ودّي أموت ارتاح من كل دنياي ^^ماعاد في دنياي شي أهتني به ...!!

[قبلةالعجمان]

أحياناً تمر مواقف يفقد الانسان امله في الحياه ..

اللهم ارزقنا الايمان والثبات .. كتبتها .. وكنت في حاجه إلى

كتابتها .. لانني لم اجد سوى القلــــم مستمعاً لي ...







ودّي أموت ارتاح من كل دنياي
ماعاد في دنياي شي أهتني به

بالصدر ضيقه في صباحي و ممساي
لاعزوةٍ تسمع ولا به حبيبه

ادعي ومابه من مجيبٍ لدعواي
والقلب مابه من يطفّي لهيبه

نار القهر وقّادةٍ داخل حشاي
نارٍ حطبها هالعروق العطيبه

بي ضيقةٍ والله لو شافني الجاي
يبكي من المنظر ويبكي نحيبه ‍‍!!

مجروح والموت ان غدا الجرح بلواي
والموت لو جرحي غدا من طبيبه

أنا أحبّ الناس دايم و رجواي
بس في رضاهم و الرضا اشتقي به

كلٍ يجافيني وكلٍ يبي جفاي
كلٍ وجودي في حياته يعيبه

أنا ولد عشرين , هذا محيّاي
شاحب وشعري باينٍ فيه شيبه

واسمع لحونٍ كلّها تنشبه الناي
واشوف كلّ اليوم ليله عصيبه

دام العمر همّه كما الخلّ ويّاي
هذا العمر مابيه انا ويش ابي به؟

وين القبر ؟ مابه سوى القبر ملفاي
الموت أهون من حياةٍ كئيبه













(( للشاعر سطام بن احمد الحرابي....))

[حبيب]

صح اللسانك ياقبله العجمان واللسان الشاعر سطام


قصيده جميله


تحياتي

[قبلةالعجمان]

صح بدنك ...

ولاهنت على المرور الكريم ...

[المناجي]

قبلة العجمان ..

صح السانك ولسان شاعر القصيده الجميله ....الدنيا بخير ..


تحياتي ..

[العاتي]

قبلة العجمان لاوالله وانا اخو لاتموتين وتخليني من عقبك يصير قبلة العجمان وذا انتي معزمه تموتين انتحاري في كاس مو يه وبعد اخذي سجاتك وصلي في اخر اليل وقري القران والله ماعاد تبين عقبها الموت ............

تحياتي لكم

[قبلةالعجمان]

المناجي


صح بدنك ولاهنت على المرور الكريم

(( الدنيا بعدها بخير ))

[قبلةالعجمان]

العاتي


ههههههههههههههههه


اسم الله علي .. ليش تبي الفكه مني ...؟؟

لا وانا اختك .. المنتحر ما يشم ريحة الجنه ... ولا يدخلهااا ...
وانا ما ابي غير جنه الرحمن سبحانه ...



عالعموووم

لاهنت على المرور الكريم