مــــــــــــــرثــــــــيــــــــــــــــــــــــ ات

[بندر]

الســــــلام عليــــــــــكم ورَحمة الله وبــــركاتـــــــه


اخواني اعضاء منتديات قبيلة العجمان اهدي لكم مجموعه من المرثيات التي قيلت في أمير القلوب صاحب السمو الشيخ جابر الأحمد رحمه الله رحمه واسعه وادخله فسيح جناته..

ونتمنى ان تحوز على اعجابكم..


في رثاء امير القلوب (1)
فالح الهاجري




الصباح اللي انزوت شمسه بحضن الغروب
والظلام اللي سبق حلّـه وجـاب الغيـاب
والمطر دمع السما والبكا عصف الهبـوب
والجهات الاربع استوطنت قلـب الضبـاب
والوطن ماعاد له لا شمـال ولا جنـوب
وين ما لقّيـت وجهـك يمسيّـك العـذاب
ليتها فـابريـل كذبـه نحملّهـا الكـذوب
او دعاية مغرض ٍ حاد عن درب الصواب
مات جابر ؟ ماتت شعوب وانهارت شعوب
ماتبي حسبه على اللي يعرفون الحسـاب
من بياض ايديه سار الكرم في كل صـوب
من غزارة غيث جوده خجل غيث السحاب
مات جابر ؟ ماتت قلوب وانكسرت قلـوب
واه يا هول الفجيعه ويـا كبـر المصـاب
العظيم اللي عجز يحتوي مجـده اسلـوب
والحكيم اللي عجز يحتوي فكـره كتـاب
مات جابر ؟ ماتت دروب وانقطعـت دروب
ما بقى الاّ درب يبـدى ويرجـع للخـراب
جابر الديره من كسـور خـلاّن الجيـوب
من شموخه ما بقى ناب للّي فيـه نـاب
يا الله انّك ترفعه فوق عن كـل الذنـوب
يا الله انّك في جنابك تزيّـن لـه جنـاب
دعوة اللي يقضي الفرض ولوجهك يتـوب
وانت تقبل دعوة اللي دعى بـامّ الكتـاب
عبدك اللي في الخفا كم قضى للدين نـوب
كم دفع للشر بـاب وفتـح للخيـر بـاب
وان لبسنا من سواد الحزن تسعين ثـوب
أو بكينا لين من دمعنـا يفيـض التـراب
إن رثيناه الدهـر مـا كفينـاه الخطـوب
وان بكيناه الدهـر مـا وفينـاه الثـواب





في رثاء امير القلوب (2)
سعود الفرحان



اشتقت للموته وانا ادري ليا اشتقـت
اصيـح والمسبـاح بيـدي فركـتـه
عطاني اكثر من ردى حظـي الوقـت
وأكبـر دليـل آبـوي راح وتركتـه
يامـوت وقـف لاتجينـي ليـا فقـت
أبوي هـذا خـف عليـه ان مسكتـه
إسمع تراني سامعـك لـو توهّقـت
أبـوي ماعمـره تـأذى بـسكـتـه
أبـوي شيّـب يـوم بيـده تلـزقـت
يامـوت خـوذ الأدعيَـه لااحتبكتـه
حتى انـت تغليـه وتحبـه وتعلقـت
والناس تدعيله ,, ولـه فـي بركتـه
العطف / و الخوف / الطمانه ليا ضقت
الأب / الأبيَض / والطهـاره حركتـه
الدمع الأبيَض / والسماحه ليا عقـت
الجابر / الأحمـد / ذراك إن شبكتـه
ياموت أبوي اللـي خذيتـه وصدقـت
مدري هـو الواقـع أو تقـول نكتـه
صدقني اخواني بكـو وانـت عرقـت
حتى البكى بأحشاي جيـت وضحكتـه
تالله لـوْ تـدري انــا ماتوفـقـت
الحـزن فينـي والمُصيبـه ربكـتـه
سلمـت للواقـع صبـاي وتشدقـت
وعرفـت إن المـوت حـق ودركتـه
إيه الخليج يعيش نكسه وانا اشتقـت
آشـم ثوبـه بيـدي اللـي فركـتـه





في رثاء امير القلوب (3)
مهدي العرجاني



خمسة عشر ينايرسته ورا ألفيـن
يومِ على دسمان من سود الأيـام
ذاعت الأذاعه بالنبأ والنبـأ شيـن
والحمد لله ديننـا ديـن الإسـلام
حكم القدر وأمر الولي فيه راضين
يا الله عسا منزله جنـات الأنعـام
لونـه بنطـح العـدا والمعاديـن
الشعب كلـه فـدوة لـك وخـدام
لكنهـا سنـه علينـا وماشـيـن
طرقيةِ في الوقـت محـدِ بهـا دام
مرحوم ياجابرعسا الله لك إي عين
في الموقف اللي فيه صرن الأقلام
تبكيك من نجرانِ إليـا فلسطيـن
وتبكيك من بحر الخليجي إلى الشام
وتبكيك يا جابر إشعوب وسلاطيـن
وتبكي عليك أرامل الشعب وأيتـام
يا الله عساك بجنة الخلـد آميـن
إي قولها شعبك مع شعوب الأسلام





في رثاء امير القلوب (4)
موسم سفر القثامي



معوضينٍ خير يـا شعـب الكويـت
بشيخٍ دعاه الحق يوم الأجـل حـان
شيخٍ حكم بالعدل وأكرم كـل بيـت
بينه وبين الشعب يا كثـر الحنـان
لو مات ذكره حي مـا كنـه بميـت
بنى صروحٍ شامخة شوف العيـان
عسى الجنان الخلد له فيهـا مبيـت
مع صفوت الأبرار يكتب له مكـان
في قلوب شعبك بالوفاء بنيت بيـت
مجدٍ مخلد مانمحى طـول الزمـان
يبكي على فرقاك شعبٍ لـه فديـت
ويبكي على فرقاك دسمـان وبيـان
يا للي بسوق الطايله بعت وشريـت
رغم الظروف القاسية كل صعب لان
عشر وثمان وعشر مع شعبك وفيت
قدمت ما يرضي ضميـرك بمتنـان
ننبيك ياللي عن جهـوده مادريـت
ياقو صبره يوم وجه الوقـت شـان
مرحوم ياشيخٍ على الافعى وطيـت
بسياستك حيث أن ألك قدرٍ وشـان
يومٍ جيش الرافديـن أبـه ابتليـت
صمدت في وجه العدو دون الكيـان
دون الكويت ودون شعبه مستميـت
يومٍ قصيرك بالوفاء والعهـد خـان
وجمعت شعبك فالبلد بعـد الشتيـت
وأخذت من كل الدول عهد وضمـان
ورجعت له مسرور في شوفه حظيت
وصليت به ركعه شكر بعد الأمـان
مرحوم يا شيخٍ على السنه مشيـت
وأكرمت شعبك ما شكا جوع وهوان
معوضٍ بالخير يا شعـب الكويـت
فالشيخ جابر جعل مثـواه الجنـان





في رثاء امير القلوب (5)
مبارك ابو ظهير



ياخالق الإنسان من شـي ٍ عـدم
ألطف بنا ياكافـل أرزاق العبـاد
ياربنا أنت الرحيـم أنـت الحكـم
وأنت العزيز المقتدر أنت الجـواد
أنت الذي يارب (( علم بالقلـم ))
يارافع ٍ سبع السمـوات الشـداد
يارب في هاليوم نشحذك الهمـم
إنك تقدينا علـى د رب الرشـاد
وإنك تقوينا علـى شـي ٍ عظَـم
من هوله الدنيا تغشلاها السـواد
اليوم هـذا فجّـر بقلبـي حمـم
لاوالله إلا ثـار بركـان الـفـؤاد
مات الأمير العادل الشهم الأشـم
مات الأمير اللي له الطيبه تقـاد
مات الأمير اللي من اول ماحكـم
أرسى العداله في البلد والخير زاد
مات الأمير اللي تعـلا بـالقمـم
وفي موتته عم الحزن كل البـلاد
عم الحزن إي والله إن الحزن عم
كل ٍ لبس في غيبته ثوب الحـداد
من شيمته يتْعلمون أهل الشيـم
تواضعـه دايـم لأخلاقـه مـداد
حتى وهو ميـت حبيبـي ماظلـم
أعطى الشهور حقوقها وبكل حياد
في نص ذي الحجه توفى هـالعلم
وبْمنتصف ينايـر إهتـزت بـلاد
حزن إنبنى وجْدار الأفراح إنهـدم
والدار فيها مظهر الأحزان سـاد
مامات جابر لاحشى ماتـت أمـم
الله يصبرنـا علـى نـار البعـاد





في رثاء امير القلوب (6)
ولاء عواد



عتم سراج الليالـي وإنطفـى نـور العيـون
وإنكسر حلم الأماني وإنتكس جفـن الكويـت
هلت دموع المـوادع وإنتشـى ذاك الجنـون
وإنهدم صرح المعالي يومك لعرشـه جفيـت
جيت أنا لدسمان أنادي وحدك لأرضي تصون
جيت أبسأل كل شارع شامخ بفخـره حييـت
وين شيخك وين عرشك وينه الليلـه يكـون
دامـه اللـي بالمحانـي بانـيٍ عـزٍ وبيـت
ياكويت إرمي عيونك شوفي أمجاد وحصـون
شوفي شلونه تعلـى حلـمٍ أرقـى ماطويـت
شيخنا جابر وأبونـا عالعمـر هـذا يمـون
لو يبي فدوه رقـابٍ تنكسـر لجلـه وجيـت
جيته أرمي كل شيٍ داخلي .. هم .. وشجون
لعنبو يوم المفارق .. إبكـي إبكـي ياكويـت
شققي ثوب الأماني وإنزعي لسان السكـون
وإذبحي كل المشاعر ... ياوطن جرحك حويت
جابـر الأحمـد أبونـا سيدنـا درعٍ وعـون
أقسم إنك بالمعالي لو على جسمـي مشيـت
يابعد راسي وكلـي يايبـه صـدرك حنـون
من عيونك في حياتي يابعـد كلـي إستحيـت
عالمي كله حبيبي لخاطـر عيونـك يهـون
جابـر الأحمـد حياتـي لالالالا مـا كتفيـت
شوفها كويتك حبيبي بس لقى عيونك يبـون
كل ما هلت نسايـم داخـل أنفاسـي طريـت
والمشاعر هي مباني في شموخـك يرتقـون
يا يبـه جيتـك أدوّر حضـنٍ بـداره بديـت
قالت طيورك مسافر قلت أنـا بكـره يجـون
إيه نعم فعلا وشفتك ولغلـى عشقـك قريـت
يـا شـراعٍ للمعالـي هـادمٍ كـل الظنـون
مبحرٍ بيـن المحانـي راسـيٍ فخـرٍ جنيـت
شفتك بكل الأماكـن عـن غلاتـك يعلنـون
شفتك بعين الطفوله وكل شـيٍ لـه حصيـت
شفتك بعين اليتامـا مـن حنانـك يرتـوون
شفتك بذيك المعالـم يـا يبـه فخـرٍ عليـت
والشواطي اللـي تحبـك للمدامـع يذرفـون
والخليج أبكى عيونه دامـك بطيبـك طغيـت
يسكب الدمع بحشاها... جونها ماهو بجـون
هذي دمعه من عيونه طاحت بصدر الكويـت
طاحت بوسط الخريطـه والحنايـا يحضنـون
طيفك اللي لو عبرها لهامـة الدنيـا وطيـت
إيه نعم لك حقٍ إنـك تاخـذ العقـل بفتـون
قلبـك اللـي بالحنايـا طفـلٍ لعـزه سقيـت
هذا ماهو قلب أبدا هـذا دنيـا وسـط كـون
لو عبر عنها خيالك في مدى دمـي سريـت
يا أبو مبـارك نحبـك والمشاعـر يحلفـون
يا عسى رحمة سمانا تكلل اللي بـه سعيـت
قمت أحس إن البرايا بالخبـر لـك يكذبـون
ترحل وكل الليالـي دونهـا دمعـي رضيـت
زلزل العالـم رحيلـك والمحانـي يشهـدون
يا يبه كلي فديتك ومـن بعـد كلـي فديـت
المعالي في غيابـك مـن عناهـم ينتهـون
يـا حبيبـي كـل شـيٍ إلا بعـدك ماهقيـت
والمدامع يا حياتـي برقهـا لجلـك يهـون
من على فرقى خفوقك زاهرٍ صوتٍ وصيـت
حافظ الأرض الكريمه كويتك لعـزك تصـون
مكرمٍ شعبك وكـارم دامـك بمجـدك هنيـت
ما تقصر في يمينـك والمشاعـر زيزفـون
عطرها ماله مثيـلٍ .. راقـيٍ وإنـت رقيـت
كل شيٍ في غيابك منحنـي مثـل الغصـون
شوفه القلب الكويتي من على دمعه سطيـت
دونك الديره يتيمـه .. بالمواجـع يسكنـون
شوفها أرضك حياتي .. قالت لعينـك بكيـت
وإكتسى حلم الأماني لونٍ أبـدا ماهـو لـون
شوفها كويتك عيوني ... تكتب اللي به رضيت
كل دارٍ فـي ألمهـا تنتثـر مـوت وغبـون
والعنا بين المواجع قال تكفـى لـك شكيـت
جيت أبرثي عيوني اللي للمواجـع يحصـدون
دام أنا حالي يتيمه بالحـزن دونـك صفيـت
بشتك ودربك ونورك ... دايم بذكرك يجـون
آآآه يا حالٍ بدونك ... كم لجل أرضك شقيـت
كم تحملت الليالـي ... والمشاعـر ينزفـون
دايم لـدارك تعمّـر ... عـزٍ كويتـي بنيـت
ديرتك تبكـي غيابـك والمحانـي يكتـوون
ودعت فيها أبوها آآآه يـا عشـقٍ عطيـت
ودعت كل المعالـي وإنحـدر دمـع العيـون
يدعي المولى يزيـدك رحمـةٍ دايـم وليـت
ليت روحي ياحبيبـي فـدوه لعيونـك تكـون
والقدر ماله خيارٍ .. دامـك بطيبـك سميـت
عتم القلب الكويتي ... في غيابـك ياحنـون
وإنتكس جفن الشوارع يومك لعرشك جفيـت
من على دسمان يبكي عزٍ أعـلاه الشجـون
وأصحبت دارك يتيمه ... إيه يتيمه يا كويـت






