رسالة وصلت لابن شرفان (فهل نعتبر )

[أبوفزاع]

المشاركة الأصلية كتبت بواسطة ناخب 2008

اخي صاحب الموضوع


ساذهب لما ذهب اليه اخي ارسطو


انت تبي تبرر موقفك بعدم التصويت له بكذبه لفقتها انت


وان كان عندك شي رح قله للرجال لاتجي بالمنتدي وتشوه صورة الرجال


بين بني عمه

الحمدلله ان ضميرك ارتاح بهذه الكلمة

وخذ راحتك دامها تريحك

بس انا بقولك شي ترى الكلام موجه لجميع الاعضاء وهم شخصيات عامة

يجب ان يسمعوا منا ويجب ان يعرف الجميع عنهم

واحب اريحك بعد

ترى مريت ابن شرفان وعلمته العلم كله

لاتحاتي

[نجران والقلب حيران]

مشكوووووووووور على الموضوع والله لا يهينك

[البليهي]

مرحبا يبو فزاع



يعجبني اسمك ولقبك فانت ابو فزاع راعى الفزعات ولاهي بغريبه عليك



ابو فزاع ماشالله عليك يعجبني اسلوبك وانت تحاسب المرشحين فهذا يدل على كبر عقلك وعلى حميتك اللي ما شفت مثلها



ندخل في الموضوع:


في البدايه لازم نعرف ان حنا سوينا انتخابات فرعيه وفاز في هذه الانتخابات الفرعيه 4 مرشحين قد يعجبوني جميعهم او قد يعجبني ثلاثه والرابع لا يروق لي وقد يروق لي اثنان وقد يروق لي واحد فقط وقد لا يروق لي احد قط


ولكن مع هذا كله بما اني شاركت بالفرعي فاني ملزم بان التزم بمخرجاته لكي لا اكون خاين ولا غدار


بن شرفان وبن عبيد وبن برغش وبن حويله فازوا بالفرعي ونزلو بالرئيسي



فمو معقوله اذا مو عاجبني المرشح الفلاني اني ما اعطيه عشان احاسبه


اكون قد خنت التفاءل


بو فزاع يا راعى الفزعات ارجو ان تكون نظرتك في الافق ولا تجعلها بين رجيلك لكي لا يكون تعثرك سريعا



انا اعتبر اللي صار تصرف شخصي لا يمثل لا فخذ ولا ناس معينين


وسود الله وجه من بار بخويه



والحمد الله على نجاح الاربعه



وسلامتك

[مربوش]

الحمد لله على فوز الاربعة ...

والتصرفات اللي صارت عبارة عن تصرفات شخصية ...

غير مدعومة , كم أشيع عنها ....


.,’.,’.,’.,’.,’.,’.,’.,’.,’.,’.,’.,’.,’

[مهدى بن شرفان]

السلام عليكم
الاخ بوفزاع الكلاااااااااااام اللى قلتة مالة راس ولا ارضا عنة مو لانة ابن عمى ولا ارضاة لجميع ابن عم من العجمان ولا يام ونحن اخوان ولا لة دخل فى السكرتارية ولا غيرها ومن ناحية المعاملات والا غيرة فالمجلس مالة الا سنة وثمانية شهور فلا يمدى الرجال فى ان تحكم علية وهو ويشهد اللة انة مبطل دوانيتة وبيتة لاهل الدائرة كافة والرجال ماقصر فى ها الفترة وانا احترم رايك ووجة نظرك وكل واحد لة وجة نظر ولكن لا يجوز فى ان تحكم على رجال لم يدم فى المجلس الا فترة وجيزة وعلى كل بيض اللة وجة من صوت لبنى عمنا الاربعة من العجمان ويام خاصة وباقى القبايل والحضر عامة

[المـفلحي]

السـلام عليـكم ورحمــة الله وبركاته

حيــاك الله اخي العــزيز وانــا بعتبـر كـلامك نصـح وراح اهقـي فيـك الهقوه الزينــة

لأن مايعلـم مافــي القلووب الا خــالقهــا

وحنــا من اول وتــالي احميانــا مالهــا حــد ولاعــد ويمكن هذا الشي الي مخرب علينـا

لكــن الي صــار لأبو مهــدي من قــطع في الانتخابات شي واضـح مثل وضوح الشمـس

وماهي من شيمــة الرجــال , والي يخون في خويـه مهـب رجـال ويعقـب الفنجــال .

