اقتباس:
|
المشاركة الأصلية كتبت بواسطة DUNHILL
قصيده محمله بالحكمه
اعتبروها هدو 
يارجل سوقيها .. فجوج الله وساع=ماضاقت فجوج الوسيعه بأهلها
الله جعل مع كل مدخال مطلاع=ولو إنها في حكم غيره قفلها
لولا الأمل .. مابنيت بيوت في القاع=وقوافل التجار .. ماادرج جملها
انطب سوق آمال الانفس ونبتاع=ويبقى العمل .. جسر العبور لأملها
اصنع من الإخفاق لك خطوة إبداع=كم نفس يبدا ابداعها من فشلها
وإن ضاع من دنياك .. ثلاثة أرباع=من ربعها الباقي تطلِّع دبلها
لاتبكى الاطلال .. مغرم وملتاع=أمسك مضى .. والمقبلات بجهلها
اعزف على أوتار المآسي لك إيقاع=واضحك بمرثيه .. وموّل وشلها
وبدال سبـّك للظلام .. اوقد اشعاع=وإن جتك صخرة .. بأوسط الدرب حلها
وإن كان ماحاولت تصليح الاوضاع ؟!=فأنته تعد أكبر خلل في خللها
مافيه واحد فالزمن شبع ماجاع=ولا به صحيح ألا شكى من عللها
أحدٍ ليا منه عثر ذل وانصاع=وآماله اللي في مهدها قتلها
وأحدٍ جعل مده قبل عثرته صاع=وطالع مخارجها وهو مادخلها
إن كان فيه أشكال للموت وأنواع=فالنفس .. يكمن في فشلها أجلها
أهل الفشل موتى وتمشي على القاع=ومبداهم ( الارزاق ربي كفلها )
هزاع منهم ..! لو قعد قرن هزاع !=إن من نقص من دنيته .. ماكملها
وإن قلت له : سقها فجوج الله اوساع !=والله فتحها .. قال : حظي قفلها !
عبدالله بن فهيد |
فعلا قصيده تحوي بطياتها الشيء الكثير
صح الله لسان شاعرها أبدع
والله لايهينك ناقلها
أحـــترامي
08-06-2008, 05:37 PM
العرض العادي