في رثاء امير القلوب (7)
فهد بن عبدان



أهل الكُويت أفواج فـي قصـر دسمـان
فعيونهـم لهفـه وحسـره وتخمـيـن
ذاع الخبـر ياليـت راعيـه غلـطـان
رحـل حبيـب الأمّـه سنيـن وسنيـن
غم وألـم واجـراح وهمـوم وأحـزان
القلب شعلة نار .. والدّمع فـي العيـن
مات الأمير , الوالـد, الحـر, الانسـان
يبكيـه شعبـه والوطـن والملايـيـن
مات الزعيم اللـي لـه العـز عنـوان
شمعـة وطنّـا والعـرب والمسلْمـيـن
( جابر الأحمد ) شان .. من مالهم شان
أبـو اليتامـى والضّعـوف المساكيـن
معروف في المعروف .. واحسانه احسان
يمناه بيرق جـود فـي العسـر والليـن
عطـاه غيـث يحـوّل الجـرد ريضـان
حـدود خيراتـه مـن الصيـن للصيـن
من دون حق الشعـب مخلـب ونيبـان
ومن دون حـد الـدار شلفـا وسكّيـن
قايـد وفـي حكمتـه للعـدل مـيـزان
حق المواطن كـاش .. ماياخـذه ديـن
حصان وبـن حصـان وربـوّة حصـان
عزيـز مايرضـى الاهانـه ولايهـيـن
لاضاق صدر الشعـب يظهـر كحيـلان
ماينشـرح صـدره وشعبـه حزينـيـن
مايشرب من العـد لـو كـان ضميـان
الين يسقي اللـي علـى العـد شفقيـن
الله يجعـل قبـره جنـان فـي جـنـان
قلته ودمع العيـن فـي محجـر العيـن






في رثاء امير القلوب (8)
عبدالله الرقيب



ساد الحزن والهمّ في شتى البقاع
وين السعادة والفرح مالـه نديـم
الهمّ صاحب والفرح صاير سبـاع
كشّر بنابه من بعد غـاب الكريـم
كن الحزن مرخي على العالم قناع
والكون خفره تتبع القول الحكيـم
علمٍ لفى زاد العنـا زاد الوجـاع
علمٍ لفى هـدّم طموحـات اليتيـم
وشلون نبكي من بعد مات الشجاع
وكيف هل نبكي على غير الزعيـم
ياشيخ لو كان البلا يشرى يبـاع
كان اشْتريته مير ما شوفك سقيم
ماجا مثيله أو بقـدر المستطـاع
من شان هذا ما بكي شخصٍ عقيم
حال المقابر في صراع وْ في نزاع
ياودّها يصبح لها شخـصٍ مقيـم
من دون شاره دون عزله ورْ تفاع
يعرف ليا زرته وسط ليـلٍ عتيـم
يالله يـاربّ السمـاوات الفضـاع
تكتب لها الجنه وغفـران وْ نعيـم






في رثاء امير القلوب (9)
تركي هاجد



هم وغرابيل وأسى فجرٍ كئيـب ودمعتيـن
ضيقة خواطر والحزن طاغي على موالهـا
مدري بكيت البارحه ولا خشعت بركعتيـن
ولا أنكسرت وضيقتي طاشت عليُ أبجالهـا
ولا توشحني ظلام الليل في لحظـة يقيـن
ألها البشر ماهيب شفقانه ولاهـي أبفالهـا
بألفين وسته شئم يوم الاحد لا الاحد الحزين
في ساعةٍ ينعي بها التاريخ موت أرجالهـا
جاني خبر موت الشجاع الوايلي أبن الامين
الشيخ جابر جابر العثرااات شيـخ أجبالهـا
راع الوفا والطيب وأجود يد الشيخ الرزيـن
مافيه خصله طيبه في ذى الزمن ما نالهـا
أبو اليتامى راعي الفزعات والـدر الثميـن
أمعرب الجديـن عـم الطايـلات وخااالهـا
قاد البلاد بحكمته في وقت عسر و وقت لين
حتى رقى القمه وداره فوق كتفـه شالهـا
وأكبر دليل أن الكويت الحين ماهي بأي حين
شفها مع العالم تصـدر فعلهـا وأقوااالهـا
فيالله ترحم شيخنا جابر بعطفك يـا حنيـن
وأنك تغمد روحه الجنـه وتشـرح بالهـا
وأنك تخلي منزله يـارب ويـا المرسليـن
وأنك توسع قبره اليـا ضـك بـه دجالهـا
لأنه أتقى شخص من بين العبـاد المتقيـن
ولأنه أعدل حاكـم بدنيـاً كثيـر أهوااالهـا
ولأنه اللي يـوم ودعنـا بكينـا أجمعيـن
في ساعةٍ فيها الزمن ينعي فقيـد أرجالهـا





في رثاء امير القلوب (10)
حسن بن علي الهاجري



الأحـد جانـا بوقـت الرابعـه
صبح يوم ٍ للكويتـي اسـودي
في شهر واحد والامّه متابعـه
ستّه وألفيـن عـام ٍ سرمـدي
في وفاة الشيخ جابـر فاجعـه
الأميـر اللّـي بدربـه نقتـدي
من خبر موته عيونـي دامعـه
عظّم الله اجرنـا فـي سيّـدي
يا قلـم ورّد بوسـط الطابعـه
عن مشاعر شعبي واحزان بلدي
شعبه اللـي بالمحبـه بايعـه
مانسى المعروف والكف النـدي
هذا جابر كـل طيـب ٍ جامعـه
والكرم في ذروته بـه يبتـدي
مدّته تمـلا البطـون الجايعـه
لخدمة المسكين دايـم يجهـدي
حكمته تهـدي قليـل الرابعـه
ولأجل شعبه كل شيء ٍ يفتـدي
بالسياسه كـل حاقـد قامعـه
وبالفطانـه رد كيـد المعتـدي
شامخ ٍ مثل النّجـوم اللامعـه
مات كلن في صلاحه يشهـدي
القلـوب ابحكـم ربّـي قانعـه
والقدر لازم على النّاس يعـدي
ذي عقيدتنـا ومنّـه نابـعـه
ولولا توفيقه أبـد مـا نهتـدي
يا إلآه ٍ كـل شـيء ٍ سامعـه
وأنت في عرشك ولا لك مسندي
جل شانك عـن ايـاد ٍ طامعـه
من على المكروه غيرك يُحمدي
نطلبـك وقلوبنـا لـك خانعـه
ولا حد ٍ غيرك إلاهـي نعبـدي
روح ابو مبارك لوجهك راجعـه
جعله بجنّـات عـدن ٍ يسعـدي





في رثاء امير القلوب (11)
خالد بن سكران



أكبر مصيبه تفقـد أنسـان غالـي
له في صميم القلب حشمة وتقديـر
وموت(الأمير الشيخ جابر) هوالـي
تهتز في موتـه قلـوب الجماهيـر
من هول فرقا الشيخ راع الجزالـي
الشعب يعجز عن وصوف التعابيـر
يبكيه شعبه مـن حريـم ورجالـي
وتبكيه ضيفان (الوطن) عود وصغير
الـدار عقبـه كنهـا بأحتـلالـي
الصمت عم الدار عقـب التباشيـر
شيخٍ حكم بالعـدل طـول الليالـي
في عصر حكمه ماحصل منه تقصير
وافي لشبعه فـي سـلام وقتالـي
من أجل داره ماقصـر بالمشاويـر
سـم المعـادي محتمـى للتوالـي
سيفٍ مجـرّب بالليـال المعاسيـر
كريـم سبـلا بالعطـا مايبـالـي
من طـق بابـه ماتـرده معاذيـر
أبـو اليتامـا بالعطايـا جـلالـي
لأجل الكويتي ماحسـب للمخاسيـر
مرحوم ياشيخٍ على الطيـب والـي
مرحوم يانسـل الرجـال المناعيـر
مرحوم ياعـون الرفيـق الموالـي
مرحوم ياستـر الوطـن والغناديـر
مرحوم يا ريف الضعيـف الهزالـي
مرحوم يارمز الوفا منبـع الخيـر
ياعـل مسكانـك جنـانٍ طوالـي
في جنّة الفردوس ضمن المشاهيـر





في رثاء امير القلوب (12)
محمد صالح العتيبي



سبحان من بأمره يصـرّن الاقـلام
فالهيّنـه ولاّ الضـروف الجسيمـه
ربٍ علـى كـل المخاليـق عـلاّم
محيي .. مميت وكل شـيٍ عليمـه
مافيه مثل الموت حاجـاتٍ إعظـام
الله اكبـر .. يـوم عظّـم عظيمـه
مع صلاه الصبح والطيـر ماحـام
ضربه على صدر الكويتـي أليمـه
الموت مانكّس من العالـم أعـلام
نكّـس دمـوع الارملـه واليتيمـه
ودموعنـا شـبّ وشيّـاب وأيتـام
كلٍ دعته الفاجعـه فـي صميمـه
وشلون مانبكي ونحـزن وننضـام
وأميرنـا فـارق شعـوبٍ مقيمـه
كفّ الندى .. ماكفّ مع طول الايّام
يمناه فـي بـذل العطايـا كريمـه
جابر على جبـر المعاثيـر جـزّام
عزّام في فعلـه وماضـي قديمـه
عشرين عام وزادها تسعة أعـوام
نعم الحكم ..نسل السلاله الحكيمـه
عاصر ضروفٍ مالها قيـد وخطـام
وطوّع رسنها يوم شـدّ الشكيمـه
شيخٍ على شيـل الثقيـلات فصّـام
ماتجهله رووس الرجـال الفهيمـه
يوم النظام وميّت النـار .. صـدّام
هاموا على أرضه بالجيوش المهيمه
قام وتحيزم .. والفهد درع وحـزام
وزادت عزايمهم .. عزيمه عزيمـه
وقال الوعد قدّام .. والشيـخ قـدّام
مثل النديم .. اللي حزامـه نديمـه
حررّ بلاده ماثنـى قـدم الاخصـام
دايم نصير الحـق يفـدح خصيمـه
سيرة شجاع وبالكرم فاق الارقـام
مايجحده غير النـذل .. والبهيمـه
يالله يامنـزل تبـارك .. والانعـام
تنشي على قبره من الغيـم غيمـه
وتجزيه عنّا خير .. ياخيـر عـلاّم
بالهينّـه ولاّ الضـروف الجسيمـه
والموت مانكسّ من العالـم أعـلام
نكـسّ دمـوع الارملـه واليتيمـه
ودموعنـا شـبّ وشيّـاب وأيتـام
كلٍ دعته الفاجعه فـي صميمـه .!





