من رافق الدوشان عاف الشعالين.....

[ولد ال صالح]

كفو لاهنت على القصيدة

ونعم بالجميع

[ابوتركى]

الاخ الصقرى انا ايضا لااشك بالدوشان ولافى امراء بنى وايل

ولكنك ذكرت ان الشخصيات غير وليس الذى ذكرها الادوح وحبيت

استوضح منك لانك انت اللى عارضت الاخ الادوح وغلطت بالقصيده

وطلبت منك الايضاح ولم تفدنى بشى

تحياتى لك اخى

[الأدوح]

صبحكم بالخير يالربع :::

اول شي ياخوي العجمي1 انت وابو الوليد القصيد ماله دخل في رفع احد عن احدوثاني شي النقل من منتدى مطير اوغير منتدى مطير اظن ان المواضيع ماحد يكتبها بيدها كود واحد ماعنده شغل او واحد محترف في النت والقصيده اعجبتني وكنت من زمان وانا اريدها كامله وليس لي قصد في رفع احد او تنقيص احد والشعلان غنين عن التعريف وكل قاعده له شوادْ يعني عندما قال

خلف الادْن بيته في ابن رشيد يقلله:::

فنجال طيني منت فنجال صيني=تبرك مباريك الجمل وانت ناقه

مويعني ان ال رشيد ماهم كفوا حكام حايل اخوان نوره ونعم بس بعض الاخوان يدور الحكي الي حدرا<ن>وادي وارجو احسان النيه من بعض الاخوان...

لاهنت يالسلاطين وشكرا على مرورك
لاهنت يالصقري واظن ان كلامك كلام العاقل الفاهم.
بيض الله وجهك يابو تركي وانت علومك وتقديرك للامور تقدير حكيم يميزك دائما
شكرا يانامي على مرورك وبيض الله وجهك
لاهنت يالعماني وشكرا على مرورك ياكحيلان
لاهنت ياولد ال صالح على المرور

لاهنتم جميعا ونعم في الجميع وكلا معروف لا الدوشان اخوان جوزاء ولا الشعالين اهل العليا...........
الأدوح

[الصقري]

الاخ أبو تركي


حتى لو شككت بال شعلان أو أمراء بني وايل فهذا لن يضير أبدا مع احترامي الشخصي لك..

وما عند الرواة يقولون في سردهم ابن شعلان ولم يحددوا من هو ابن شعلان فآل شعلان كثيرين جدا...

تماما عندما يقولون غزى ابن رشيد قبيلة كذا وهزم أو أنتصر...

فنسمع ابن رشيد ولكن من هو ابن رشيد فهناك العديد . عبدالله بن رشيد عبيد ، طلال ، متعب ، عبدالعزيز ، حمود ، سعود .. الخ

وهكذا فهناك في الشعلان : فيصل ، ممدوح ، صطام ، حمد ، نايف ، هزاع ، النوري ، سعود ، اورنس ، نواف ..الخ


ومقصدي واضح أن رواية القصة لم تحدد من هو ابن شعلان ولك ن أثناء تصفحي للاحدى منتديات مطير وجدت هذه الرواية بشيء من الاضافات فذكر أنها على النوري بن شعلان وذكر كلام غريب وبه لغط وكثير من تخرصات العوام وشيء من ضرب الخيال ويأتي العاقلين وينقلونها على علاتها لذا وجب التنويه...

أعتقد أأني يا أبو تركي أفدتك وذكرت لك أن الشخص غير معروف من هو من الشعلان ولكن يقال فقط ابن شعلان والا لذكر الشاعر ذلك وكلامي واضح في ردي السابق الا اذا كنت تتبع سياسة ترديد الكلام فارجو اعلامي بذلك حتى اعرف مع اي نوعية اتخاطب ، لاني مازلت أعتقد أن من يحاورني به شيء من رجاحة العقل وخاصة أنه مشرف...

الاخ الادوح البيت الذي ذكرته لم يقله خلف الاذن في ابن رشيد بل قاله في زامل السبهان خال سعود بن عبدالعزيز المتعب الرشيد...

فأرجو الا تختلط الامور عندك...

