هايف المطيري الذي جحد حق القبايل يرد عليه الشاعر الفذ / منصور بن سعدي الشمري

[راكان الظفيري]

المشاركة الأصلية كتبت بواسطة يوسف المطيري

سؤال كيف يقف مطير مع مبارك وهم غازين على ال صباح فى غزوه الجهراء وكيف يقف مطير مع ال صباح وهم قاتلين على االخليفه للاسف ان الابيات لا تمد للحقيقه بشي

يوسف المطيري

اخي العزيز يوسف المطيري ردا على سؤالك ... فان كون الصريف مشهور ووقته قريب نسبيا ...

اما العلم الوكاد فان معظم قبايل الجزيرة اشترك في هذه المعركة ومن بينهم قبيلتي الظفير ولان الحق يقال ولو على نفسك...

- مطير بقيادة سلطان الحميدي الدويش
-الظفير بقيادة جعيلان بن نايف السويط
-العجمان بقيادة محمد ابا الكلاب الحثلين
-المنتفق بقيادة سعدون باشا المنصور السعدون
-الهواجر بقيادة ابن شافي
-سبيع بقيادة ضرمان ابوثنين
-قحطان والمرة والرولة ....الخ
بالاضاقة الى ابن سعود ومن معه من اهل نجد واهل القصيم وابن صباح ومن معه من اهل الكويت العوازم والرشايدة...


واليك هذه الرواية بلسان شاهد حي لهذه المعركة وهو من الفرسان المشاركين بها :"
يقول الفارس دهام بن مثقال الرشدان الظفيري:لما جاءنا حمود الصباح عرضوا(20) عند المنتفك والظفير واجتمع خلق كثير ، وكان ابن سويط له علاقة مع ابن الرشيد ، فأرسل ينذره حيث أنه شدّ إلى نجد ، وتالي رجع حمود إلى الكويت ، ثم خرج مبارك في جيشه ولحقه سعدون باشا المنصور ، ومعه مئة خيال من الظفير والمنتفك وكان مع مبارك عدة قبائل .
كنت مع خالد وقيلان بن شهيل بن منديل بن سويط الظفيري ، وكان فارساً وأنا على ناقةٍ ومعنا خيال من كبار آل سويط هزاع بن سويط ومعنا حمدان بن ضويحي من الظفير ومناور بن هضيبان العازمي ، وعجيمي باشا السعدون وإخوانه ثامر وحمد ، ومعهم خالهم ابن سبت ومعنا عطب الشريقي وهزاع بن عقاب وخيطان بن سيدان ، ووصلنا عند مبارك في بريدة ولما أصبحنا شدينا ونلزنا ، ولما جاء العصر وصلتنا سبورتنا التي تبحث عن ابن رشيد ، حيث وجدوه نازلاً على عين أبن فهيد . ولما أصبحنا نزلنا الطرفية وابن رشيد نزل الصريف ، وصار طارداً الخيل بيننا وبينهم ، وانهزمت خيل ابن الرشيد ، ووقفت خيلنا عند خيامه ، في ذلك الوقت ساق علينا ابن الرشيد المسيوق (21) وقوته قبل الظهر.
وكان ابن رشيد يريد أن يؤخر الحرب إلى اليوم الثاني ، ولكن مبارك العذبي الصباح نصحه بالإسراع في مقاتلتهم ، وحذروه من أنه إذا أمسى المساء فإن العجمان تهجم عليهم في الليل .
وقال له مبارك الصباح : مبارك اليوم ماله عز ، لأن البارحة تاريخ قتله لإخوانه (22) .
ودارت المعركة بيننا وبينهم ، وبعدها انكسرنا ، وصارت قومنا تنهب بعضها بعضا ، ولولا نزل المطر كان ابن رشيد أخذنا كلنا .
وأخذ ابن الرشيد المخيم ، وكل شيء حتى غداءنا وذبائحنا أكلتهما شمر قوم الرشيد . وكان مبارك الصباح قبل المعركة يشرب القهوة مع سلطان الدويش وما عنده علم بأن ابن الرشيد سيقاتلهم اليوم . فما شعروا إلا بالمسيوق يسوقه عليهم ، وهرب مبارك مع سلطان الدويش ، وأنا كنت مع ذلولي ، وما شعرت إلا بخالي قيلان وسعدون باشا المنصور وهزاع بن عقاب لاحقين حيث فكينا الذلول من العجمان وأمرحنا تلك الليلة ، وكان برد ومطر في الخلا ، والصبح شدينا ولفينا على بلدة الزلفى وطردنا اهلها خوفاً من ابن الرشيد . وتركنا في حوطة فيها زرع وقصيل للخيل نأكل العشب ومعنا مبارك الصباح ، والفجر هجينا ، ومبارك ترك حصانه نسيناه من الخوف ، ولما فقدوه قال مبارك : لا أحد يرجع له حيث أخذه رجال ابن الرشيد والذي يروح يقتل . وبتنا تلك الليلة في البرد معنا مبارك ، وذبحنا ناقة وأكلناها . وفي الصبح صبحانا مطير على الصمان ونلزنا عندهم فعملوا لناوجبة . والصبح مبارك انحدر إلى الكويت ، ونحن أشملنا إلى أهلنا، ما نأكل إلا العشب وكان أهلنا نازلين على أم رضمة (*) شمال الحفر فوصلناها بعد أيام منهزمين .
هذا ما ذكر لي دهام عن معركة الصريف حرفياً ، وقد استفدنا منه معلومات كثيرة عن هذه المعركة منها : انها وقعت في يوم25 ذي القعدة سنة 1318هـ."