في رثاء امير القلوب (13)
ســدّاح



على الله عزيز الملك وحسابنا محسوب
بسط سنّـة الدنيـا بحكمـه وسلطانـه
إله ما عطا وأحيا ولا نعلـم المكتـوب
وله ما خذا وأفنى بمـا سـنّ سبحانـه
مصيبه عصيبه تتعب الشاعر الموهـوب
مصاب ٍ يهـدّ الشعـر ويشـلّ قيفانـه
لو أنه معه حس ومشاعر وأدب وأسلوب
يبى يبطي لسانه مـا صـحّ الله لسانـه
وأنا فاتح ضلوعي على شاشة الحاسوب
وقلبـي علـى لوحـة مفاتيـح بيبانـه
أغنّي وصدري يلتهب والحشا مشبـوب
وأكوسر لحونـي بيـن نـاره ودخانـه
يا كبر المصاب اللي لفانا بـلا منـدوب
ركز مع صلاة الصبح فالـدار نيشانـه
خذا شيخنا اللي ما خذا شيخته مغصوب
أمير .. الأماره مـن مواريـث جدانـه
نعزّي بعضنا فيك يـا القايـد المحبـوب
صـدور الكويتييـن بالحـزن مليـانـه
زعيم النزاهه والوفا راعـي الماجـوب
كريم الجناب اللي سما واعتـلا شانـه
تقّي الضمير الصادق الراغب المرغـوب
رغبنـا ورغبّنـا بجـوده وعرفـانـه
كفيل اليتامى والأرامـل نظيـف الثـوب
أبونا الكبير اللي حملنـا علـى أمتانـه
يشيل النقا فوق النقا والشقـا مذهـوب
حضنّنا بحبه وأثمـر الحـب بأحضانـه
صناديق بإحسانه تنادي على المنكـوب
عسى الله يجازي جابر الخير بإحسانـه
ويا كم جراله من مصاب وخطب وكروب
ثبت جابر العثـرات مـن قـوّة إيمانـه
تحمّل وشال الحمل والبيرق المنصـوب
حفظ حق ضيفانـه ولا خـان جيرانـه
صبر وأصبح الغالب بعد خانه المغلـوب
وشيّـد بنـاه وطـاول المجـد بنيانـه
تفيض العيون دموع لين العيون تـروب
عدانـا المـلام إليـا بكينـا علشانـه
حشى ما نقول أنّه منزّه بـدون عيـوب
لكنّه مـن الأخيـار والخيـر عنوانـه
مسيرة أمير بلاد وافـي وأميـر قلـوب
على الخير مذكوره ويا صعـب نسيانـه
عليه التعازي جات من كل حدب وصوب
ولو بعض حكام العـرب مالهـم خانـه
على كثر ما شفنا وعفنا دول وشعـوب
ما شفنا كثر حـب الكويتـي لشيخانـه
فقدنا عقيد الحكم والحاكـم المنصـوب
شكا من رحيله قصر سيفـه لدسمانـه
له الحب دايم ماهو بحب نـوب ونـوب
محبّـه طبيعيّـه مــن الله سبحـانـه
جهنم لها معتوق عن نارهـا محجـوب
عسى جابر الأحمد ما يآخذ بهـا خانـه
لعلّه في يوم الحشر يبعث بدون ذنـوب
بجـاه الغفـور اللـي طلبنـاه غفرانـه
يحطّه ولي العرش في المنزل المطلـوب
مع خلقه الأبـرار فـي عالـي جنانـه
ويدوم البقاء فاللي مكانه يسـد النـوب
من أطيب بني عمّه ومن خيرة أخوانـه
ويحفظ البلد من ردّ يوسف على يعقـوب
ويجبر عزاه بعطفـه ويجلـي أحزانـه






في رثاء امير القلوب (14)
عقاب الرّبع



كئـيـب لا تنـشـد عـلـوم المحـابـر
بعـض الحـزن طلاسـمٍ مااقـدر اقـراه
يعني قبـل هالعلـم ويـش انـت خابـر؟
كـل مايهـب ايـة حـزن جيـت ويــاه
والـيـوم كَمًلـهـا .. ولا راح عـابــر
بـقـى دلـيـل قلـوبـنـا للمـعـانـاه
ياكويـت مـن صجـك تحسبيـن جـابـر
مـات؟ وْهُـوَ اللـي تـاركٍ بـك مزايـاه
واللـي خْلقـه ياكويـت مانـي مكـابـر
ان قـلـت تبـقـى للقيـامـه بقـايـاه
الــروح لله .. و ..الجـسـد للمقـابـر
والصيت يهـدي اجيالنـا مـن سجايـاه :
صبر ..و..دهـا.. هـذا الشديـد المثابـر
حلمه .. و..عطفه .. والحنان .. و..عطاياه
هـدوء صوتـه فـي ضجيـج المنـابـر
دنـو سمعـه لـو شكـى كويـتـي الاه
قولـي انـا بـي شعـب مبلـي وصابـر
مسلـم ولا يـجـزع ليـاشـاف بـلـواه
يدعي لابونا .. الغالـي .. الشيـخ جابـر
ربي اغسله بالمـاء .. واغفـر خطايـاه






في رثاء امير القلوب (15)
احمد بن غالب



بسـم الله الرحمـان والأمـرُ مصـابٌ وجلـل
والأمر لله واستعيني به على أمـرك يالكويـت
ياعيـن لاتبكيـن وصبـر يالسانـي لاتــزل
الحكـم لله وبحكـم ربـي وماجابـه رضيـت
لاوالله الا راح حاكـم يعقـد الأمــر ويـحـل
حاكم وحكمه ماهو ابشريا ولا هـاص وسبيـت
حكمـه يطيـر روس ويـذل العزيـز الياجهـل
والمخطي اليا اخطى الطريق وجيب له عدوه ميت
عادل وحاكم والفخر والطيـب ميـراث ونسـل
والجود من يمناه ياكم جدت للشعـب وعطيـت
والشعب بعد الله علـى جابـر وعضـده متكـل
ويهنى بعـد ربـي بخيـره بالنهـار وبالمبيـت
ياجابر العثـرات لاثقـل الحمـل يبـرك جمـل
ومن خلقتك ماقد على جارك بغيـت ولاعديـت
جابر وصل بالمجـد للمريـخ ولكوكـب زحـل
وعن دولته دافع وعن دينه دفـاع المستميـت
وفي خاطري شي(ن)بقوله لو انا راعـي محـل
ودي اعزي فيه شعبه بيـت بيـت بيـت بيـت
وحبيت اعبر عن مشاعر في حروف وفي جمـل
ولو قلت في جابر محـد بيقـول كفيـت وفيـت
لوقلت في جابر قصايـد كثـر حبـات الرمـل
والله محـد بيقـول وفيـت ابقصايـدك وكفيـت
ويالله تقبل دعوة اللـي فـي ركوعـه مبتهـل
وانا من البـارح بنومـي والله إنـي ماهتنيـت
ويالله تغفرلـه وتجعلـه ابفـردوسـك مـحـل
ويالله تلطـف بالسعوديـه وتلطـف بالكويـت






في رثاء امير القلوب (16)
عايض مبارك



لو البكـا بيـرد غالـي بكينـاه
والله لهل الدمـع ستيـن مـره
لاشك هذا حكـم ربـي ومقـواه
بصبر على حكمه بخيره وشـره
ياكويت مالومس على اللي فقدناه
شيخن حوا الماجوب في كل مره
يسجل التاريـخ طيبـه ومجنـاه
طيـب وكـرم واخـلاق لله دره
حكيم رأي وبالسياسه بخصنـاه
سياسته تمشي بعـدل ومسـره
والشيخ جابر..راعي الخير شفناه
قاد المسيره خـلا لكويـت دره
ويفك عسرات الدعاوي بيمنـاه
أبشر بخير ومايجيـك المضـره
واليوم جانا علم ياشيـن مبـداه
عم الحزن بحر الخليجـي وبـره
علم ٍ على بث الأذاعه سمعنـاه
دالوب فكري فره الحـزن فـره
قالو توفى وأعلنو كـل ماجـاه
وأصبر وحزني داخل القلب اجره
وتبكيه كل الناس ياصعب فرقـاه
ويفقده منهو فالمواقـف يسـره
وبشته وكرسيه وقصره ومبنـاه
وشعبه..وكل العالم اللي تمـره
يالله عزه فوق وأغفـر خطايـاه
في جنة الفردوس ثبـت مقـره





في رثاء امير القلوب (17)
عبداللطيف الغامدي



ياربي ياوالي الخلـق ياكاتـب الآجـال
لحكمك خضع قلبي وانا رافـع ايديّـه
نهار الاحد من فجره اقبل كما الزلـزال
يشق الصدور ويلحـق الكيـه الكيـه
فقدنا فهد والحزن مـن ساعتـه لازال
وعلى جابر العثرات الاحـزان مثنيـه
سهوم المنايا لو عن المكرمين تحـال
ما تلحـق نفـوسٍ سِخـرت للمحنيـه
لكنه قضاك تنصّب رجال بعـد رجـال
ومن راح روحه ما ورى روحته جيـه
وانا لي نهار ان قلت ياشعر كيف الحال
يقول البحـور احـزان والهـم قافيـه
فقيـده يبوراكـان لا تفضـح الغربـال
قضا الله وتدبيره وذي صحف مطويـه
وحلفت اله لو ما اسعفتني في ثلاث ليال
لاطفّي بكفّـي جمـرك ونـارك الحيـه
وجتني موافاته مع دمعه اللـي سـال
على الطيبين الحـزن مافيـه جنسيـه
وهذا جابر اللي في نقاه النقـا يختـال
وسود النوايا ينكسـر لابيـض النيـه
بطيبته حطّم مكر سيف العـدا الختـال
وفي بسمتـه تكشيـرة الحقـد ملغيـه
عريب الجدود من الطريقين عمّ وخـال
سليـل النجابـه والذكـا والحيـاديـه
كفيل اليتيم مكمـرّم الطرقـي الرحـال
رفيق الظّفر والجـود شيـخ النداويـه
امير القلوب الوافي الموفـي المدهـال
نهار الشكاوي زندهـا ساعـة الهيـه
عسى الله يهب له في رغد جنته مدخال
وقصورٍ بعد دسمـان بالللـول مبنيـه
وترضى عليه بحـق قدرتـك يامتعـال
وتغفر له الزله وتمحـي لـه السّيـه
وتخلف دياره من يطمـن بعـده البـال
من اللي فخرهم ملك ما هوب عاريـه
خلاص انتهينا .. قلت ما تنشرى بالمال
يانورٍ سرى بيـن النجـوم السماويـه
نعم صح يا قافي كـذا تنكتـب وتقـال
عزا للكويت هنـا الفقيـده السعوديـه





في رثاء امير القلوب (18)
سعود بن مهدي



ياليتني فجـر ( الاحـد ) ماتوعيـت
ولاشفت في ( دسمان ) حزن المنابر

قالو توفى ! قلت : انا اللـي توفيـت
القلـب يبكـي والمحاجـر .. تكابـر

مدري عقب جابر ؟ اعزيـك ياكويـت
ولا اعزي طفـل .. ماشـاف جابـر

ابو اليتاما .. راعي الجـود والصيـت
مقدم رجال العـز .. مجـد الاكابـر

الطيٌب اللي في كل قلب ٍ بنـى بيـت
وقت ٍ ماعاده فيه ! ذا وقـت غابـر

ماتنسـي يابومـبـارك لاطـريـت
في سيرتـك جابـر وللكسـر جابـر

ياشعب يومك فـي وجـوده تهنيـت
اليوم ؟ عقب الشيخ ! وشلون صابر ؟

جابر بيبقى حي .. حتى ! وهو ميـت
مدام مشهـد ضحكتـه لـه مخابـر

يالوالد اللـي مـن حنانـك تقهويـت
محـال يرثيـك الشعـر والمحـابـر

ليتك قبـل مامـت شفـت وتحريـت
ناس ٍ بكت دفنك .. جمـوع وطوابـر

ياقبـر لـو انـك تعرفـه تمنـيـت
ما ينهري طاهر مثـل جسـم جابـر

لو العمر يهـدى يابومبـارك اهديـت
عمري وعمر اخوانـي اللـي تثابـر

الموت عابـر ان رضيتـه وعييـت
الا انت موتك شي .. ماهـو بعابـر

من اول ٍ ! ياحظنا بقربـك ان جيـت
والحين في قربك .. ياحـظ المقابـر

مابه محال بذا الزمن شـي ياكويـت
الا انه ؟ ينجب واحـد ٍ مثـل جابـر









في رثاء امير القلوب (19)
ولاء عواد



(( الشعب الحزين ))