اما بخصوص الرسالـة الي تقولها في موضوعـك فهـي عـارية عن الصحـه وراح اعقب على كلامك كلــة

صدقوني ماحدث لابن شرفان

كان بسبب ضعف أدائه وتخبطه بالمجلس
عضو يطرد من التكتل الشعبي وهي سابقة خطيرة
فلم يرسوا على توجه معين

أي ضعـف تتحدث عنـه اخي العـزيز الظاهر انك غير متابع لساحـة الأنتخابيـة جيداً

أنـظر إلى جميــع قراراته في المجلـس فجميعهـا لصالـح الوطن والمواطن بدرجة الأولى

وانا اتحداك وقدام الجميع انك تجيب قرار صوت فيه بن شرفان ضد المواطن

اما بخصوص التكتل الشعبي فالجميع يعلم ان بن شرفان هو الي طلع منهم والسبب واضح

والجميع يعلم بـه فاالتكتل الشعبي كان يبي ابو مهدي يقودونه مثل الشاه مثل باقي اعضائهم

لكن ابو مهدي فحـل ولد فحــل ولايرضى انه يكون امعــه , وكا السبب الرئيسي لعدم قبول

ابومهدي انه يكون في التكتل الشعبي كان بسبب الشيخ مبارك العبدالله فهم يريدونه تبع لهم

فرفض وقال رأيه بشيخ مبارك العبدالله بكل صراحه وكل مايرضي ضميره .

وبخصوص كلامك انك تقول انه مارسى على توجه فأنت غلطان حيييييل يا اخي العزيز

فا ابو مهـدي توجهه واضح للوطن والمواطن بعيداً عن التوجهات العميه من بعض التكتلات

الي تخدم لمصالحها اكثر ماتخدم ابناء عمومتهـا واصلا لو التكتل الشعبي فيه خير مارجع

عبدالصمد ولاري لحزبه وهم سوو سواه تهين الشعب الكويتي عامه فأي تكتل تشرهه على ابو

مهدي ينسحب منـــه

وثانيا بدأ بن شرفان يخدم الاجناب والشيعة ويترك العجمان

الجميع يعرف بهذا الشي

يا اخي العزيز لولا الله ثم بني عمنا الأوفياء الي ماقطو الصوت والأجناب الي تتكلم عنهم ماكان

شفت ابو مهدي ناجح لكن ربك حميــد وخلاه ينجح رغم انف الحاسدين

وثاني شي من قالك انه ترك العجمان وتركهم يا اخي العزيز ابو مهدي ماصارله سنه وست شهور وفوق هذا كله خدم ناس كثيره لاتعد ولاتحصى واكبر دليل روح دوانيتة وشوف لوحات الشكر على خدماتها ووقفاته المشرفه مع بني عمه , واكبر دليل على خدمته البني عمه هو نجوحه من الفرعي واعتقد هذا اكبر دليل

بل ان جميع السكرتارية عنده اما شمري او عنزي او فضلي

وييييييييييين العجمان

اشفيه الشمري والعنزي والفضلي والله انهم وقفو مع ابو مهدي وقفـة مايوقفها معه بني عمه

عنده سكرتارية عجمان واصلا مسؤول السكرتاريه كلهم

عجمي , فا خلك حيادي في طرحك وتكلم بالمعقول

[GA77]

ابوفزاع كلام طيب من اخ ناصح لربعه واتمني انك وصلت العلم لاخونا عبدالله بن شرفان


واحب اضيف علي كلامك ياخوي بوفزاع تري مافيها شي لا حط بن شرفان وغيره من الاعضاء

سكرتاريه من الاجناب بالعكس هذا يقوي موقفه في الانتخابات القادمه ولاكن يفضل ان يكون

العدد مثلا 5 من الاجناب و5 من يام

ونصيحتي لبن شرفان والعبيد والحويله وبن برغش تري العجمان ويام والمره واهالي الدائره الخامسه