وتقبل سلام اخوك والحق احق بان يقال ...

-

[هبوب]

العارضي من بني خالد وصار مع مطير بالمحالفه
الدويش من الجنوب نزحو من قبيلتهم الظاهر الشهراني وصار مع مطير
الفغم من الضياغم من عبده من شمر ونزحو وصار مع مطير بالمحالفه


مطير ماكانت ضد الصباح بالعكس مطير ماكان لها حلف مع احد
كانت تمشي مع اللي تحس انه بيفوز

اما كلام هايف وكلامك اخوي ... مانزود شي على كلام الشاعر منصور الله يرحمه

[الــســراب]

السلام عليكم ورحمة الله وبركاته
مساكم الله بالخير
حبيت أعلق على كلام أخوي طير شلوا أول شي ونعم في كل القبايل
وثانياً مع أحترامي لك أنت تخبط العلوم المبطيه خبط ولا تدري ولا عندك ثبوت على الكلا م الي تقوله
مطير قبيله ماهمها كلامك عارفين اللي لنا واللي علينا.......
وسلامتكم motair41@hotmail.com



وشــــــــــــــــــــكـــــــــــــــــــراً

[عزيز الفوزان]

السلام عليكم ورحمة الله وبركاته

بعد التحية

صح الله لسان الشاعر منصور الشمري .. على الرد على جاحد حق القبائل هايف نعيم المطيري

وسوف اورد قصيدة احد شعار قبيلة الظفير على هذا الكاتب ..

مع اطيب تحية

[عزيز الفوزان]

الظفيـــر والكاذب هايف بن نعيم المطيري

وهي رد على الشاعر الكاذب المزور للتاريخ \ هايف بن نعيم المطيري


عندما قال



اكلنا راس عباس الظفيري \\ وكم من روس قبله قد كلينا

إليكم القصيدة :