يا فجيعه كيف أبوصف حالـك المـر اللعيـن
كيف أبين جرحك اللي يسكن كويـت السـلام
كيف أبرر في غيابه حالة الشعـب الحزيـن
إسئلي الديره بربك ... كيف ... عقبه هي تنام
إسئلي قلب الطفوله وإقري إقري كـل عيـن
وإسئلي كـل البريـه وإسئلـي كـل اليتـام
شامـخٍ وحـده وباقـي للألـم فينـا يعيـن
والوطن دونه حزيـنٍ خالـيٍ عقبـه يظـام
لـو نعـدد بالمكـارم ماتكفـي هالسنـيـن
من ملك عهد الإماره شامـخٍ ليـن الختـام
راسم العهد الكويتـي مجـده اللـي مايليـن
باسـطٍ يـده وعاطـي فاتـحٍ بابـه مــدام
إيه مدامه بالمعالي يرفعـك فـوق الجبيـن
ثم يطبب فـي يمينـه عالـمٍ فيـه السقـام
لو نخيته ما يقصر .. فاتـح أبـواب العريـن
معطيٍ شعبـه وغيـره مالـكٍ كـل الهيـام
مـا تأخـر بالعطايـا دايـمٍ خيـره يبـيـن
لو وصفنا مـا نصفنـا مانفـع كـل الكـلام
شيخنا شيخ المشايـخ دونـه الدنيـا تشيـن
جابر اللي بالمعالـي بـارقٍ مثـل الحسـام
يا خسارتنا الكبيـره غـادر الكنـز الثميـن
وظلت عيون الشواهـد بالجنـازه لـه تقـام
طالع الديره تأمل مـن يسـار ومـن يميـن
كلها تشهد معانا ... تنطق أشـواق وغـرام
تسأل القصر وطريقه وين شيخك وين ويـن
وينه اللي فـي قبولـه قـادة الدنيـا قيـام
كانت الدنيا فـي عينـه دايـم تهـل وتزيـن
شامخٍ بين البيارق شيخهـا فـارس همـام
لو يميل الحظ فيها ... ما يجي غيـره يعيـن
علم الدنيا ترتـب حالهـا ... بكـل إنتظـام
يا كويـت المجـد دايـم عزتـه لا ماتهيـن
إستمـري يـا كويتـه إستمـري لـلأمـام
إحفظي درس الكرامه وإحفظي عهـدٍ رزيـن
وإن بكيتي في وداعـه دمعـك أبـدا مايـلام
والبقا براس العروبه حزنهـا لجلـه رهيـن
تنزف الأرض برحيله دمعهـا حلـق وحـام
في غياب الوالد أرثي صـورةٍ فيهـا حنيـن
صورته يوم الشوارع تضرب لعينـه سـلام
في دفاتر مجده أبدا مـا تجـي نقطـه تديـن
قلبـه وعهـده وطيبـه مالكيـن الإحتكـام
لو صخر أرضه تكلم ناحت حـروف الأنيـن
ثم لوت بين الحنايـا سيـرة أسيـاد الكـرام
جابر اللي فـي رحيلـه للعدالـه تجهضيـن
وإن لمحنا شعبه اللـي باكيـه قلنـا حـرام
يا فجيعه يا مصيبه والحـزن قاسـي لعيـن
كيف أبكتب طعنك اللي يسكن كويـت السـلام
كيف أبرر في غيابه حالـة القصـر الحزيـن
كيف أبرثي والد اللي أصبحوا كلهـم يتـام ؟





في رثاء امير القلوب (20)
فيصل العتيبي



صدمة عظيمة هزت شعوب وبـلاد
فرقا حبيب الشعب عشق الملاييـن
دمعات عيني سالت جموع وافـراد
ابكي وتبكي مـن وراي المياميـن
كل البلد تبكي على سيـد الاسيـاد
بالعاصمة والا من يسـار ويميـن
صفحة من المجد انتهت صعب تنعاد
ياصفحة التاريـخ مابـه عناويـن
راح الزعيم ولا ترك غير الامجـاد
هذي حقيقـة والحقايـق براهيـن
كان الابو والشعب كانـو لـه اولاد
يالله تصبرنا على الدمـع وتعيـن
كان الحنون وكان بالحـب يـزداد
كان الغـلا ويعدّنـا حيـل غاليـن
كانت له البسمه من وجيهنا أعيـاد
وده يشوف الناس دايـم سعيديـن
يشهد على خيراته اقراب واضـداد
بياض كفه فـي جميـع المياديـن
ياما عطى غيره من المال والـزاد
دول مجاعـة أو تشتـت براكيـن
صيته تعدى بالفخر روس الاشهـاد
وأسمه يبي يبقى لنا سنين وسنيـن
لو نحسب أفعاله يضيعّـن الأعـداد
الزاهد اللي كان يحرص على الدين
أمير واختار السياسة لـه أسنـاد
من حكمته جاب اعتدال الموازيـن
مافيه منّه والأمـاره مـن أجـداد
آل الصباح وصيتهم عاش من حين
تاريخهم معروف هجـري وميـلاد
كانو على حب الكرامـة حريصيـن
يوم البلد هذي على اترابها جهـاد
قالو لها ياكويت فـي قـرة العيـن
كان الطمع من ناس للخير حسّـاد
بس أحتمـو حكامهـا للحسوديـن
دايـم علـى درب البطـولات ورّاد
عاشو سلاطين وتوفـو سلاطيـن
وجابر بكته عيون والدمـع مافـاد
بكت عليـه الأرملـه والمساكيـن
بكو عليه الشعـب لا .. والله بـلاد
تبكي على فرقـاه وتقـول ياشيـن
ياشين فرقا الشيخ والموت لاعـاد
ماله مع أهل الطيب عرف وقوانين
ياتي على غفله ومن غيـر ميعـاد
ليته تركد ماحضر لـو بعـد حيـن
ماكان جمره داخـل القلـب وقّـاد
الموت كنّه ياخـذ القلـب تثميـن
مايعترف بالطيـب للـروح جـلاّد
مافيه حيٍ عـاش حتـى النبييـن
حتى حبيب الأندلس طـارق زيـاد
واللي شهر بالسيف في حرب حطين
لو أنها بالغصـب تهديـد وعنـاد
والله ماياخذ مـن الخلـق حييـن
واللي سوات شيوخنا درع وسنـاد
لشعوبهم من فضل ربي عطوفيـن
لله مــا يفـعـل ولله مــا راد
هذا القضاء ياعين لاعـاد تبكيـن
ويارب يا من ثبّـت الأرض باوتـاد
أجعل مقر الشيخ مع حورك العيـن
اللي عطاك الروح والناس بأعيـاد
اقبل دعانا يالولي قولو آآآآآميـن






في رثاء امير القلوب (21)
محمد الحلفي



ياكويت حزنك حزن ومصابك جلل والدمع سيل
والفجر نوره غايـب وكـل الأماكـن مظلمـه
لبستي ثياب الحداد .. وصابك الجـرح العليـل
وقلبك وقف .. والشعب دمعه ماهو قادر يكتمه
سنه جديده في شهر ينايـر وكـان الحصيـل
صدمه .. تمنّينـا نمـوت ولاتكـون مقدمـه
يوم الأحد على الكويتييـن فـي حزنـه ثقيـل
غشاهم الضيق .. وقصر دسمان مارف علمه
الفاجعه حلّت .. وصبـح الهـم مايتبعـه ليـل
والحزن عم أهل الجزيره والشعوب المسلمـه
(جابر) رحل .. والجرح ياكبره ووصفه مستحيل
وضاقت صدور اللي غمرها .. والقلوب محطمه
كلٍ يقول بحـزن : ( ماقبلـه ولابعـده جزيـل
سمات أمير القلـب ماظنّـي تشابههـا سمـه
ماوراى حبّه للوطن والشعب .. والطبع الأصيل
حتى ولو تحت الثرى وارت عظامه ولحمـه )
وكلٍ من الضيقه يحس ويونس الجمـر المليـل
ويدوّر اللي بالصبر يجلـي الهمـوم ويلهمـه
يالله يالقيـوم يالرحمـن يـالـرب الجلـيـل
يالحي ياللـي علّـم الإنسـان مالـم يعلمـه
بإسمك عساه بجنّة الخلـد وشرابـه سلسبيـل
وجعله من أهل الميمنه ماهو من أهل المشئمه
يارب وسّع مدخله فـي دار لـه خيـر البديـل
وسبحانك اللهمّ إغفـر لـه وعافـه وارحمـه
مات الأمير العادل الوافي .. وياصعب الرحيـل
اللي بعده الطيب والنومـاس طاحـت أسهمـه
اللي بنى مجد الكويت ووثّـق المجـد الطويـل
واللي جعلنا فـي صفـوف العالـم المتقدّمـه
واللي حبانا بالكرم والطيـب والطبـع النبيـل
وصـار الأبـو للـي بهالدنيـا زمانـه يتّمـه
واللي رعانا فـي جمالاتـه ولايذخـر جميـل
وخيره وصل للي مربّـع عنـد ذوده وغنمـه
واللي على شعبه سحايب خيره تخيـل وتسيـل
واللي جعلنا فـي رفاهيّـه وخيـر ومكرمـه
من غيره اللي يشعم النيـران ويشـب الفتيـل
لاضاق شعبه يكرب حبالـه ويكـرب محزمـه
ومن غيره اللي يعشق العليا ولايرضـى قليـل
ولايحب الظلم .. وبحسـن التصـرّف يردمـه
ومن غيره اللي يرفع البيرق وله سيفٍ صقيـل
باب المراجل والظفر كلّـه .. بمتنـه يدحمـه
ومن غيره اللي يكرم اللافي .. ومزبان الدخيل
اللي من الضيق اعتزابه وإلتجا لـه وازهمـه
لا مايطبّق قول : ( مايُخـدم بهالدنيـا بخيـل )
لاشك كل من جاه محتاجـه يجـود ويكرمـه
شال المراجل والمكارم والوفا والطيـب شيـل
وأمورنـا مـن وقفتـه .. مرتّبـه ومنظّمـه
سكن غلاه صدورنا .. ولاشك مامثلـه مثيـل
ورسم على وجه الطفل ضحكه تعلّت مبسمـه
فعله كبير .. ودون حصر الطيب به .. ينهد حيل
وشيٍ أشوفـه بـس والله ماقـدرت أترجمـه
يالله عساه بجنّـة الخلـد وشرابـه سلسبيـل
اللي بعده الطيب والنومـاس طاحـت أسهمـه
يالله يالقيـوم يالرحمـن يـالـرب الجلـيـل
سبحانك اللهمّ إغفـر لـه وعافـه وارحمـه





