(( عرفنـا بإحسـاسك..؟ ))

[شيخة الطبع الخجول]

محمد>>>> اختيااراات روووووووووووووعــه

<<<<< بـــأنتظااار مضروووب

[بدر الساخر]

نسيت

اختار صديق العزيز

راكان الفارس

مدري ما شيكت اذا احد اختاره قبلي

[راكان الفارس]

السلام عليكم ورحمة الله وبركاته.....

أعتذر ان كنت تأخرت.....وأبتدئ بالأجابه.....


الإسم/ راكـــان الـــفــــارس

عمر إحساسك/ من أول ماقالت شلونك...ومن أول ماعرفت أن للذنب عقدة أسمها الضمير


هوايتك/ التصوير.............القراءه




1: اكتب لنا تعريف للإحساس؟

خليط من نبضات نفسيه تنقل الي العقل فيترجمها الي مشاعر..سلبا أو أيجابا





2: أبيات ترحيب من إختيارك أو كتاباتك .. ؟


لو علمت الدار بمن زارها فرحت................ واستبشرت ثم باست موضع القدم

وانشدت بلسان الحال قائلة....................... اهلا وسهلا باهل الجود والكرم





أبيات حب؟


ياللي غرامك جاريٍ في وريدي
لا .. وش غرامك جاريٍ في وريدي

استغفر الله لو بقول ان غرامك
ما باقي إلا يطبع اسمك على ايدي

لأنك بصدري و أنت منته بصدري
تطلع مع أنفاسي و ترجع يا سيدي

اليا طلعت أحس كني أشوفك
و آنقص أنفاسي ذكا .. يا ضديدي

أخاف لا تطلع و لا عاد ترجع
و اشفق على شوفتك و اقول زيدي

فهل علمت عن جنوني يا آنف
اني لمجنون النشاز المجيدي

لبيك يا سلكا حملت الفضائل
أوعز لصاحبك بتحرير قيدي

يعني بحكينا .. لبى و الله عروقك
متى تعيد في عيوني يا عيدي

ثقفني بوصلك مثل ما تثقف
شعار جيلي من ثقافة قصيدي

لو ضلع عيني حس موطى وصالك
لا طاح حيده و لا طاح حيدي

تخيل اني من كثر ما اتخيل
اتخيلك تدعي و احسب انك ميدي

يا خي ترى جننتني بالمفارق
جننتني و انا بعدني يا جيدي

لكن مع الله كل بلوى بخيره
أنا ذكاي من التجارب رصيدي

اذكرني اليا من سمعت بغرابه
اليا سرى فعروق مخك جديدي

و أنا بعد لا من ذكرتك يا غالي
باسجد لوجه الله و باقبل ايدي






أبيات عتاب؟


الله يسامـح مـن ذكـرت ونساني.............................وأنا أدري إنـي لاذكرتـه تجملـت

عانيـت وأدري كـل طيـب يعانـي...........................وعلى حساب طعوني الخضر جاملت

ياماخذوا منـي ولا احـدأ عطانـي............................من طيبتي في حق نفسـي تساهلـت

عـزاي لامنـه تجـهـم زمـانـي..................................يممـت وجهـي للكريـم وتوسلـت

واللي يبـي قربـي وبعـدي لقانـي...........................أمشي على وضح النقاء ما تختلـت

يامن سكنت اجمل زوايـا كيانـي.........................ياما على نفسي عشانـك تحاملـت

مرات احس انك معي شخص ثانـي.......................ومرات احس انك حبيبي وما زلـت

لاتفرح انك دجـت بيـن المحانـي.........................لو ماتخـون الذاكـره مـا تسللـت

(( عشان ماضيك الجميل وعشانـي......................حاول تشيل من الوفا ربع ماشلـت))

((( ماني على خبرك حبيبي ترانـي...................حتى عن اصغار الاماني تنازلـت)))