سـلام الله فـي بـادي حكيـنـا=علـى طـه ختـام المرسليـنـا
ومن بعـده ابـا اغنـي واغنـي=بعالي الصوت والحـس الرطينـا
سـلام الله لحمـران النـواظـر=خوالـي هـم كعـام العايليـنـا
مطير بساحـة الهيجـا كـوارث=ومـن يجحـد عليـه الله عوينـا
خوالي ثـم خوالـي ثـم خوالـي=لهـم فعـل ٍ تخـلـده السنيـنـا
ولكن يا خوالـي مـا رضيتـوا=علـى هايـف يسـب الغانمينـا
وانا ابا وجـه الهرجـه لهايـف=عسـى الله يهتديـه ويهتديـنـا
يا هايف خـوذ منـي كلمتيـن ٍ=وخذهن عبرتن لـي يـوم دينـا
ترا ربعـي لهـم افعـال تذكـر=وتعـال اذكـرك يـوم ٍ خذينـا
ذبحنا عيال ابو عجرا يـا خالـي=قطعنـا نسلهـم حتـى الجنينـا
وترا مسير وهو اللي مسجر الخيل=ذبحنا له مـن الصهبـه اربعينـا
وذبحنا الشيخ ابن شقيـر هايـف=غزانـا واعتزيـنـا وانتخيـنـا
وذبحنا الشيخ ابن بدر الدويشـي=لجل عيناك يـا عقـاب الدفينـا
وذبحنا الشيخ ابو فيصل الاصقـه=ذبحنـا سعـود وانتـم عايلينـا
وجلنـا بالشقايـا ثـم صلـنـا=وربعك تشهـد لضـرب اليدينـا
غدينـا بالهوامـل بيـر عالـي=ولا احتالوا من المخـلاص فينـا
وبعيد الغزوه صاهود ابن لامـي=طريح ٍ عنـد ربعـي المعتقينـا
منعـوه واقلعـوه بحـد شلـفـا=قضيب اليد مـا ناشـه ضغينـا
لعينا العصلب اللـي قـام وعيـا=حلـف بالله مـا ينوشـه حدينـا
توكل يـا ابـن لامـي وكمـل=طريقـك لا نجيـك ولا تجينـا
تعهـد للعريـف وقـام وطلـق=بانـه هـو لهـم درع ٍ حصينـا
وتذكر فـي كـلاوه قـد فعلنـا=بفيصـل تشهـد الهيـه عليـنـا
وتذكر فعـل ابـا ذراع ظاهـر=طرح فيصـل وقـاده كامعينـا
اخو سلمـى كعـام الضـد دايـم=الا من صاح تجن الخيـل فينـا
وتذكر ذود ابن عشـوان اسمـه=رفاعـي قـد خذينـاه وخذينـا
ما رده دوننـا فـارس وراعـي=دونـه مسيـر ٍ ذرب اليميـنـا
وتذكـر بالحنيـه كـان تذكـر=فعـل ربعـي بماضيـة السنينـا
تذكر يوم تكـذب يـا مطيـري=قلبـت فعولنـا فعـل ٍ عليـنـا
اكلتـوا راس عبـاس الظفيـري=وكم من روس حنـا قـد كلينـا
ترا عباس مـا اصلـه ظفيـري=موظـف بالـحـدود ومبتليـنـا
ونسيت الفعل فعل الحر الاشقـر=نسيـت كريـدي الحـر الثمينـا
كريدي الشويش شيخ ٍ ما يجـارا=عصب راسه وقال اخو الرزينـا
شعاكم شعيـة الخرفـان ياللـي=علـى الهيـات كنتـوا منتوينـا
ورد البل واخـذ منكـم اباعـر=رضـاوه للـذي كاسيـه دينـا
وقـام الشيـخ سفـاح المطنّـخ=بغاره عقبهـا صحتـوا الغبينـا
وقـام الشيـخ سفـاح المظفـر=واخذ ذود حضريه شـوف عينـا
وقام الشيخ سفـاح بـن حـلاف=يا طيب الفعل يـا ذرب اليمينـا
اخذ سته من اذواد ابن جامـوس=ولا احتلتوا علـى الـرده علينـا
الى ان ردها سعود ابـن سعـود=ملكنـا ردهـا صافـي الجبينـا
وانا يا مطير حاشـا مـا اسبكـم=واحب حب عجـوز ٍ بـه ربينـا
ولكن يـا مطيـر انتـوا كذلـك=تحقـرون الـذي يكـذب علينـا
وكل بما مضى يفعـل ويتـرك=ودرب الكذب مـا مـره يجينـا
نعد الطيـب مـا نظلـم بختنـا=ولا نرضـى بسـب المسلمينـا
الا يا مطيـر حمـران النواظـر=ابي منكم سموحـه مـا خطينـا
ولكـن الفعـل يرجـع لاهـلـه=وسب الناس ما يرضـي حدينـا
واذا هايف زعل من هرجة ٍ لـي=ترا محمـد يقـص الحـق فينـا
ابـو خلـف كبيـر الشعـر والله=كبيـر ٍ فـوق كـل العالميـنـا
تقاضينا الحقـوق بشـرع ربـي=سـن بسـن وعـيـن ٍ بعيـنـا
تقاضينا الحقـوق بمـا رضينـا=وتـرا الخـس يشهـد باليمينـا
وصلى الله على الهـادي محمـد=اخير من الحكـي يـا سامعينـا


لو تلاحظون ياإخوان ان الشاعر الظفيري لم يذم قبيلة مطير ابدا ً .. عكس ماحصل من الشاعر هايف نعيم من تزوير للحقائق .. كذلك الشاعر كان منصفا ً وخير دليل البيت السادس واربعين والذي يليه .. عندما رضى بااحد ابناء مطير ليكون حكما ً ..