في رثاء امير القلوب (22)
محمد القثامي



جنّبت لكن ماعـن الحـزن مجنـاب
كنّ الحزن منسـوج داخـل مَعَمّـي
وانا من اول ماحسب لحزني حسـاب
لو كان مابـه هـم ويفـوق همّـي
وياجفن عيني شرّع لدمعـي البـاب
يمكن يخفّف بعـض همّـي وغمّـي
ولاتنحرج لامن غدا الدمـع سكّـاب
وشافك بعيد الحيّ والا ابـن عمّـي
واليا نشدك اشرح له وقلّـه اسبـاب
همّك ومااسْـرع مابكـا واستهمّـي
لَنّ الفقيده غير من غُـرْب واقـراب
ومحبتـه فـي كـل قلـبٍ تعـمّـي
ولو آصفه بكتـاب وكتـاب وكتـاب
جـفّ القلـم واحتـار تعبيـر فمّـي
هذاك جابر شـوق تلعـات الارقـاب
حاكـم حكيـم وبالسياسـه ملِمّـي
رمزالوفا و الطيب فكـاك الانشـاب
سقم الحريـب اللـي يدينـه تخمّـي
لاجـا نهـارٍ فيـه تحتـار الالبـاب
يسقي عدوّه كـاس علقـم وسِمّـي
لبّس كويتـه بالفخـر كـل جلبـاب
وامّن بها مواطـن وسايـح وذمّـي
عنّا رحَل ووالموت مَضْرِبْه لاصـاب
ماهـوب لايخطـي ولاهـو يِزِمّـي
امقـدّره منـزل تبـارك والاحـزاب
ربٍّ بإسْمـه كـلّ خلقـه تسَـمّـي
آمنت بـه وبماقضـى رب الاربـاب
وادعيه يكشـف همّـي المدلهمّـي
وياشعر في ماقفك لاصـار غصّـاب
تعـال يـاراع المواجـيـب يَـمّـي
وعزّ الكويت ديار عربيـن الانسـاب
دارٍ غلاهـا فـي شراييـن دمّــي
وعزّ الثلاث ابراج مع عالي اطنـاب
قصرٍ بدسمـان الشمـوخ متسَمّـي
وعزّ العروبه فيه في كـلّ الاقطـار
وعزّ الملوك وكل شخـصٍ مهمّـي
وعزّ الشعوب المسلمه حضر واعراب
وعزّ الخليج ومـوج بحـرٍ مطِمّـي
وعزّ الخيول الصفر وسيوف وحراب
اللـي بـدمّ المعـتـدي تِسْتحـمّـي
وانا عزايه فيه من عقـب ماغـاب
حـبٍّ تبعثـره الضلـوع وتلـمّـي
يبقى بصدري عالي اركـان واطنـاب
ويكفي غلاه وشعبـه بجـوف دمّـي






في رثاء امير القلوب (23)
سعود الفرحان



شاعر على قد حاله .. يحسـب اتعابـه
لامرّ ذكـر النُـوادي وانتهـى الـدوري
تسمـح لـي آقـول شِعـري لاإتغنّابـه
العشق إحساسي والجمهـور جمهـوري
تحوّلـت هالمُـدن للـحـزن ولْغـآبـه
كلّ الشّـوارِع تسيـل ودَمعِتـي نـوري
ياموت أنا مؤمن ومسلـم ومِـن لابـه
تعرف حقوق الغريـب وتنكـر شْعـوري
ياموت انـا شمّـري لاضاقـت رْكابـه
يْطيـح مِـن خاطـره ويجـدد بْحـوري
ياموت عجـل علـي المـوت واحبابـه
مادآم أبوي انتهـى وقتـه بمقـدوري ,,
كـمْ مـرّة ٍ يِجمـع السّكـان لأعشابـه
وكم مِن يِتيم ٍ يشيله (عطـره الجـوري)
كمْ مِن غياث المساكيـن ومـن انسابـه
وكم دخّل بنفسي أجمل بسمة عْطوري ,,
وكم بـدل الشـؤم مِتفائـل بمـا صابـه
كَم ورّق الحبر وآشوفـه رفـع سُـوري
الضاهـر الله يحبـه يــوم ماجـابـه
والجيش آميري ولاهو جيش جمهـوري
له مِن (ولا) الشّعب شي أكبر من اعجابه
وأكبر من الشعْر لاشفت انّـه غْـروري
الجابـر الأحمـد اللـي الكـل يزهابـه
مِن موْلده لين حكمه ,, جيت بحضُـوري
ياآخوي سمعني اصـل الشعـر وكْتابـه
الأرض تبكينـي ,, والأنفـاس بقبـوري
ياآخوي شب الحطب ,, لاهاض مخلابـه
ياآخوي أبونـا توفّـى ,, وانتهـى دوري
ياآخوي يطغـى الغيـاب اللـي تحلاّبـه
القول قولي ,, ومنْكِ الشوف محظـوري
يآآخـوي سمّعتنـي شكـواك وعتابـه
تجمّد جـداري ,, والأبـواب مِـن زوري
يآآخوي عطني الكُتب / تاريخـي أقرابـه
بآشوف بعيوني واقرى منبـع جـذوري
بآشوف شيخي / أبوي / ان لـذ ماطابـه
آل الصباح الفخـر ,, لافاحـت جـدوري
من يوم حطـوك وسْـط القبـر تتشابـه
طيحتك بالقومَه ,, وقاوَمت انـا طـوري
الله يَرحمْـك يـاعـز ٍ ذبــح دابــه
تبقى على طول وسط القلـب منظـوري
لبّسـت حقـك طمـان النفـس ترحابـه
وضاعو زُمر من ردى الصحّاف والدوري
من كـل فـج الدعـاء يهـل بأطيابـه
من الساحل الغربي لين الشرقي والسوري





في رثاء امير القلوب (24)
بدر ناصر العجمي



الله وأكبر يـا قـدر لـو تماديـت
مؤمـن بربـي والمقاديـر قشـرا
فجعة كبيـرة وقعهـا مـا تمنيـت
لا شـك حكـم الله مخطـط ويقـرا
يوم الخبر جاني نهضت وتعزويـت
أكابـد الأوجـاع والنفـس طفـرا
وأخذت لي ساعات ما عاد أنا أوحيت
من كان حولي فيه ما عدت أنا أدرا
عودت أكبـر ثـم أهلـل وصليـت
سجدت للرحمـن وأدعيـه جهـرا
مرحوم يا شيخٍ من الحـب خطيـت
في قلوبنا ما خـذ مكـان ومقـرا
تحت الثرى لو ودعـوك وتواريـت
بأفكارنا تبقـى لـك اليـوم ذكـرا
محبتك مـن كـل شعبـك تلقيـت
طفلٍ صغير وشيـخ بسمـك تهـذرا
غرست فينا حبك وغصـب صبيـت
وسط الصدور محبتـك مـا تعـرا
منزلك من فوق السحابـة تعليـت
طوعتنا بالحـب مـن دون عسـرا
رمز التواضع طيب الذكر والصيـت
والسيـرة العطـرة لمثلـك تحـرى
أميرنـا اللـي بالمحبـة تولـيـت
ولايتك مـا جـات غصـبٍ وجبـرا
كل البلد تنعيـك يـا مـن تسميـت
بالخير يا جابر على طـول تطـرى
مرثيتـك مـا يحتويهـا ولا بيـت
لو بكتب من الشعر مليـون سطـرا
لا شك من ضيقة بصدري أنا أدنيت
المحبرة وأبـا أنثـر الشعـر نثـرا
بكتب قصيدة فيك يا رمـز الكويـت
بكتب ودمـع العيـن ينهـل عبـرا
شيخٍ على شعبك من الجود مديـت
بحرٍ وفيك المـد مـن دون جـزرا
فيك التواضع هال كـل الطواغيـت
اللي محبتهم على الزيـف تضـرى
فالذاكرة تبقـى صباحـي ولمسيـت
أمعطـره ذكـراك مليـون ذكــرا
في سيدي مـن لامنـي لا تباكيـت
جعل المرض يفت كبـده مـا يبـرا
يا الله يا اللي فوق عرشك تساويت
تحط له فـي جنـة الخلـد قصـرا








في رثاء امير القلوب (25)
ضيف الله حمدان الدلبحي



مرحوم ياجابـر نفـوسٍ كسيـرات
واليوم كم نفـسٍ رحيلـك كسرهـا
قدت السفينه فالظروف العسيـرات
وسيرتهـا لوهـو تلاطـم بحرهـا
زعيم من خيرة ملـوك وزعامـات
شجرة وفا للشعب يقطـف ثمرهـا
بقلوب شعبه باقـيٍ حـي مامـات
حبه ملك كـل القلـوب وأسرهـا
شفت الكويت من الحزن جرت آهات
ودموعها سالـت وملـت نحرهـا
عذراً لها جفنٍ مـن الهـم مابـات
على رحيل الشيـخ قـرة نظرهـا
وشلون تنسى لحظة النصر بالـذات
يومه دحـر عدوهـا ثـم سترهـا
وسجـد شكـر لله رب السمـاوات
عقب انتهى التحرير واقفى خطرهـا
وشيّد كويت المجد وارض البطولات
بالعزم والإيمـان جابـر عمرهـا
يـاالله ياللـي عالـمٍ بالخفـيـات
يا خالق الدنيـا ومحـصٍ بشرهـا
إجعـل مقـره بالجنـان العذيـات
نسألك عفـوك والذنـوب تغفرهـا
واجبر عزانا فيه ، شيخ الصعيبـات
عز العرب ، تاج الخليج وفخرهـا
سالت دموع الشعر وانهلت ابيـات
ومالوم عينٍ تشتكي مـن سهرهـا
دام الفقيده مـن خيـار الزعامـات
من اسرةٍ بالخيـر طابـت سيرهـا







في رثاء امير القلوب (26)
خالد بن سعود العصيمي




مات الزعيم ولابقى غيـر ذكـراه
خسارتـه والله علينـا عظيـمـه
مات ورحل عنا عسى الخلد مثـواه
في جنة الفـردوس تنعـم نعيمـه
والله يعوضنا الصبر عقـب فرقـاه
ويعوض اقلوبـن بحبـه سقيمـه
كم من ضعيفن مد اله كف يمنـاه
وكم من مريضن فرجه عقب ضيمه
وكم من شعوبن عايشه من عطاياه
يعطي االي وجه الله يبـا الغنيمـه
ومنه تعلمنـا العـدل والمسـاواه
حاكـم بعـدل ولايحـب الظليمـه
عـادل بحكمـه ماتعـدد مزايـاه
ارضي جميع الشعب حكمه وشيمه
استغفر الله وش يبى الموت ينصاه
وراه مـادور بـدالـه خصيـمـه
والي عشـان إنـا نحبـه ونبغـاه
خلا سماء لكويت في وسط غيمـه
يامـوت لاتفـكـر بجابرنسيـنـاه
وشلون ننسا ابو اليديـن الكريمـه
كانك خذيت النفس ذكـره حفظنـاه
بقلوبنـا ذكراهـا تبقـى مقيمـه
ياالله ياربي عسـا الخلـد مثواهـا
في جنـة الفـردوس تنعـم نعيـم
والله يعوضنا الصبر عقـب فرقـاه
ويعوض اقلوبـن بحبـه سقيمـه





في رثاء امير القلوب (27)
غالب الظاهري



يا كويت جابر جميع المدن مفجوعه
علـى فراقـه ويبكونـه محبيـنـه
الحزن صحا هذاك اليـوم مجموعـه
مجموعة أقطار واغلبها على دينـه
الله كتب له يموت ويتـرك ربوعـه
لا تنشدين الجهـات الأربعـه وينـه
اللي سجد فوق الأرض وهلت دموعه
لحق المليك العظيم اللـي تعرفينـه
هاذي سنة حزن .. بالتاريخ مطبوعه
فهد وجابـر ولاهـي بينـه وبينـه
الشيخ مكتوم تـوه كمَـل سبوعـه
وابن خليفه حمـد يـا ربـي تعينـه
العام نبكي على زايد مـن اللوعـه
واليوم نبكي على اللي قد بكت عينه
جابر وجابر من اللي يجهل طبوعـه
عاشت شعوب ٍ كثيره مـدة ايدينـه
خلى الكويتي يقول كويتنـا روعـه
من كل شارع تشوف الصوره الزينه
واللي سكنها ينام ولا شكى جوعـه
حتى وهم في ظروف الغزوه الشينـه
الفضل لله ثـم اللـي نـادر ٍ نوعـه
يالله عسى الجنه الخضراء بساتينـه
قلته وأنا اشوف كل المدن مفجوعـه
علـى فراقـه ويبكونـه محبيـنـه