أبيات شوق؟


أخذيني اليـا عجبتـك بـس ردينـي
و أن ما عجبتك خلاص أخذيني ما بيني


مادامني شفت فيـك الطهـر و العفـه
باعيـف نفسـي ليامنـك كرهتـنـي


أخذيني لو اعتبر من ضمـن أشيائـك
و انــا بحـبـك ولا لازم تحبـنـي


لابي علاقه ولابـي نظـره و بسمـه
أحساسي اني بقربـك بـس يكفينـي


ولو ني انضفت لشيائك غصب عنـك
طلـي علـي يـا غناتـي لا تخلينـي









أبيات وداع؟

أنت بتسافر حبيبي نعم سافـر و غيـب
بس تكفا سم الله علـى عقلـي لا مـاع


لان ماني قادر آوادعـك و انتـه قريـب
كيف و انت بعيد تبغاني أقـول الـوداع


بس لحظه قبل لا أنسى لا تنسي ياللبيـب
قل لما تملكه من مغريات و مـن متـاع


اني احبك و أحبك و أحبك ليـن أشيـب
يعني لين اموت و انـا احبـك للنخـاع


أحشمك و أغليلك بالحيل و الشي الغريب
أني اكره كـل فكـره تقـودك لنصيـاع

كان مال لمشكلة و صلنا الآحـل عيـب
كب حبيلك و سمـه متاهـات و خـداع


لأني اطهر من بيخسر على الدنيا حبيـب
ولأنك أنقا من وطت بطن رجله ظهر قاع


كثر ما يدعوني أهل الهوى ولا استجيب
كثر ما اسفط علـى بعـدك ذراع وذراع


آه لا وقفت من بين بتصيـب و تخيـب
بين يدين المواليـف و أفـواه السبـاع


و آه لامني ذكرت أن كـل لـه نصيـب
و آه لامني ذكرت أن على وجهك قنـاع


ليت مالك في حياتك خـوي و لا طليـب
كان باخشك وسط خافقي و أقـول ظـاع


أمحق الله سعوولف الهيام و قطع صيـب
من يبكي مقلتين الشجاع أبـن الشجـاع












3: بعد الخيانة إنتهت رغبتي فيك.. و إن كنت تذكرنا ترانا نسيناك ..!
(( وش إحساسك لما يوصلك هذا البيت على جوالك وشراح ترد ))

أحساسي...الانكسار...لأنني ممكن ان اتعايش مع رمح النسيان

لكن ..كيف بأعيش مع رمح خيانتي....وأحيا معه...؟؟؟؟








4: لك وحشه ماهي لغيرك من الناس .. انت اللي .. بس .. اقدر اسميك غالي...!!
نبي تحط لنا رد على هذا البيت.. في بيت من إختيارك ..

جينـاك و الدنيـا شهـاده و تـابـوت
و قبورنـا أنتـي و الهيـام الدليـلـه

مبطي و أنا معهم نخطط علـى المـوت
و الله جابـك و أنتـي احـلا و سيلـه





5: من هوفنانك المفضل ؟ اكتب لنا أبيات من أغنيه له وتكون محببة إلى قلبك والقريبة من إحساسك؟


محمد عبده......برائعة المعازيم............كلماتها...........

يوم اقلبت.. صوت لها جرحي القديم
يوم اقبلت .. طرنا لها انا وشوقي والنسيم
وعيونها ..
عين المحتني وشهقت
وعين حضنت عيني وبكت
ويافرحتي
الحظ الليله كريم.. محبوبتي معزومه من ضمن المعازيم.

في زحمة الناس صعبه حالتي
فجأه اختلف لوني وضاعت خطوتي

مثلي اوقفت تلمس جروحي وحيرتي
بعيده اوقفت وانا بعيد بلهفتي
ماحد عرف اللي حصل
وماحد لمس مثل الامل
كل ابتسامه مهاجره جات رجعت لشفتي
وكل الدروب الضايعه مني تنادي خطوتي
ويارحلة الغربه.. وداعا رحلتي

ياعيون الكون غضي بالنظر
اتركينا اثتين عين تحكي لعين
اتركينا الشوق ماخلى حذر
بلاخوف بنلتقي.. وبلا حيرة بنلتقي
بالتقي بعيونها وعيونها احلى وطن.. وكل الامان