كما لاانسى ان انوه ان قبيلة مطير " حمران النواظر " ، قبيلة عزيزه على قلوبنا وان الكلام موجه إلى الكاتب نفسه .. وتفاصيل كلامي هذا موضح بالقصيدهـ

مع اطيب تحية

[عبدالله العبدلي]

اول شئ والنعم بكل القبايل ولافيه احد يجحد فعل احد التاريخ راسخ ماتغيره السنين

انا عندي رد بسيط جداً

المشاركة الأصلية كتبت بواسطة هبوب

العارضي من بني خالد وصار مع مطير بالمحالفه
الدويش من الجنوب نزحو من قبيلتهم الظاهر الشهراني وصار مع مطير
الفغم من الضياغم من عبده من شمر ونزحو وصار مع مطير بالمحالفه

يالغالي هبوب الله لايهينك بدون طعن في الانساب لاتجيني وتقول هالشئ معروف ومافيه اثبات يثبت هالشئ
الكلام مافيه اسهل منه الصعب الاثبات انت الحين قاعد تطعن في نسب افخاذ من قبيلة مطير خاف الله يالغالي لاتقول الشيبان يقولون ترى كلاً يبي الطيب يكون منه ولايهنون القبايل اللي انت ذكرت

بني خالد مافيهم قصور ويكفيهم ابن عريعر
وشهران والله والنعم وسبعة انعام
وشمر مافيهم قصور ولو ابي اكتب عنهم بغيت لي كتاب عن احفاد حاتم الطائي


دمتم بود

[فلاح ال مخلص]

سـلام الله فـي بـادي حكيـنـا=علـى طـه ختـام المرسليـنـا
ومن بعـده ابـا اغنـي واغنـي=بعالي الصوت والحـس الرطينـا
سـلام الله لحمـران النـواظـر=خوالـي هـم كعـام العايليـنـا
مطير بساحـة الهيجـا كـوارث=ومـن يجحـد عليـه الله عوينـا
خوالي ثـم خوالـي ثـم خوالـي=لهـم فعـل ٍ تخـلـده السنيـنـا
ولكن يا خوالـي مـا رضيتـوا=علـى هايـف يسـب الغانمينـا
وانا ابا وجـه الهرجـه لهايـف=عسـى الله يهتديـه ويهتديـنـا
يا هايف خـوذ منـي كلمتيـن ٍ=وخذهن عبرتن لـي يـوم دينـا
ترا ربعـي لهـم افعـال تذكـر=وتعـال اذكـرك يـوم ٍ خذينـا
ذبحنا عيال ابو عجرا يـا خالـي=قطعنـا نسلهـم حتـى الجنينـا
وترا مسير وهو اللي مسجر الخيل=ذبحنا له مـن الصهبـه اربعينـا
وذبحنا الشيخ ابن شقيـر هايـف=غزانـا واعتزيـنـا وانتخيـنـا
وذبحنا الشيخ ابن بدر الدويشـي=لجل عيناك يـا عقـاب الدفينـا
وذبحنا الشيخ ابو فيصل الاصقـه=ذبحنـا سعـود وانتـم عايلينـا
وجلنـا بالشقايـا ثـم صلـنـا=وربعك تشهـد لضـرب اليدينـا
غدينـا بالهوامـل بيـر عالـي=ولا احتالوا من المخـلاص فينـا
وبعيد الغزوه صاهود ابن لامـي=طريح ٍ عنـد ربعـي المعتقينـا
منعـوه واقلعـوه بحـد شلـفـا=قضيب اليد مـا ناشـه ضغينـا
لعينا العصلب اللـي قـام وعيـا=حلـف بالله مـا ينوشـه حدينـا
توكل يـا ابـن لامـي وكمـل=طريقـك لا نجيـك ولا تجينـا
تعهـد للعريـف وقـام وطلـق=بانـه هـو لهـم درع ٍ حصينـا
وتذكر فـي كـلاوه قـد فعلنـا=بفيصـل تشهـد الهيـه عليـنـا
وتذكر فعـل ابـا ذراع ظاهـر=طرح فيصـل وقـاده كامعينـا
اخو سلمـى كعـام الضـد دايـم=الا من صاح تجن الخيـل فينـا
وتذكر ذود ابن عشـوان اسمـه=رفاعـي قـد خذينـاه وخذينـا
ما رده دوننـا فـارس وراعـي=دونـه مسيـر ٍ ذرب اليميـنـا
وتذكـر بالحنيـه كـان تذكـر=فعـل ربعـي بماضيـة السنينـا
تذكر يوم تكـذب يـا مطيـري=قلبـت فعولنـا فعـل ٍ عليـنـا
اكلتـوا راس عبـاس الظفيـري=وكم من روس حنـا قـد كلينـا
ترا عباس مـا اصلـه ظفيـري=موظـف بالـحـدود ومبتليـنـا
ونسيت الفعل فعل الحر الاشقـر=نسيـت كريـدي الحـر الثمينـا
كريدي الشويش شيخ ٍ ما يجـارا=عصب راسه وقال اخو الرزينـا
شعاكم شعيـة الخرفـان ياللـي=علـى الهيـات كنتـوا منتوينـا
ورد البل واخـذ منكـم اباعـر=رضـاوه للـذي كاسيـه دينـا
وقـام الشيـخ سفـاح المطنّـخ=بغاره عقبهـا صحتـوا الغبينـا
وقـام الشيـخ سفـاح المظفـر=واخذ ذود حضريه شـوف عينـا
وقام الشيخ سفـاح بـن حـلاف=يا طيب الفعل يـا ذرب اليمينـا
اخذ سته من اذواد ابن جامـوس=ولا احتلتوا علـى الـرده علينـا
الى ان ردها سعود ابـن سعـود=ملكنـا ردهـا صافـي الجبينـا
وانا يا مطير حاشـا مـا اسبكـم=واحب حب عجـوز ٍ بـه ربينـا
ولكن يـا مطيـر انتـوا كذلـك=تحقـرون الـذي يكـذب علينـا
وكل بما مضى يفعـل ويتـرك=ودرب الكذب مـا مـره يجينـا
نعد الطيـب مـا نظلـم بختنـا=ولا نرضـى بسـب المسلمينـا
الا يا مطيـر حمـران النواظـر=ابي منكم سموحـه مـا خطينـا
ولكـن الفعـل يرجـع لاهـلـه=وسب الناس ما يرضـي حدينـا
واذا هايف زعل من هرجة ٍ لـي=ترا محمـد يقـص الحـق فينـا
ابـو خلـف كبيـر الشعـر والله=كبيـر ٍ فـوق كـل العالميـنـا
تقاضينا الحقـوق بشـرع ربـي=سـن بسـن وعـيـن ٍ بعيـنـا
تقاضينا الحقـوق بمـا رضينـا=وتـرا الخـس يشهـد باليمينـا
وصلى الله على الهـادي محمـد=اخير من الحكـي يـا سامعينـا