في رثاء امير القلوب (28)
خالد الحصين



هو كذا حضرة جناب الموت لامـن جانـا
يلتفت فينـا .. ولا ياخـذ ياكـود اطيبنـا
وانت موتك يا حبيب الشعب جاب اقصانـا
قدّر الله ما حصـل لـوّ الفـراق اتعبنـا
كيف نكتب سيرتك ياللي حميـت حمانـا
كيف ؟ والا ليـه ؟ دام امجادنـا تكتبنـا
يكفي انك (ف) اصعب الاوقات ما تنسانـا
ويكفي انّا من ترعرعنـا وحتـى شبنـا
وانت حبك والله انـه مثـل حـب آبانـا
لين صرت ابو الجميع وكل شعبك .. أبنـا
الأهم انك قبـل موتتـك شفـت اعدانـا
وشفت ربي كيـف صغّرهـم ولا خيّبنـا
بالسلاسـل قِـيّـدوا .. والله لا يبـلانـا
الشموخ انهار فيهـم .. والمذلّـه تبنـا
قِيّدوا يـا سيّـديّ بنفـس قيـد اسرانـا
لين طابت نفسك الله يرحمـك ثـم طبنـا
ارقد آمن .. دام ربـي يالاميـر احيانـا
الدما دون الوطن .. والموت ما يرهبنـا
حافظين العز باسمك .. مثل حفظ اسمانـا
بالوفا نزداد وان جا الحرب .. قـلْ ادبنـا
يا كثر من يضحك بسنّـه وهـو يشنانـا
والبلا ان حنّا على شانه .. نعصر قربنا!
واثر لو ندفع من اعلى الصين لاسفل غانا
الوفي يسوق شكره .. والـردي يشجبنـا
سوّد الله وجه منكرنـا .. ولـو عزّانـا
وبيض الله وجه منصفنا ومـن يحسبنـا
المهم ان العـوض فـي نايبـك نسّانـا
دمعةٍ لا جفّـت عيـون الزمـن تسكبنـا







في رثاء امير القلوب (29)
عوض ابو فقايا




الاتقياء علـى الاصابـع يعـدون
في وقتنا الحالي وفي وقت غابـر
واذا قضى الله الامر بالكاف والنون
نرضى بحكـم المقتـدر مانكابـر
حتى ولو ان الحدث يحزن الكـون
نصبر وعون الله معا كـل صابـر
والله وعد بالأجر والغير ممنـون
للصابرين وكـل مومـن مثابـر
والموت ماخـلا محمـد وهـرون
والانبيـاء والاغنيـاء والاكابـر
موتٍ على كل المخاليق مسنـون
ولاجدانـا الا العـزاء والمجابـر
فجر الاحد فجر تناهيـد وغبـون
والحزن ثوّر في سمانـا معابـر
مرحوم يا شيـخٍ بكينـا ويبكـون
عليه شتى الناس حاضر وعابـر
مرحوم ياللي كم قضى دين مديون
كلن بمدات ابيض الوجـه خابـر
شيخ بوقفاته هل العرف يـدرون
تشهـد قنـواتٍ وتشهـد منابـر
ولو بغوا يحصونها كيف يحصـون
كم بـادت اوراقٍ وجفـت محابـر
جوّاد مايرضى على شعبه الهـون
شبره شبر مايشبـره كـل شابـر
حتى وهو في باطن الارض مدفون
شمـل بعفـوه ساكنيـن العنابـر
الله عساه بجنة الخلـد مصيـون
امين وامره عنـد مـولاه سابـر
والله يديم اللي على العهد يوفـون
ويجبر عزانا من بعد فقـد جابـر
ياشيخنا لو بـت بالقبـر مدفـون
عيونـا وقلوبنـا لـك مقـابـر













في رثاء امير القلوب (30)
عبد الرزاق الذيابي




نصف ال(يناير)..نصف(ذيْ الحِجَّه)! دَريَت..أيَّت دريَت؟!
ألاّ فُجَعْت..وزُلـزِلَـت أرضـي..وبـرق الـهَـمّ لاح

في عام ستّه بعـد الالفيَـن! إنطفـى بالكـون ليَـت!
نَجمٍ ذبَل...وَجـه الظـلام ارخـى لثامـه ثُـمّ شـاح

وبالستّه وعشريـن والأربـع ميـه والألف..(ليَـت)
مع (لـوّ)..! ماتنفـع بَعَـد نَشْبَـت أظافرها..وطـاح

ظلعٍ..سجَد بالأرض وإحظنته ولـه سمعـه وصيِـت
وتزيَّنَت بـه واَخضَـرَت بـه كَـنّ كاسيهـا وشـاح


يـالزاير اللـي بالخبـر صبـح الأحـد يَمّـي لفيَـت
ياخي(صباح الخير) كيـف إتقولهـا؟! أيَّـت صبـاح!

وشهي صباح الخير!..ياللي بـاسـوأ الأخبـار جيِـت
أستَغفر الله...راح كـل الخيـر مـع مـوت الصبـاح

غلطان..ياخـي قل(معَـوَّض خير)..ليتـك ماحكيَـت
ماتدري إن الصمت بعض احيـان مرغـوب ومُبـاح!

يـارب لاتكتـب علـيّ الذنْب..بحـمـاك إلتجـيـت
إغـفـر ذنــوبٍ خافيه,والبيّنه..مـنـك السـمـاح

اللهُ أكـبـر..لا إلــه الاّْ انــت يامُحيي,مُـمـيِـت
ياحيّ,ياقيّوم,يـاعـالـي..ولادونـك ســنـــاح

ياواحـدٍ تعطـي مـن افضالك..وتاخـذ ماعطـيَـت
وإتبَـدّل العُـسـرى بيُسرى,والـكَـدَر بالإنـشـراح

لَـك ماعطيَتـه يارَفيـع المنزلـه..لَـك ماخـذيَـت
لَـك كُـلّ مانملك..لَـنـا لطفك,وهديَك,والـصـلاح


ويامَن تقول(إطلـب ياعبدي,واَستمـع لـك لادعيَـت)
ندعيـك وايدينـا رفعناها..وكـلّ الـدمـع ســاح

بقلـوب كـلّ المُسلميـن اللـي لبلواهـم رضـيَـت
نطلبـك تخفيـف الألم..وإتـزيـح هَــمٍّ مـايُـزاح

ياجـابـر المكسور,يـامَـن للمخالـيِـق إبتلـيَـت
ولازادت البلوى!..تفرّجـهـا وكــل الـهَــمّ راح

إجبـر مُصيبتنـا بـ(جابـر كـلّ عثـرات الكويـت)
الشيخ,والإنسان,والمحبـوب,والـوَجـه الـسـمـاح

حَبـيـب شعبه,والخليج,..وبالعرب..حـبّـه رأيَــت
بوجيههم,بـاصواتهم,بقلوبهـم..والـسَـدّ بــــاح

والمُسلميـن بحزنهـم! تـوَحَّـدوَ بـيَـتٍ وبـيَـت
أعظـم تكاتُف,وإتحـادٍ للعـرب,واقـوى ســلاح!!!

في موت جابر! عادت الوحده..وفـي حزني!..بغيَـت!
افرح بوحدَتهُـم.. واثَـر طعـم الحـزن سـمٍّ ذحـاح

موته! رسوب إبـمدرَسَة كـلّ العرب..لكـن لقيَـت!
إنه..قِـدَر حتـى بموته..للعـرب يصنـع نـجـاح!

نَعَم..وهـاذا يَتَّضِـح مـن بعـد ماشفـت وقريَـت!
توَحَّـدوَ كـلّ العرب..(حزن,وتشـابُـه بالـجِـراح)

لله درّك مــن بَطَل..حـتـى بمـوتـك إمتطـيَـت
صهـوَة جواد..إتلـمّ شمـلٍ منتثـر عبـر الـريـاح


مرحـوم يابـادي بنخوَه..وإنتهيَـت بـمـا بـديَـت
نخوَه,وطيب,ومجـد للباديـن مـن بـعْـدِك مُـتـاح

للمُسلمين,ووللعـرب جمعـاء, وإلـشعبـك بنـيَـت
أمجـاد مشهودَه,ومعهـم للفخـر تبـنـي صِــراح

معْك! إعتلى دَسمان..وانته! فـوق دَسمـان إعتليَـت
يـاروح شعبك,قلبـه النابـض, وياستـر الـمـلاح

يالعـاهـل الـلـي بالإراده,والسياسه..إحتـمـيَـت
محبوبـة الشعـب الخليجي..مـن عَميـلٍ إستَـبـاح

لحدودها..وانتـه وقـفـت إلـهـا بعزم..ولاثنـيَـت
ساقـك..ولا طـاب إلـك زاد ولاطعـام ولامــراح

وللمعظله شَمَّـرت عـن ساعِدْك..للحمـل إرتكيَـت
وكافحْـت وانتـه صامـل الزنديَن..يانعـم الكِـفـاح

ينظر لـك العالـم بعيـن إعجاب..وشلـون إحتويَـت
للموقف المُذهِل؟!.. ومـن فعلـك كسبـت الإمتـداح

ولاخاب ظنّـك فـي رجـالٍ جيـت ناصـي وإنتخيـت
بعروقهـم دمّ الحمَيَّـا ضَــخّ بالفـزعـه وفــاح

معـك معك..ياللـي (نخيَتـك فـالقدايم)..وإعتزيَـت
ابشر يـاخو مريَم..بـاخو نـوره وبقلـوبٍ صحـاح

دارٍ قـديـمٍ فضلها..ينـسـانـي الله..لونـسـيَـت
(الفـزعـه البيضا)..وتـرديـد العزاوي,والصـيـاح

ولَجَّـوَ بعزوة(جارنـا ياعيـاااال) كــلٍّ مستمـيِـت
جار,وفضـل سابـق.. ولا نجـزاه بكفـوفٍ شحـاح

لين إستقـرّت وإستـوت لك,وانـت للعلـم إستويَـت
وإعن الوَعر ساويَت هيبتهـا علـى الأرض البـراح


ويهـل الكويـت أشعـر بتقصيري..ولـوّ إنـي بقـي
اكتب سنَه..عَن مـا بداخـل مهجتـي حـزن ونيـاح

الموقـف! اكبـر منـك يافكـري وياهَجـسٍ طريَـت
مهما تجلَّـت صـورة التعبير!..مـاشعـر بـإرتيـاح

وياشعر..لايمكـن توفـيِّ لومشيَـت ولـو عـديَـت
ترقى جبـل شاهِق..ومـن عاليِـه تُرمـى بالرمـاح


والواجب! انصى الواحد المعبـود وإلـفضلـه رجيَـت
عَــدَاد مـانـودي بـ(حـيّـا للصلاه,وللـفـلاح)

إنـه يكـرِّم جابـر الأحمـد ويجعـل لــه مبـيِـت
في جَنَّة الفردوس..ويدلّـه علـى الحـوض القـراح

ومع المياميِن,الكِرام اهْـل البَخَـت! يصبـح بخيِـت
ومع كـلّ راعـي خيَـر فـالجَنَّـه تهنّـا وإستـراح

ندعـي ياجابـر كلّنـا: جعلـك تلاقـي مـاشتهيَـت
ويظلّـك اللْـه تحـت ظِلِّـه فـي نهـار الإجتـيـاح

آميـن رَدّدهـا معـي ياللـي لوَجـه الله نصـيَـت
يرحم,ويغفر..للفقيـد اللـي عليـه القـلـب نــاح

وتبقى الكويَـت بعزّهـا ياللـي بَعَـد جابـر وَليَـت
أكفأ خَلَف,لـاعظم سَلَـف.. يبـدا مسيـره وإفتتـاح

وإكمال منهَج عزّ..يامَـن سِـرت بالركـب ومشيَـت
نـعـم القياده,والوَطَن,والشعـب..رفـرف ياجـنـاح


وإختامها! ظلعٍ سجَـد بـالأرض لـه هيَبـه وصيِـت
وتزيَّنَـت بالقبر..يَكسـي صدرهـا مثـل الـوشـاح

وشعب السعوديه! يعـزّي بالحـزن شعـب الكويـت
وكلمة(صباح الخير)!..اعزّيهـا بعـد مـات الصبـاح








