ازلقت حبة الشمري

[سمو الامير]

حبة الشمري كلها جت من “بصري الوضيحي” الشمري والقصة تقول:





ان بصري الوضيحي راح يحج ويتوب الى الله ..وان يتوب عن التغزل والغزل ..كونه مشهور بالغزل .. وبعد كبر سنه نوى ان يتوب ..

طلب من ابنه لكي يحججه ... وبعد ما سعى وطاف طلب من ابنه ان يحب الحجر الاسود .. ولكن الحجر الاسود كان مزدحم من الناس ...رجال ونساء ... والرؤوس متقاربه بعضها لبعض .. فتزاحم معهم بصري وابنه .. وعندما وصل الى الحجر ويريد حبة الحجر ... اعترض بينه وبين الحجر ...خد بنت جميله كانت تريد حبة الحجر ... وفي هذه اللحظه السريعه انبهر بصري الوضيحي من لمعان خد البنت وبدل مايحب الحجر حب وجنة البنت ....فقالت له البنت حج حج ياشايب .... وحاول ولده أنه يرقع الموضوع قال هذا شايب تايه(مهذري) ...فخجل الوضيحي وقال يابعد حيي زلقت الحبة ابيها بالحجر وصارت فيك ...وصار هذا مثل (ازلقت حبة الشمري(

وقال القصيدة :

التايه الي جاب بصري يقنه= هيض جروح العود والعود قاضي



جينا نحب ونطلب الله جنه =جنة نعيم يوم يابس الحاضي



ياليت كانت حبتي في معنه =يوم العيون عن الخوامل غواضي



يامن يعاوني على وصف كنه =اشقح شقاح ولاهق بالبياضي



الريح لازفرة ولاهي مصنه =ريح النفل بمطمطمات الفياضي



نهدين للثوب الحمر شولعنه=حمر ثمرهن واقفات غضاضي



والخد ذابوح القلوب المرنه =براق مزنٍ لاعق اللون ياضي



ياليت لو سني على وقم سنه =بايام مابيني وبينه بغاضي



أيام جلد الذيب عندي محنه=نصبح وزرق الريش لهن إنتفاضي



ياجرح قلبي جرح وادي وطنه =غر المزون اللي وطنه وفاضي



البيض قبلي محسنٍ عذبنه=ونمر على وضحى جرا له عراضي



والبيض كم ٍ واحد ٍ يبسنه =يبسة شماشيل العذوق النفاضي



عزي لمن غر الثنايا كونه =واركن على كبده كوايلٍ عراضي



الا ارتوى بستان قلبي سقنه=واخضر جنابه عقب يبست الحاضي



القلب غضات الصبايا شعنه =بنت الشيوخ مخدمين الحياضي



شوفي بعيني والخدم يركبنه =على زعاع يوم قوطر وناضي



فوق اشقح من زمل ابوها مضنه =ركبة عليه اتشنطح ٍ باعتراضي



وامشجر من سوق هجر مغنه =على خياطة نابي الارداف راضي



وين انت يامشفي على طردهنه = انا طويت ارشاي وقفيت قاضي



انا صدرت ووردهن عقبنه = على العدو مشرعات الحياضي



احد بوسط النار واحد بجنه =وترى البخيت اللي له الرب راضي

كنه اسم البنت اللي حبها

ويقال بعد مارجع الوضيحي ندم على مافعل وقال:

ياليتنا من حجنــا سالمينــا =كان الذنوب اللي علينا خفيفـــات

رحنا نبي نخفف ذنوب علينــا =وجينا وعليها كثرها عشـر مــرات

[ابو محمد]

لاهنت على القصيده يالامـير

[عـزام]

يا ليته ما راح للحج

الله يعطيك العافيه يا الامير على السالفه الطيبه وابياتها


الولهان

[الناجعي]

لا هنت يا سمو الأمير على المعلومه الطيبه عز الله انا نسمع في حبة الشمري و مانعرف معناها بس الحين نةرنورتنا الله ينور عليك بس اللي ابي اعرفه عادي اقولها قدام الشمامره لاأن فيه واحد قاللي انهم يزعلون منها مع تحياتي الحاره

[اطياف الماضي]

ههههههههههههههههههههههههههه

يعطيك العافية يالامير

تحيتي

[سمو الامير]

ابن عجيم
ولاانت ومشكور على المرور

الولهان
اي والله ليته قعد
والله يعافيك ولاهنت

الناجعي
حياك الله واللي اعرفه من الشمامره انفسهم انهم مايزعلون منها

اطياف الماضي
الله يعافيك ومشكوره على المرور

وتحياتي للجميع

[العماني]

لاهنت يا سمو الأمير على القصة المعروفة

واللي اعرفه انه لما اعترض خد البنيه وحبها ، قالت له : ما تشوف الله يعميك ، فأخذ الله بصره في ساعتها.



تقبل تحياتي،،،

[سمو الامير]

ولا انت يالعماني

حياك الله واما عن انها دعت عليه ماعندي علم وش الصحيح منها

لكن في القصيده لم يذكر ذلك حتى في الابيات التي تندم فيها على فعلته

[الشريف]

صحت ياطويل العمر

نسمع بالسالفه ولا درينا منهي له

الله يعطيك العافيه

[غنواوى]

هههههههههههههه

العود قلبه خضر

لاهنت يالأمير