يريدون من العضو ان يكون صاحب مواجيب ومتواصل مع ربعه واهالي دائرته بأفراحهم واحزانهم

وانا اقترح مثلا ان يكون جدول لدي العضو يعني كل اربع شهور يقوم بتخصيص يوم مثلا لزيارة

بعض دواوين المناطق حسب ترتيبها وكل يوم بمنطقه ويكرر هالامر كل اربع شهور هذا طبعا غير المناسبات

فهذا الامر يفرح بعض الجماعه والاخوان لما يدخل عليهم العضو ويتقهوي عندهم ويكون متواصل

ومتواضع ويسمع مشاكلهم ويسولف معاهم يحسون انه قريب


والمواقف ايضا مطلوبه من العضو وان يكون صاحب مبدأ قوي وذو طرح جيد وبعيد عن المهاترات

ولايخنع لاي وان يكون صوته يدوي بكلمة الحق تحت قبة البرلمان


وخدمة الناس ايضا مهمه فيجب ان يضع سكرتاريه شغيله ويفتح ديوانه كل صبح ويسعي لهم ويبذل

جهوده في خدمتهم وان يكون صريح فمثلا يصارح صاحب المعامله ويقوله الصدق ويسعي معه

فأن صارت خير وبركه وان لم تمشي يكون قد بين له الامر وسعي معه وبذل كل جهده فحينها يكون

معذور ولا جا منه قصور



وفيه نقطه اخيره بالنسبه لاخوي البليهي بخصوص الالتزام بما يخرج من الفرعي نعم انا معك في كل ماقلت

بس بعض الناس ما ترضي تقتنع بهالامر فأن فعل اعضائنا ما ذكرت لن تجد من يقطع الا فئه قليله

جدا وطبعا هالفئه مافيها طب وكل قبيله فيها من هالاشكال والله يوفق الجميع لما يحبه ويرضاه

[الوضحه]

صادق والله صادق

وياليت تفتحون عقولكم وتفهمون الحكي هو ماقال شي غلط.. هو قاعد يقدم نصيحه,, والنصيحه بجمل,,
عشان مايصير اللي صار معنا بهالانتخابات,,
وهذا يدل على اهتمامه بمصلحة القبيله,,

لاهنت اخوي بو فزاع,,

[أبو عبد الله]

المشاركة الأصلية كتبت بواسطة الوضحه

صادق والله صادق

وياليت تفتحون عقولكم وتفهمون الحكي هو ماقال شي غلط.. هو قاعد يقدم نصيحه,, والنصيحه بجمل,,
عشان مايصير اللي صار معنا بهالانتخابات,,
وهذا يدل على اهتمامه بمصلحة القبيله,,

لاهنت اخوي بو فزاع,,

لاهنتي والله من الحميا عندش يالوضحه انا اذا ابي اترشح أبي اخليك ضمن الحمله انتي وحظي بري

يا قو فزعتكم

[المستلجه]

^
^
^
ونعم في ابن شرفاااااااااااان وفي الباقي بس دامنا اخترناااا في الفرعيه لازم نكمل الجميل ولانخوووون

وعلى قولتكم انه ماينفع ربعه اجل منين جاااااب المركز الا هو فيه الحين ومن ربعه
واذاعلى بالكم ان الاصوااات اللي فرقت بينه وبين ربعه على انه مايفيد فأنتم غلطانين هذي فئه بسيطه خربت عليه وسود الله وجيهم على ذالفعل والرجاااااال ماعليه قصووور
ومالازم نتكلم عن ولدنا عمناااا بالكلاااام ذا واذا ونقووول صراااحتناااا بالاماكن هذي فعزالله ضحكوووو علينا العرب الحاسده
واختي وضحه وين صااادق وهو يقووول عنه انه ضعيف تكلمي بالعقل لو ضعيف كان وصل للي فيه...............................؟
وحتى ولو مالازم نقول عنه ضعيف دامه وصل للي فيه اذا تبوون تنصحوووونه روحوا له هذا هو فاتح دوانيته ولانجي ونقول عنه حكي تخلي الناس تضحك علينا
ياليت اننا نوضح ومانجرح كان حنا بخير

اصحواااا وتكلموااا بالشي المعقول