكلمات من وادي العسل مثل السيـول=يالعارفين.. العذر منكم يـوم اضيّـع مدهلـي

يابري حالي..يا اعذب الكلمات من معسول لول=ياتل قلبي..والله اني لك يـا لـو تصيـر لـي
شف للقضيه حل واسعفني ولا تعمـي الحلـول=ترى الله الوالـي ولا غيـر الله الوالـي ولـي
انا معك في عالم العشاق بمشي عرض طـول=بس انت خبرني عسى قاعك من الدايج خَلـي
ترى خضار القلب يطغابي على حـد الذهـول=ولاّ انا ماحـب اكـون الا الحبيـب الاولـي
انا هذاك اللي نهار الضيق لـه ربـعٍ زحـول=مااخطيت انا لا قلت يالعجمان ربعـي ياهلـي

وســــــــــــــــــــــلامتكم


لشاعر/

ماضي العضيمان


تقبلوا تحياتي

أخيكم