6: من أشعار شاعرك المفضل ؟ قريبه إلى قلبك وإحساسك؟


صرت أحسد الاغبيا وألهي لا شفت المهلي
واتهيمش من وجع صدري وكثر احزانـه


أتفيقـر بالمشاعـر و الا قلبـي مرهـي
مستعد آعشـق بيـت تستحـي جدرانـه


من غلا اللي يقتل زهوه مع أنـه يزهـي
من سحاه ومن فرط غيه وكثـر أحسانـه


ويش أسوي والحظوظ السود تامر وتنهي
وليه يحصلي كذا من بنقتـل مـن شانـه


كل ما طرقـت قلبـي للهوى المستسهـي
هبـت ريـاح الزمـان وصككـت بيبانـه


ما عشقت الآ طموح من جموحة يشهـي
وزود أيمانـي بضداتـه وقـو أيمـانـه


ما تمنى غيـر وصلـه بالحـلال المبهـي
وما حرمني منه ألآ عيـال عـم أخوانـه


أنقتل قلبـي بفكـري والنتيجـه وشهـي
طول الله عمـر تفكيـري وصـح لسانـه


بس يا قلبي لا تحزن والله وفـي وجهـي
مـا تعشـق الأ حـد مـا ورثـو جدانـه








7: نبي إحساسك باللحظة هذه توصفه لنا بأبيات؟


ليلة تمرين .. عطرك السافر
فضح .. وردالبساتين
وكثر الكلام ..
صحيح .. جرحت الظلام ..
بالخد.. وبنور الجبين ..
ليلة تمرين ..

يا عذبة التجريح .. شفتك بعرس الريح
والشال الذهب ..
يحجب سنا الشمس الذهب
كانت عيونك حزن ..
كانت غضب .. وكثر الكلام
ليلة تمرين ..

يا غيرة الورد ..
جرحها الكلام ..
حبيبة الورد ..
عاتبها الظلام ..
مرت بليلة برد .. وكانت دفا
عطر ودفا.. وليه الملام
يامجرحة صدر الظلام..
بالخد .. وبنور الجبين
ليلة تمرين ..






8: الطيب أساسك و الفخر للي يماشيك ، و الذوق شخصك، و يا سعد من هو يخاويك..!
(إحساسك لما يوصلك هالبيت عن طريق مسج )


أعتزاز بدوام المعروف..وأصرار علي المحافظة علي الجزء حتي لايخدش الكل..........






9:انت إنسان حساس ؟ أوصف لنا مدى حساسيتك؟

أعتقد حساس..الي مدي ان طرقة العين..يكون لها من التأثير علي أحساسي





10: صوره تعبر عن إحساسك؟







11:وش أكثر إحساس تحسه بأيامك ؟ مع أبيات معبره لهذا الإحساس ؟

أحساس الضمير...بهواجيس الذنب...وليس أرتكابها....

يا مدعي القول انك حبيبي ,, يا مدعي القول
ايه اجمعتني وياك الظروف ,, ايه اجمعتني
لاكن حبيبي مثل ماعينك تشوف ..
خطوتي لك امشيها بخوف
خوف احبك ,, وحبي يكبر ..
يعذبني قلبك ,, اكثر واكثر ..
يامدعي القول انك حبيبي ,, يامدعي القول

اقرب الناس مني ,, تحبه وتتركني ..
وانته حبيبي وروحي بين ايديك
وانته طبيبي وجروحي تهون عليك ..
كيف انا اقابلهم .. اقابلهم ,, وجروحي منهم .. والله منهم
اخشى .. اخشى احبك اكثر من الاول
كلما .. كلما ارجع انا واسأل
ايه اجمعتني وياك الظروف ,, ايه اجمعتني
سنين اجمعتني وياك الظروف ,, سنين اجمعتني
يامدعي القول انك حبيبي ,, يامدعي القول ..

تقول انسي .. انسي .. ماضينا الي راح
وكيف انسى .. انا منسى .. ايام الجراح
لا يمكن انا انساها
وذي حقيقه .. يتجدد لذكراها
كل دقيقه .. لا يمكن انا انساها
وذي حقيقه .. يتجدد لذكراها
كل دقيقه ..
اخشى .. اخشى احبك اكثر من الاول
كلما .. كلما ارجع انا واسأل
ايه اجمعتني وياك الظروف ,, ايه اجمعتني
سنين اجمعتني وياك الظروف ,, سنين اجمعتني
يامدعي القول انك حبيبي ,, يامدعي القول ..












12: وبعد نهاية الاسئله شنو إحساسك ألحين؟

أحساسي أني أتمني أني اكون وفقت بنقل أحساسي لأحساسكم...

