يا علي كلي نهايات من وين أبتدي..........

[ابوحمد الشامري]

من روائع الشاعر المبدع فهد عافت هذه القصيدة حيث كنت اردد اليوم هذه القصيدة اكثر من مره لانني احفظها لان لكل شعر جميل متذوقين فأحببت ان تطلعوا عليها.
ارجوا ان تنال هذه القصيدة استحسان الجميع:

يا علي لا الشعر عبدي ولا هو سيدي= صاحبي له من جنوني ولي من مَنطِقَه
ما يخون الطيش والملح يا كود الردي= له عَلي إن ما سبقني على الطيب أسبقه
والله إني من عرفته وأنا ابشر بسعدي= كل حزن(ن) يفتح أبواب حسن(ن) مِغلِقَه
والله إني ما ذخرت المعانيه إجهدي= ذمني ولا مدحني من يقول إسرقه
أعشق من الشعر كلمه عيوني ورمدي= وأعشق من الكل بعضي إذا الصمت إنطِقَه
وأعشق من الليل الاظلم وأشوف السّرمدي= قِدر قرم(ن) بيض الله وجهه بِصنقِه
وأعشق من الصبح الاكسل نسيم وفي يِدي= دفتر(ن) يهدي العصافير لحظه مورقه
وأعشق من الصّحبه ام البساط الاحمدي= لا تَهَيَّت وأعشق من العسل طَلبَت ذِقَه
وأعشق من الوقت وقتي لا ابوي ولا ولدي= وأعشق من الناس كل(ن) على قدإعرقه
يا علي والشعر عبدي وعبدي سيدي= أعمق الشعر أبسط الشعر وأبسطه أعمِقَه
في الحنايا خيل تَرمَح وخيّال يحَدي= وفي المرايا ألف بحر يتلعثم بأزرقَه
يا كثر ما أذكر من الناس لا صِرت إوحَدي=من نِسُوني وَنَّسُوني بكذب(ن) ما أصدقه
كل لي وعد(ن) مع اللي يخونون إوعَدي= يا ابن اخي بعض الطيب أقهره باللي إخلقه
لو تِهَيا لا إطِّرِيا سِوَيا ما أَغدي= مِزبَن الذِّهيب مِمراح خاينة الثَّقه
يَقنب النسيان الامعط بروحي وِإعَدي= كل ليله في فياضي ولا الله يَرزِقه
السِّهر ماهوب ذا السِّهر لا يا بعدي= السِّهر شِفني تعرفه وشفني تَزهقه
كِل جفن(ن) من جفوني غدى بيت أجودي= لا تِقضَّب فيه عبد(ن) من الليل إعتقه
ليت لي قِدره على الثار تكفى يا سندي= من حبيب طشَّر القلب مليون ورقه
ما رموني خَطلة(ن) لاجل يرضيني وَدِي= نيش الفرقا إهنيا ثم أركى بِندقه
وانتهى مستسهل سهيل يستجدي الجدي= ما بقى غير اليِباس بعيون إمغورِقَه
كم تكحل عاذلي وإن عمى من مَرْوِدي= يوم قال العين بالعين ما الله وفقه
قلت والله دام قفى وظلِّيت إوْحَدي= لا أتركه في داخل القلب ما أحد(ن) بِشنِقَه
يا علي كلي نهايات من وين أبتدي= يا علي كله بدايات من وين أعشقه
له عيون ولي ظلالي بها لين أهتدي= ولي عيون وله عليه البكا إلين أغرقه

ابوحمد الشامري

__________________
[color=0000FF][b][font=Times New Roman][align=center]

سَيَذْكُرُنـي قَوْمي إذا جَدّ جدّهُـمْ=وفِي اللَّيْلَةِ الظَلْمَـاءِ يُفْتَقَـدُ البَـدْرُ
وَلَوْ سَدّ غَيرِي ما سددتُ اكتفَوْا بـهِ=وَما كانَ يَغلو التّبـرُ لَوْ نَفَقَ الصُّفْـرُ
وَنَحْنُ أُنَـاسٌ ، لا تَوَسُّـطَ عِنْدَنَـا=لَنَا الصّدرُ ، دُونَ العالَمينَ ، أو القَبرُ
تَهُـونُ عَلَيْنَا فِي المَعَالـي نُفُوسُنَـا=وَمَنْ يخَطَبَ الحَسناءَ لَمْ يُغلِها المَهـرُ
أعَزُّ بَني الدّنْيَا وَأعْلَـى ذَوِي العُـلا=وَأكرَمُ مَن فَوقَ التـرَابِ وَلا فَخـْرُ

---

التعديل الأخير تم بواسطة ابوحمد الشامري ; 25-10-2004 الساعة 05:19 AM

[ابوتركى]

يعطيك العافيه ابوحمد على مانقلت لنا

اختيار موفق منك

لك التقدير

[محمد أبو زيد]

ابو حمد الشامري


صح السانك والسان فهد عافت


ولاهنت على الاختيار


اليوم ماشالله عليك من اصبحت وانت اتردد القصايد

[مفلح]

أبوحمد الشـــامري

لا جديد ...متميز كالعادة

تحياتي على الإختيار والنقل الجميل

[راكان اليامي]

لاهنت يابو حمد على القصيده وصح الله لسانك

[ابوحمد الشامري]

مرحبا الف بالاخ العزيز ابو تركي اسعدني مرورك يا السنافي وتشرفت به ولا هنت وماقصرت.

ابوحمد الشامري

[ابوحمد الشامري]

مرحبا الف بالاخ العزيز شديد الباس اسعدني مرورك يا السنافي وتشرفت ولا هنت على الكلام الطيب وش انسوي ما عندنا الا ذا القصيد انفس فيه اشوي ولا واجد.

لاهنت طال عمرك.

ابوحمد الشامري

[ابو خالد]

لاهنــت يا أبو حمــد قصيـدة جـزلة صح السـان قايـلها

وفهــد عافت شاعــر كبيـر والكلام هذا لا يختــلف عليـه 2

[الوطن]

لاهنت يا ابو حمد
على هذا النقل الرائع

[ابوحمد الشامري]

مرحبا الف باخي العزيز مفلح الجميل والرائع اني ارى ردك من بين الردود.

لاهنت وما قصرت وبيض الله وجهك على الكلام الطيب.

ابوحمد الشامري