في رثاء امير القلوب(31)
عبد الله الدوسري



هيه يا من يفقدك جـارك و دارك
حاضرٍ بقلوبنا يـا ابـو مبـارك

وصّلوا منـي رسالـه للكويـت
شب يا قلبي من الأضلاع نـارك

لعنبوا ساس القوافي و القصيـد
كان ما شاركت في مأساة جارك

يا حبيب الشعب يا عـز الخليـج
يا نظيف القلب و البسمه شعارك

لو تغيب سنين تذكـرك السنيـن
كل نجم لاح مـا يلحـق مـدارك

في قلوب اهل الجزيره و الخليـج
كل دار صابها مـا صـاب دارك

لاعنا ما لاع ابو متعب و اخـوه
ابو فيصل ماخذ ثـاره و ثـارك

نشتكـي لله عــلام الغـيـوب
كيف لا جاء العيد نفرح او نبارك

كيف فبراير يجي ألفيـن و ستـه
كيف لامن طال وقته بإنتظـارك

كيف لامن هلت دمـوع اليتامـى
كيف لامن ما لقينا من نشـارك

ما نوفي قيمتك يا ابـن الشيـوخ
يا عسى الفردوس يا جابر قرارك

و الله ان تبقى الكويت(كويت حرّه)
لو تقوم ام المعـارك والمعـارك






في رثاء امير القلوب (23)
ولاء عواد




يا عسى الله يرحم الشيخ الأمير
جابر اللي طيب المولـى ثـراه
شعبه اللي في حماتك يستجير
يا إلهي ما يقصّر فـي عطـاه
شعبٍ أتعبه الحزن يومه يديـر
وجهه وكل الألـم ينـزف وراه
ودع اللي بالمحاني له عبيـر
ينتثر في ديرةٍ عاشـت معـاه
ديرته يوم الوجع فيهـا يغيـر
في كفوفـه مالقـت إلا حمـاه
شيخها شيخٍ سرى دايم كبيـر
وإنبنى في داخل الديـره غـلاه
جابر اللي زلزل حدود الشطيـر
ثم تعلى ولا بقى سيفٍ سـواه
من بعد دسمانه الدنيـا تطيـر
بالألم يم المـوادع فـي لقـاه
يا كويت عيونك اللي به تنيـر
نوحها في دوحها عالي سمـاه
ليلها يـا ليلهـا ليـلٍ عسيـر
ودعت نيشانها اللي في رجـاه
ضاقت صدور المقابر بالمسير
والشوارع صدرها الباكي حواه
والعيون دموعها نار السعيـر
تحترق وإحساسها مـرٍ سقـاه
كم تزلزل في مواجعه الكثيـر
ثم تنكس هالعلـم باللـي دراه
ثم ذرف دمعٍ على خدٍ صغيـر
في عيون أطفاله اللي في هواه
قالت حروف الألم راح السفير
وإنكسر حلم السلام اللي بنـاه
والحمام الأبيض اللي له عمير
حلمنا بنصر القضيه هو عـلاه
شيخنا في ذمة المولى يصيـر
كل شـيٍ داخـل الدنيـا رثـاه
والبكى لقلوبنا صار المصيـر
وحده اللي هالحزن دايم طـواه
يا عسى الله يرحم الشيخ الأمير
جابر اللي طيب المولـى ثـراه







في رثاء امير القلوب (33)
غالب الشريف




قمت انوّي و نوّ الحـزن قـام يتزبّـر
وانتظر وارقب البارق بعرض المخيله
و القلم لا رحـم مجنـاه عيّـا يعبّـر
والله الظاهر انه جاه مـا هـد حيلـه
مالـي الاّ اتحـلاّ بالصبـر وآتصّـبـر
تحسبون ان فرقى الشيخ جابر قليله؟!
مات قبله عرب ما عنهم الطيـر خبّـر
نحسبه من هل الإصلاح وأهل الفضيله
لا اصبح الصبح صام ولا اقبل الليل كبّر
بين تكبيرته الأولى والاخرى تهليلـه
تحسب انه ليا جـاه الفقيـر يكتبّـر ؟
والله اللي مهوب مقصّر في الجميلـه
يبتسـم لـه ولا قـام يتعبّـر تعـبّـر
يدفعه للغنى وان طاح عـوّد يشيلـه
البسيطـه بسيطـه والصعيبـه تدبّـر
حلهن في يديـه بقـوّة الله و حيلـه
جابر اليا كسر له عظـم مـا ينتجبّـر
والله ان يغدي العظم المصمصم هليله
عان جاره عزيز ٍ ليـن جـار وتجبّـر
رح وشف وش لقى بعدين يا عزتيله
ابك هذا سليـل المجـد سقـم المثبّـر
شخص واحد لكنه واحد وعن قبيلـه
والله ان الصحيـح ان البنـادم مـدبّـر
شي مكتوب والمكتوب ما فيه حيلـه
مير اشوف ان زمان الخير والعز دبّـر
والزمن ذالله اعلم عن بركات جيلـه







في رثاء امير القلوب (34)
ذيب الشمري




قالوا رثيته قلـت وشلـون ابرثيـه
بالدمـع وإلا فـي حـروف الكتابـه
ماشـوف تعبيـرٍ بلاغـي يكفـيّـه
اكبر مـن الدنيـا مساحـة غيابـه
يدر فكـري واكتـب البيـت وألغيـه
مافيه بيـت القلـب يجبـر صوابـه
فعلاً وجدت الفكـر شحّـت معانيـه
وحجم الحدث ماكنت حاسب حسابـه
تشوف بين الشخص والشخص تشبيه
بالوجه..مير افعالهـم مـا تشابـه
والشيخ جابر عندنـا مـن يساويـه
خلاّ المواطن والوطـن لـه مهابـه
يوم الوطن حل الخطر في ضواحيـه
بالليل واستولـت عليـه العصابـه
من طيب فعله..واستقامـه مباديـه
فـي كـل دوله..رغبتـه مستجابـه
في حكمته..في حنكته..في مساعيـه
اقنـع قيـادات الـدول بالحـرابـه
وصفّق له العالم وهو رافـع ايديـه
تصفيق حامي يـوم يلغـي خطابـه
وعـوّد وقـادات الجحافـل تباريـه
وتحقـق التحريـر والنصـر جابـه
وعلى الصعيد الداخلي مـن يجاريـه
للشعـب غيـثٍ ماتوقّـف سحابـه
شيخٍ حكم بالعدل والشعـب مرضيـه
يفصّلـون اثيابهـم مــن ثيـابـه
الشعب في حسبة بنيه وبنـي خيـه
حتى الذي مـا هـو قرابـه قرابـه
داخل وخـارج مـا تعـدد حسانيـه
عنها عسى ربـي يضاعـف ثوابـه
يالله بالفـردوس الاعلـى تجازيـه
مع الرسول المصطفـى والصحابـه







في رثاء امير القلوب (35)
خالد الهطلاني




أعظم حدث في هالزمن موت جابر
سوا على الامه وشعبـه سوايـا
تقطعت عقبـه قلـوب وحناجـر
ووجيه من هول الفجيعه عرايـا
صبح الاحد يومٍ على الشعب غابر
ساد الحزن فيهـا بكـل الزوايـا
صكت على قبره جموع وعساكر
وأنا علي صكت ضلـوع الحنايـا
أمليت صدري دمع عقب المحاجر
لو سقتهـا بلـت كبـودٍ ضمايـا
لو في يدينا جبر كسـر الخواطـر
رحنا نتداحم عند حـوض المنايـا
نرد عنه الموت ويعيـش جابـر
يبقى ولو رحنا عشانـه ضحايـا







في رثاء امير القلوب (36)
أمواج




اعظم حزن ماتعتقه روس الاقلام "
" وش تعني حروف القلم بالقصيده
لاصار من نبكي على غيبته نام "
" نومه ولا يمكن وراهـا نعيـده
يوم الاحد في حسبته غير الايام "
" اخطى علينـا بأختيـار الفقيـده
ليته وقف ماكمل الـدرب قـدام "
" أو ليت ليته طاف الايـام سيـده
مرحوم يامن نكست لأجله اعلام "
" شيخ المكارم والخصال الحميـده
مرحوم والدنيا لها شرع واحكام "
" حكم القدر فرّق عضيد وعضيده
والله لو نبكيك ياجابـر اعـوام "
" مافيه عينٍ بالبكـاء مستفيـده
لكن عزانا نذرف الدمـع مـادام "
" بقلوبنـا نـار وحطبهـا وقيـده









في رثاء امير القلوب (37)
محمد بن هندي




سبحان من بامره تقرّ الموازيـن
اللي امر عبـده بنشـر الرسالـه
يعز من يطلبه فالعسـر والليـن
ويذل من سار في درب الظلالـه
يقبل دعاو العبـاد المستجيريـن
ويفرّج كـروب عبـده لا لجالـه
يجبر عزانا بفقيد الشعب والديـن
جابر لعلّ الجنان الخضـر فالـه
من يوم ذاع المذيع بعلمه الشيـن
والحزن خيّم على الديره اخيالـه
والهم يجري مـع دم الشراييـن
والونس غايب عن العالم هلالـه
يا عين جودي بدمع الحزن يا عين
لا تذخرينه ليا مـن جـا مجالـه
لو تذرفين الدموع الزرق عاميـن
في ذمتي مـا تردّيـن الجمالـه
للي ليا ثقلـت حمـول البعاريـن
جاته وطش الحمل عنها وشالـه
يمسح دموع الارامل والمساكيـن
ويسقي جميع النحايا مـن زلالـه
تنعم بفضله من العالـم ملاييـن
كم دولتن عمّرت من صرف ماله
اديار وشعوب عقب الفقر والديـن
عاشوا بخير وتطوّر مـن حلالـه
زال الفقر ليـن خلاّهـم غنيّيـن
الله يقبـل دعـاة اللـي دعالـه
نسل الرجال الكريمين العزيزيـن
ترهي على بارد الجمّـه حبالـه
اليا نخـوه الرياجيـل المسميـن
ان ما نطل مشلحه ينطـل عقالـه
لو الكرم جايز بذبـح المسلْميـن
يمكن يضحي لـضيفه من عيالـه
للديره اتعب تفاكيره مـن سنيـن
يبذل جهوده وبرزت مـن خلالـه
تسعه وعشرين عام يمدّها ليـن
اخذت وسام الجمال بكـل حالـه
يسعى لـتعميرها بالمظهر الزين
يالين صارت من رموز الاصالـه
اسـس معاهـد ودارن للمسنيـن
ونماذج التوعيّه وقصـر العدالـه
ساد الامن بالسياسـه والقوانيـن
وخلاّ المواطن يعيش العمر دالـه
تحت ظلال الحكومه والسلاطيـن
ينام ليلـه وهـو مرتـاح بالـه
فيها الفكر ما يدور ايسار ويميـن
بأمر الـذي لا ظـلال الا ظلالـه
مدات جوده ما تحصيها الدواويـن
تفتر يمين المؤلف مـع شمالـه
والموت دربٍ عليه الناس ماشين
حتى ولو ما يجيه العبد .. جالـه
مهما تطول الدروب اخذ البراهيـن
العمر يطوى مثل طوي المحالـه
واليوم يوم السعـد يالله يامعيـن
تمهل له العمـر وتطـوّل ليالـه
وحنا على عهدنا باقيـن باقيـن
ونجـدده للزعيـم اللـي بدالـه
يقولها شاعرن خـاض المياديـن
يعطي على هرجة السانه كفالـه







في رثاء امير القلوب (38)
ذعار الديري




الموقف اللي هزني موقفن غير
وفات امير الطيب من طيب ذاتـه
وفات ابونا وشيخنا جابر الخيـر
وفات شيخ تهز الانفـس وفاتـه
والموت حق ولالنا فيـه تاثيـر
لكن ليتـه مـر جابـر وفاتـه
وخلاه لكويت الرجال المناعيـر
وعمارنا تقصـر وتبقـا حياتـه
لكنهـا حكمـة ولـي التدابيـر
والموت من قبله سلم من رحاته
ابكوه ياشعب الوفا والحزن بيـر
عقب وفاة الشيخ حافظ صلاتـه
القايد اللي سطر الحـق تسطيـر
واللي تحمل هالزمـان وغثاتـه
من شان تبقا كويتنا عز وتصير
للمجد عنوان الطموح وسناتـه
كنه الحاله بالكرم رجله تسيـر
من كثر ماخذه الكرم من صفاته
ماخلا شعبه يوم يحتـاج للغيـر
وبهالزمن منهو يسوي سواتـه
ياكثر ماعنده لهالشعـب تقديـر
وياكثر مايعطي ولا يقول هاتـه
سخي ويبقا امير واميـر واميـر
كل القلوب اللـي تعـدد صفاتـه
والعالم اجمع ينعى هالشيخ ويثير
خبـر وفاتـه ويتذكـر سماتـه
وعبرت تعبير وبقا الـف تعبيـر
والشيخ ما والله نلحـق جزاتـه
الله يرحم شيخنـا جابـر الخيـر
ويجبر عزانا كلنـا فـي مماتـه