شكرا لموادعك خيره....جهد متميز....ولاهنتي

شكرا لبوناصر...علي اختياره...وحسابنا بعدين معاه........

وانا بكسر قاعدة الأختيار وأختار قلم نسائي..بدأ بلفت أنظارنا من مده....

أختار الأخت.............شوكولا

مع التوفيق لها......والشكر مقدما....

[بدر الساخر]

راكان


شكرا على الاحساس الجميل

وانا قلت

مدام فيها احساس .. ما يبيلها الا راكان .. اهو الي دعوته ترفع الراس

ولا واحد زي انتحار .. مو داري وش حاس فيه

هذا يفشلك


شكرا ..راكان ..

وشكرا على دعوة قلم نسائي متميز ..شوكو ..ونتمنى لها التوفيق

[راكان الفارس]

السلام عليكم ورحمة الله وبركاته....


هلا بو ناصر....

تسلم علي هالكلام ياذوق...وجدا شاكر لك علي دعوتي هنا بين اخواني وأخواتي

واتمني أن مشاركتي تلاقي قبول...

كل الشكر...لموادعك خيره

وكل الشكر لمن سبقوني بالمشاركه

والشكر موصول لك يابدر

وبانتظار أختنا ......شوكولا...مع التمني لها بالتوفيق..وايضا الجميع

[شيخة الطبع الخجول]

مضرووووووووووووب >>الصووووووره لا يعلى عليها لوووووووووووووووول



<<<بــأنتظاااار راكان الفارس

[طبــ ع ــي كــذآ.. }~]

صباح الخير


افلاطون


محمد


مضروب



ابدعتوا



بإنتظار القدير راكان الفارس



متابعين بقوه



موادعك مبروك التثبيت بالفعل موضوع يستحق التثبيت



تحياتي

[راكان الفارس]

السلام عليكم ورحمة الله وبركاته......


موادعك خيره

كل الشكر لموضوع يستحق التثبيت..فيه بعض من ملامح شخوصنا...

شكرا لك...ودام التميز والابداع عنوان لك...



أبوناصر

دايما جايب العيد طبعا

كل الشكر لك ياصديقي العزيز...علي أني مريت ببالك وذكرتني لاهنت

.............................................

أليا أنتصف ليل الشوق...وبدأت جروح الوله نزفها...لي معاكم ميعاد...

الي ذلك...مني لكم أطيب الأوقات

["..عـَـذْبـًة الأطْـبـَآآآآع.."]

.

مضروب على عينـه

رآكـآن ـآلفـآرس

شوكولآ ,,ْ~

إجـآـآبـآت رـآئعه ـآستمتعت بهـآ جداً ,,ْ~
سلمتوا وسلمت لنـآ ـآختياراتكم المميزه ,ْ~

وبـ ـآنتظـآر
(ريـــم ـآلصيــــد)

[ريم الصيد]

صباح المسرات عـ الجميع
موضوع مميّز أختي مواعدك خيره .. وأشكر شوكولا عـ الدعوة


بسم الله نبدأ

الإسم/ ريم الصيد
عمر إحساسك/ تماما كـ عدد سنوات عمري
هوايتك / القراءة , تصفح الانترنت




1: اكتب لنا تعريف للإحساس؟
الفارق الوحيد الذي ميّزنا به الخالق عن سائر خلقه .. فـ به أكون "انسانة"



2: أبيات ترحيب من إختيارك أو كتاباتك .. ؟

يامرحبا ! ترحيبة ٍ كنها اياك ،= في وقفتك في جلستك فـ التفاتك !
.
تشبة ليا طليت ( طلة محياك ) ،= وفيها من اخلاقك ومن طيب ذاتك

أبيات حب؟

/ الحبّ / شي ِ لو نكرته في عيوني ..! ما أنّكر!=بسّ أنت تغضي / مقلتينك / ..! لاسكتّ ! .. ولا حكيت !
.
مايكفي إنّه ..! كلّ ما مرّ لـ / حكاياتك / ذكر !=في ثانية يمّمت وجهي / شرق / ..! وأطرقت .. وبكيت !
.
أنت / السحاب /إليا همى ..! وضلوعي .. الأرض البكر !=وأبطيت ممحل لاني اليّ / متّ / ولا الّي / حييت / !