وسبب القصة معروف أن زامل طلب من خلف أن يساجل شاعر من شمر في مجلس ابن رشيد وخلف الاذن أسمى من ذلك وأرفع مكانة أن يساجل شاعر في مجلس ابن رشيد ، وهو لايقول الشعر لانه شاعر انما لتوثيق ما يفعله من معارك واحداث واغلب اشعاره في هذا المضمار ...

وبداية القصيدة

زامل ينشدني وأنا وين ويني :::: هبيت يا هرج ٍ بليا لباقه

أرجو أن تكون اتضحت لديك الرواية الان

تحياتي

تحياتي

[ابوتركى]

الاخ أبو تركي


حتى لو شككت بال شعلان أو أمراء بني وايل فهذا لن يضير أبدا مع احترامي الشخصي لك..

=================

الاخ الصقرى ياخى هداك الله انا لااشكك بااحد من ابناء القبائل ولااحب

ان اهضم حق احد يااخى العزيز قبائلنا حدثت بينهم من قبل معارك وفيها

انهزام وفيها غلبه وليكن بمعلومك كل قبائلنا يتصفون بنفس السلم ونفس

الطبايع وفيهم النخوه والحميه وكل الصفات الجميله وانا اريد منك ان

تقرا الذى انا كتبته واذا انا غلطت على قبيله معينه هات بكلامى او

شكوكى التى تقول عنها وانا لااحب بل يضايقنى من يحقر فى اى

قبيله لان هذا بالاساس ليست من شيمنا وانا اتمنى ان نتناقش فى

تاريخنا بكل احترام حتى لاتعم البغضاء والحقد

تحياتى لك

[الأدوح]

لاهنت على تصحيحك واظن ان كلامي مافيه شي يالحيه الغانمه والسالفه معروفه وكانت في مجلس ابن رشيد وهو الدْي وزا لبن سبهان كي يدفع الشاعر الشمري لكي يساجل الشمري ولكن ابن الادْن لم يزعل من المساجله وانما كان الشاعر من عبيد شمر وكان اسلوبه استهزائي دائما والسالفه كما يلي:::

ذهب خلف الاذن الي سعود بن عبد العزيز بن رشيد حاكم حائل وكان حديث السن وكان زامل بن سبهان هو الذى يدير الاموروكان بالمجلس شاعرا فقال زامل ابن سبهان لخلف الاذن احب ان تساجل هذا الشاعر لنعرف مقدرتك يابن شعلان بالشعر فغضب خلف الاذن لانه يرى نفسه ارفع واكبر من ان يساجل شاعرا في مجلس ابن رشيد< والشاعر كان اسلوبه استهزائي> وحاول ابن رشيد كثيرا ان يسترضيه ولكنه رفض واصر وارسل هذه القصيدة لزامل يهجوه فيها

زامل ينشدني وانا وين وينى=
هبيت ياهرج بليا لبا قة
الشين شين وماكر الشين شين=
عدو جد ولابقلبك صداقة
الله يخونك كان ما تشتهيني=
لو تحكي لي بالعلوم الدقاقة
غديت مثل معايد القريتيني=
لاجبت خير ولاتبعت الرفاقة
انا بلايه من صديق بطيني=
بقعا تصفقني على غير فاقه
فنجال طين ولانت فنجال صيني=
تبرك مباريك الجمل وانت ناقة

واظن لو تبعدون النقاش في التنقيص والزياده لان الموضوع لايشكك في قدر احد من شيوخ القبائل المعروفين تحيلتي لكم,,,,,,,,,,,,,وخاصتا لبو تركي.......
الأدوح

[أبو الوليد]

اخوي الادوح انت تعرف تماما كم انا اكن لك احترام وتقدير

بس هذا الشيء لا يمنعني ان اخبرك انك لم توفق في اختيار العنوان لهذا

الموضوع مع احترامي الشديد لك

واخيرا

والنعم بالدوشان والشعالين

[الأدوح]

لاهنت يابو الوليد وتقديرك على العين والراس........تحياتي

[السياسي]

لا هنت يا الادوح على اختيار القصائد والسوالف الطيبه


السياسي

[ابوحمد الشامري]

لا هنت يا ابو فيصل وابيض الله وجهك يا السنافي على ذا القصيده والسالفه ودائما متميز يا ابو فيصل ومبدع في طرحك للمواضيع .

تحياتي لك يا القرم