في رثاء امير القلوب (39)
سالم شيهان




لاغفـى جفنـي بليـل ولا غفيـت
مـن جـروحٍ بالصـدر ببرالهـا
وإن بقى صبري تراني مـا بقيـت
دام عوجـات الـزمـن ببقالـهـا
وما أهتنى فيني قصيد ولا أهتنيـت
كيف عقبه .؟ يا عـرب بهنالهـا
أستَغفْـرك يامجيـري لا خطيـت
المدينه.!! ليـه مـال عقالهـا.؟؟
أمس من ضيقي على المرقب رقيت
يـوم جتنـي دنيـتـي بهوالـهـا
ثم أخذت أبكي إليـن إنـي حديـت
فكـرة الهاجـس علـى موالهـا
يا ولي العرش يا المحيّ المميـت
يـا مـبـدل ميلـهـا بعدالـهـا
يا الكريم اللي ليـا منـي رجيـت
رجوتـي يمـه يـظـل ظلالـهـا
ربي أغفر زلتـي لامـن غديـت
ضايـق وعينـي كثـر همّالـهـا
يوم طوّلـت فمنامـي ولا وعيـت
ألا وهمومـي تـفـوح دلالـهـا
قلت أنا ويش الخبر .!! كني دريت
ثـم سكـت .؟ وحالتـي يرثالهـا
قالـو جابرنـا توفـى ولا نسيـت
بـأن هالدنيـا كــذا منوالـهـا
يالله إتجيـب الدعـاوي لا دعيـت
يـا خبيـرٍ فـي خفايـا إليالهـا
يا ءالهي طالبـك شفنـي بكيـت
أغفـر إلـجابـر زعيـم رجالهـا
يا المليك اللي على الملك إستويت
وسّع إلـروحه ثم أشـرح بالهـا
والله إلا غيّبـت شمـس الكويـت
والقلـوب إهمومـهـا منزالـهـا
والحزن خيّـم ومـر فكـل بيـت
والليـال السـود بـان هلالـهـا
والعيون ,؟ الدمع حرمها المبيـت
والحمول إتصيـح تبغـى جمالهـا
والخواطـر لا قوتْـه ولا قـويـت
والمـراجـل فـاقـده رجّالـهـا
ليت يا ربـي تركتـه ثـم خذيـت
بعـض نـاسٍ موتهـا أشوالهـا
الزعيم اللي جمـع ذكـرٍ وصيـت
من جنوب الارض ليـن شمالهـا
سيّدي لامن مدحتـه مـا وفيـت
لأنثنـت عقـده يـحـل حبالـهـا
وإن تعنّـى هاجسـي وإلا عنيـت
خاتمَـتْـه الله يطـيّـب فالـهـا
ودام أبدّي كلمـةٍ منهـا إستحيـت
جابـر أطيّـب واحـدٍ قـد نالهـا
وقبل لا أختم ما ذكرت وما بديـت
وزبـدة المعنـى علـى عقّالهـا
عظّم الله أجركم يا أهـل الكويـت
وعظـم الله أجـر منهـو قالهـا
فالامير اللي ولـوّه صـار ميـت
سمعتـه تبقـى بطيـب أفعالهـا







في رثاء امير القلوب (40)
ثامر شبيب الدقباسي




يالله يامثبـت هـل الديـن بالديـن
الشعب فـي رجـواك يالله صابـر

عشنا الغزو في باس ماحنا ضعيفين
لكن عرفنا الضعف في موت جابـر

ابو اليتاما والضعـوف المساكيـن
صحيح من قال المراجـل مخابـر

اليا تيامـن كلنـا نوقـف يميـن
خلفه اليامن الزمـن صـار غابـر

وشلون ننسى موقفه عام تسعيـن
يوم انحنت قدمـه كبـار المنابـر

وقف ووقف له شعوب وسلاطيـن
الشعب خابر واغبر الوقـت خابـر

وشلون ماتبكي على جابـر العيـن
من يقدر اليا شـاف قبـره يكابـر

حكم قلوب الشعب سبعه وسبعيـن
والفين وستـه راح ماهـو بعابـر

باقي بقلب الشعب مثـل الشراييـن
صارت لقبره قلوب شعبـه مقابـر

الفين وسته .. ليتها ستـه الفيـن
استغفـر الله وش تقـول المحابـر

مايرجع اللي راح لو نبكي سنيـن
بس ندعـي الله وللعـزا الله جابـر

نسجد لوجـه الله عبيـد ٍ مصليـن
يالله ترحم عبـدك الشيـخ جابـر







في رثاء امير القلوب (41)
تركي السلات




اشارك الشعب الكويتـي واعزيـه
واعزي الأسلام في مـوت جابـر
فلي شراعك ياهجوسـي ورزيـه
رثا لنكس اعـلام روس المنابـر
ومن اطمن اضلوع الحشا لا نوازيه
تشابرنـه ياهجوسـي مشـابـر
وليا نشف غصنك من الحزن هزيه
وليا انكسر ماله سـوا الله جابـر
و الخط فوق السطر بالحبر قزيـه
قبل تجف مـن القصيـد المحابـر
هذا القدر والموت هـذي مغازيـه
مافيه احد مؤمن ولاهـوب خابـر
واللي صبر بالحزن ما الله بمخزيه
ما الله يخيب صبر مسلم وصابـر
الشيخ جابر قل من هـو يوازيـه
شيخٍ لشعبـه ثـم للأمـه مثابـر
تعزه الأمـه محـد قـال عزيـه
من كيفهـا وبـزود حبـك تكابـر
كسّاب طيب وخيـر والله يجازيـه
بالمغفره .. والذنب في قطع دابـر
واشارك الشعب الكويتي واعزيـه
في موت قايدهـم كبيـر الأكابـر






في رثاء امير القلوب (42)
فهيد بن عصيدان



من يوم شفت الصبح كشّر نابه وحام الغـراب
قلت المصايـب فِتّحـت ف اوجيهنـا ابوابهـا
اصبح علينا الصّبح موحش واصطبحنا بالمصاب
ياكبـر مفقـود الكويت..وياعظيـم امصابهـا
اهل الكويت ال كل حسبه حسّبوهـا بالحسـاب
الا ان موتـه حسبـةٍ ماحسّبـوا لحسابـهـا
مات الكريم..اللّي يمينه جادت وفكّـت ارقـاب
كمٍ عجوزٍ مـن يمينـه جـف دمـع اهدابهـا
أب اليتامـا والارامـل والمشيّـب والشّبـاب
كافل حقوق الشعب مكـرم ديرتـه واجنابهـا
مات الشّجاع..اللّي يهيّب لـه دُوَل..ولايهـاب
من دون داره مايهاب أطلـق شنب..بأشنابهـا
يوم العراقي شبّ ناره..نـار جابـر بأشتبـاب
على العراقـي شبّها..والنـار مـن شبّابهـا
خلاّه يدبر غصب عنّه..دون يعلـن الانسحـاب
كبّ الطلابه..يـوم جابـر قـال: انـا طلاّبهـا
مات الحكيم..اللّي ليامنّه حكم..حكمه صـواب
حلحيـل حـلال العقـد لاعقّـدت بأنشابـهـا
عقبه غشا جوّ الكويت العجّ وأتـلاه الضبـاب
الله يِرجّـع جوهـا صافي..كمـا عشنابـهـا
ان دلّ ربّان السفينه..ترتسـي فـوق الغبـاب
وان ضـاع ربّـان السفينه..ضيّعـوا ركّابهـا
كن القصور الفاخره في غيبته صارت خَـراب
وعمّ الحزِن كـل البلـد حضرانها..وأعرابهـا
حتى القصايد عقب موته بالحزن لِبسَت ثيـاب
تبكي على شيـخ الكويت..وسترها..وحجابهـا
لوكـان يرثـى بالمراثي..مايجمّعهـا كِتـاب
والله ماتكفيـه لـو هـي جِمّعـت ب اكتابهـا
انا اشهد انّـه عايشٍ..لوكـان يفـدا بالرّقـاب
لتشوف صبيـان الكويـت املوّحـات ارقابهـا
الله يجيره من صدوف القبر وصنـوف العـذاب
في ساعةٍ من هولَها تنسا الصحاب..أصحابهـا
العين شيّب دمعها من حزنها..والقـاف شـاب
شابت حروف القـاف وأتعـب قافها..كتّابهـا
ياسِعد حظّ القبر فـي جابر..وياحـظّ التـراب
شرّف جنـاب المقبره..وأعـزّ قـدر ترابهـا












في رثاء امير القلوب (43)
حسن الوطري



لا اله الا انت يا محـي العشـب الهميـد
مجـري الافـلاك فالكـون رب الكاينـات

هكذا الدنيـا بهـا راحـل ونـازل جديـد
ما يخلد شخـص والباقيـات الصالحـات

البـقـا لله والله ويـفـعـل مـايـريـد
والفنا للعبد لـو طالـت سنيـن الحيـات

ما جزع من حكمتـك كـود رجـالٍ بليـد
لا اعتراض وكل نفـسٍ يوافيهـا الممـات

المصيبه حجمها اكبر من حروف القصيـد
الاجـل محتـوم يالله تلهمـنـا الثـبـات

المصيبه جابـر الخيـر والـراي السديـد
جابر العثـرات رمـز الوفـا والمعجـزات

جابر اللـي كـل مـا زادت الشـده يزيـد
لين بامـر الله تهـون الامـور الكايـدات

يوم سلبـت دارنـا ردهـا بـرايٍ رشيـد
ردها بحكمه وقوه مـن ايديـن الطغـات

مـا تخـاذل عنهـا والله لفعـل شهـيـد
ما استراح ولا اهتنا لين شتتهـم شتـات

ما ذخر بالمال حطـه لنـا كلـه رصيـد
لجل ما نحتاج للغيـر فـي كـل الجهـات

سيف عدل وراس حكمٍ مع حصـنٍ مجيـد
وساس مجدٍ ما تزعزعه كبـر المعظـلات

قاد نهضتنـا بحكمـه و بالبـاس الشديـد
لين ما رسا السفينه على شاطي النجـات

حط عينه من وراها كمـا السـد الجويـد
وعينه الاخرى على الشعب محمود الصفات

كل همه يشـوف شعبـه بالدنيـا سعيـد
لا هتنا شعبه اهتنا جفن عينـه بالمبـات

احتوا شعبـه بحبـه مـن قريـب وبعيـد
وبادله شعبـه وحقـق جميـع الامنيـات

منهو اللـي مثـل جابـر بالدنيـا زهيـد
زاهدٍ عابـد وناسـك وحافـظ للصـلات

يالله اني طالبـك تشملـه يـوم الوعيـد
رحمتك يوم الخلايق تحت امـرك عـرات

عظم الله اجرنـا مـا بعـد جابـر فقيـد
ويالله انـك ترزقـه بالجنـان الـبـاردات







في رثاء امير القلوب (44)
الجافل



اكبر مصيبه تفقـد انسـان غالـي
واللي بعدها موت كل الاحاسيس
من مات جابـر بالحـزن مانبالـي
لان حبه فـوق كـل المقاييـس
تبكي كويـت العـز شيـخ مثالـي
الدمع في عيون الاوادم محابيس
ياسيدي من بعـدك الـدار خالـي
يامن عليك البال صاغ الهواجيس
ياشيخنـا يارمـز كـل المعـالـي
مثلك قليل من الرجال النواميس
صيتك سرى من فوق روس الجبالي
وفعلك تراه اموثقن في قواميس
ياطـيـب الافـعـال أول وتـالـي
ماينكره ياكود نسل الجواسيـس
ياربـي يامعبـود يـاذا الجـلالـي
تجعل امير قلوبنا قربـك أنيـس
في جنتك من صبغة الذنـب خالـي
وتبعده عن لاهب النار وابليـس









منقول