. . . . . . . . . . . . . . . . تذكرّته .. وياليتني .. ماتذكرّته !

[[ عسّاف خيل ]]

,





واثقه من زينها .. شكل وقبول ,
كل ما جاء لـ الحلا موضوع , جات !


تدري انها الأولـه , حَسب الاصول ,
دام , لامن جاتهم .. مالهم : طراه !


ودايم إليا جَت , تضايقهم .. تقول :
( صح أنا أحلا وحده .. بكل البنات ) ؟

[[ عسّاف خيل ]]

,








من البشر والعيون ( أعوذ ربّ الفلق )
على الحلا , والاناقـه , والـ هــلا الدافيـه !


ما كنّها إلا سهم وسط الطريق ( إنطلق ) ,
تموت فيها سواءٍ :- ( مقفيـه / لافيــه )


من كثر ماهي تسبّب لـ الأوادم - قلق ؟
تحس مافيه شخصٍ ( نيّتـه صافيـه ) ,

[[ عسّاف خيل ]]

,








ياشعر وش عاد ينفع لو لنا قِدره نطير ؟
لو يبي يرجع رجع يوم القلوب .. إحتاجته


لو به أدنى شعور امداه من قلبي خشير
بس ضيّعها شعوري في طرف عجاجته ,


عيني تشوف الخطأ لكن لي قلبن ( ضرير ) !
ورجلي تؤمن في ضياع الدرب ؟ لكن داجتـه ,


جيتني : شعور ممحل بس انا جيتك ( غزير )
جيت من ( خبثك ) , وجاك القلب من سذاجته


من كثر ما كِنت طيبّ واتقاضى ياصغير ؟
حتى لو عذرك كسيح .. أدّفـه بـ ( دراجتـه ) ,


( الحزن ) أصبح كبير ودايم أحتاج لـ زفير !
والهوا ( إسلوب نادر ) .. وإكثرو هرّاجتـه ,


كيف انا مِحتاج حبّ ؟ وصرت لِ عيونك غدير
وكيف اجامل قلبك إللي واضحه ( سماجتـه ) ,


( الكرم ) ماهو بأنك تعطي الشّئ الكثير ؟
الكرم : إنك تمّد الشئ ؟ وأنت بـ ( حاجته ) ,

[[ عسّاف خيل ]]

,

من ضاع في دنياه ماتفرق معه لو ( يتيه ) ,
وإلي يذوق التوت ؟ .. مايستطعم ( الفراوله ) !

إللي تداول في أحاسيس البشر ماهو ( سفيه ) !
قبله .. ( صناديق الذهب ) في سويسرا متداوله ,

وإللي عشق في دنيته ( شخص ) ودرى إنه ما يبيه ؟
بيعرف وش ظيم الزمان ! .. ووش كبر مهاولـه ,

صار الوفا ماهو وفا !! صار العذر ماهو وجيـه ,
صارت ( مفاهيم الحياه ) .. بوقتنا متقاوله !

حتى أبسط حقوقك ؟ إتنازل عنها دون ( ليه ) !
هذي ( قوانين النظام ) .. ورتّبـو جداولـه ,

( طبع البشر ) واحد .. وفيهم من قطع لوّك تجيـه !
لا إحتاجو من الآدمي ؟ ( تذكّروه ) .. وجاولــه !!

الصبر : معيار النجاح .. وميزه العقل النبيه !
والعزم : ( عمله نادره ) وأهل النجاح إتداولـه ,

ماقول : طموحي فشل ؟ على الأقل حاولت فيه !
حتى ! ولوّ فشلت ؟ .. ( يكفيني شرف المحاوله ) ,

[[ عسّاف خيل ]]

,






( السالفه ) عن تفاصيلك ! تطول و تطول ,
ولا أشتهي بـ السوالف .. غير هـ السالفه !


الحزن صحرا كئيبه وأنتي قلبك ( هطول ) !
أشوف فيّك المطر لـ أحلامـــي التالفــه ,


محبوبتي ( غير ) عنها ويش أقول وأقول !
كل كلمه أقولها .. بـ الواقع ( تخالفه ) ,


( رقّه , عذوبه , أناقه , في نعومه و طول ) !
يا حظّ من هو تبي .. لا جات بـ توالفـه ,


أم الحلا .. من كثر ماهي جميله ؟ تقول :-
( أجيب راسكّ ) .. وأصد .. وتقول : أنا حالفه !!

[[ عسّاف خيل ]]

,





( طلقه حجاج ) وشاعره .. وتهبّل !
وش عاد ؟ ابي في الغيد غير ( وروّدي ) ,


تعكس ( ثقافتها ) في قصيدتها !
وتظهر انوثتها بـ فكّ ( قيودي ) ,


لا جات تسمّعني ؟ تقول : شرايك
وأقول : رووعه .. يارهيف العودي


وإن جيت أعدّل شطر ولا كلمه ؟
قالت : أبيها تكون من مجهودي !


( بالمختلف ) لو تنشر اللي تكتب ؟
حلّل قصايدها .. ( علي المسعودي ) ,


لامن دعتني .. ولانويت أجيها ؟
( أمرّها كويتي .. وأرد / سعودي ) !!


قاعٍ عليها ( الذود ) ماهي تفلي !
ماني معّشي في حماها .. ( ذودي ) ,


يازينها زينااه , لكن .. ( راحت ) !!
عسى العوض في يومي الموعودي ,












متابعين الركن !!
أستأذنكم كم يوم لـ ظروف السفر ,
دعواتكم لي ..



فمان الله ,

[[ عسّاف خيل ]]

,





محدثكم .. خارج الكويت ,






الشجاع اللي لـ .. هـ العليا توّلم !
والضعيف اللي بـ همزاته , نعاجـه


يعني ( تسّلم ) ؟ او أنك : ماتسلّم ,
مالي والله فِ سلام الخبل ( حاجـه ) !





؟

[[ عسّاف خيل ]]

,





لو العوض في مواصلش ؟ .. راس رجال
يمديني أنخى ( يــــام ) ؟ .. وتشبّ ثوره !


أي والله ( أحبش ) .. وأحبش ولا زال :-
لش في حنايا الجوف .. ( مليون صوره )


وإليا بغيتي الصدق ؟ .. والصدق ينقال :-
جعل العذارى فدوةٍ .. لـ ( عيون نوره ) !!

[[ عسّاف خيل ]]

,





بعض المنازل : تنعرف من صيتها !
( مدهالها ) , توجب عليه المفخره


وبعض المنازل : كل ما مرّيتها ؟
سلّمت تسليمي على ( أهل المقبره ) !

[[ عسّاف خيل ]]

,





ما يذبح اللي يحب ؟ الا ( بنات الاصول )
اللي لوّ انها تبيك ؟ تقول لك : ما أبيك !!



من الدلع تستفزك .. والكلام ( معسول ) !!
ياجعلها بعد العذارى .. هاذي .. وذيك



لا قلت : ميّت عليش ! إمن الضما جت تقول :
يا إتغيّر الحكي ؟ .. ولا أعلم ( أمي ) عليك !!