الهم .......

[شيوم العجمي]

الهم في قلبي له أيام موجود
كن الضلوع العوج صارت مقرّه
بين الحنايا صار له دار وحدود
كل الهواجيس الغريبه تمرّه
تمرني ذكراه وتروح وتعود
تزورني فاليوم عشرين مرّه
تاخذني الذكرى إذا هبّت النود
وأوصل معاها لين حد المجرّه
ذكرى حبيبٍ فالحشا حبه يزود
ماينخفض حبه ولو ربع ذرّه
أسهر بليلي وأكثر العالم رقود
ولا احدٍ درى بالقلب واللي يحرّه
القلب من فرقا المواليف مضهود
في كل صبح وليل يزداد حرّه
عنده خبر في حالتي ليّن العود
والله ماله من غيابه مسرّه
حاولت اجازي صده اليوم بصدود
وأكتم جروحٍ فالحشا مستقرّه
لكن ليا ناظرت بعيونه السود
نسيت ماكني عليه أتشرّه
بعيونها شرٍ على القلب مقصود
ومن زود حبي له تمنيت شرّه

[الهنــــــــــوف]

صح لسان شاعرهاا وناقلهااا .. لاهنتي حبيبتي

[ابو سالم الدويخ]

صح لسانش يا شيوم

ولا هنتي ع النقل الرائع

تقبلي تحياتي,,,


،،،

[شيوم العجمي]

الهنوف

هلا وغلا فيج
صح بدنج

اطيب تحياتي
شيوم

[شيوم العجمي]

ابو سالم

هلا ومرحباا فيك

صح بدنك ولاااهنت


اطيب تحياتي
شيوم

[خالد بن نفل]

صح لسانش ولسان شاعرها
ولاهنتي على النقل الرائع
وتحياتي لش

[*ابوخالد*]

صح السانك والسان شاعرها

ولاهنتي على النقل الرائع

[جـاركـ الله..!]

لاهنتي ياشيوم علي الطرح الرااائع

تقلبي خاالص

تحياااتي ,,

[شيوم العجمي]

خالد بن نفل

صح بدنك
وياهلا ومرحبااا فيك

اطيب تحياتي
شيوم

[شيوم العجمي]

ابو خالد

صح بدنك
ولاااهنت

اطيب تحياتي
شيوم