["الترف اللعوب"]

هايف المطيري ماقال الا الصحيح
وهو يمدح قبيلته ولافيها شي
وبعدين خلوني اشوف واحد يقول لاوالله انا مامدح قبيلتي
بيكون كاذب وبعدين كيفه وبراحته يقول
اللي بيقوله ماسب قال اللي في خاطره وانتهى
ماهوب لقال اي شاعر من اي قبيله مدح في ربعه واهله وقبيلته
يجي ملقوف من الناس ويقعد يسب ويشتم والمشكله الشاعر المطيري
لاسب ولاشتم وجاك الاخ الشمري يقعد يسب ولاكن احد همه والله انه ماعنده سالفه
ويستريح شوي وكل سبه قالها ترد عليه لان الشاعر ماقال شي بس هذا الظاهر من حقد الشمري على مطير


اللي يسابقنا على الطيب مسبوق ،’،’ واللي يدور كسرنا عزتي له

[عجمي^متبقط]

بســـوق المـوت بعنــا ما شــــرينـا
..........طــرحنــا الطــائــره من عــالي الجــو


فلم هندي طيارة

----------------------------------------------------------------------

الف نعم بقبيله مطير حمر النواظر


والف نعم بقبيله شمر هل الطولات



والتاريخ يشهد لهم فعولهم


واتمنى ان كل شاعر يلتزم بشعره ويترك الامور القديمه


وكلن فيه خيره



وتقبلووووو تحيااااااتي

اخوكم """""""" عجمي متبقط

[ابن فـتـنـان المطيري]

السلام عليكم ورحمة الله وبركاته ..,

الشاعر .. الشمري .. اخطا خطا فادح بهذي القصيده ...

واخوي يوسف المطيري كفا ووفا .. وهذا الي بغيت اقواله .., يعطيك العافيه يا يوسف ولاهنت

واحب اعلق على كلام .. العضــو / هبوب ..

فذالك الحين .. ومن المعروف .. ان مطير .. انتصرت على في معركة كيــر . .. ؟

وبعدين العوارض .. تقول من بني خالد .. لا لا

ياحبيبي .. العوارض معروفين والدويش والفغم ... من ساس مطير .. ارجع لموقع قبيلة مطير وتأكد من الكلام الي تنقله او تقوله انت بنفسك .. لانك تحرف بعض الكلام وهذا خطــا ..

الله يهديك .. بس .. وش جاب هذولي للخوالد .. لا حول ولا قوة الى بالله ..

ارجع للمرجع في موقع قبيلة مطير .. وارجع لكتاب بني غطفــان .. !


وشكــرا ..
تحياتي

ابن فتنان المهلكي المطيري