أبيات عتاب؟

لا تبروز اعذارك على وجهك ان جيت = دام الخطايا ترسم اكثر ملامحك
.
لو هي على قلبي مسامح لو أخطيت = المشكلة عيت جروحي تسامحك

أبيات شوق؟

ياملّ قلبٍ .. كـل ماجـاب .. طريـاه =ساق المشاعر .. كلها لـه .. ووجّـه
.
من كثر مـاذاق الغبينـه .. بفرقـاه ! =لوكان بيده .. كان معهـا .. توجّـه
.
ولولا الضلوع .. اللي تحده .. وترعاه ..! =من كثر شوقه .. كان صدري .. يفجّه

أبيات وداع؟

لا تستفز الجرح أرحل وأنسى = ولا تخاف أني اموت بـ غيابك
.
ما جيتك اسأل ليه تبعد وتقسى = جيتك أقول : أن شفتني صك بابك

3: بعد الخيانة إنتهت رغبتي فيك.. و إن كنت تذكرنا ترانا نسيناك ..!
(( وش إحساسك لما يوصلك هذا البيت على جوالك وشراح ترد ))

إخترت غيري رحت ماني مطالبك = ولا قلت لك عن صدمتي فيك حاجه
دامي غديت اللي أبد ما يناسبك = كلن يشوف اللي يناسب مزاجه
مسموح لو ضاقت عليّه مذاهبك = ومعذور لو قلبي جهلت إحتياجه
لوني أحبك ماني اليوم راغبك = وش حدني للحب وكثرة إزعاجه
ماني محتاج لدموعك واقول إبك = جرحي كبير وعند وقتي علاجه
خطاك ما غيّر مذاهيب صاحبك = وقلبي على خبرك كثير ابتهاجه
باكر تدورني إتمنى أحاسـبك = لحن قلبك وإعترضك إحتجــاجه
يا ما حناني عطرك في متاعبك = وفضلت غيري والغلا بإندمـاجه
ماني بشرهان(ن) ولاني معاتبك = تمون يالغالي على كل حــآآجه
ولاني بقايل لك علي ويش جايبك = لا صار صدري فارد(ن) لك حجاجه
علي صوّت وعدّني من قرايبك = لا أحتجتني يكفي بطيـــب نتواجه

4: لك وحشه ماهي لغيرك من الناس .. انت اللي .. بس .. اقدر اسميك غالي...!!
نبي تحط لنا رد على هذا البيت.. في بيت من إختيارك ..

الصاحب اللي يفقد الصاحب إن غاب=تفداه روس .. [مخيبين الهقاوي]

5: من هوفنانك المفضل ؟ اكتب لنا أبيات من أغنيه له وتكون محببة إلى قلبك والقريبة من إحساسك؟

ماني صحبة حيل مع الاغاني


6: من أشعار شاعرك المفضل ؟ قريبه إلى قلبك وإحساسك؟

هـ القصيدة من أيام عالقه بـ ذهني .. وتوني اكتشفت شاعرها

مالـ.. آلحياه / سلوم بدو وتقاليد=آيامها .. فيها : الفرح والمصايب
تعبت منها يوم ضاقت بي البيد=وعن باقي الرحله / عقلت الركايب
هذا مكاني / كن في رجلي القيد=يا جايب الأخبار .. ويش انت جايب ؟
يا مسافره .. كم قلت لك ماني بعيد=عن :- القبور المظلمه والنصايب
شوفي عروقي كيف ابأهداء وابهيد=مافيه عرق الا من الشوق : ذايب
لو جت لي الدنيا على مثل ما آريد=حرام / ما أسمع فيك مخطي وصايب
أبيك .. وآخر ما حسبت ؟ المناقيد=لو خاطر ٍ يضماك ماهو بـ.. طايب
ورده وحولك شوك يا شيخة الغيد=الا .. ومن دونك ( كبار النوايب )
الشوف يوصل لك ماتوصل لك الآيد=ويوم اني اقصر عنك مانيب هايب
ما اخشى على يمناي شوك العناقيد=لكن .. آحنّك من نسيم الهبايب !
كم قلتها فـ.. أذنك مرار وتراديد=يكفيني اللي صار لي من عجايب
وانتي تركتي لـ.. الغياب / المقاليد=غبتي .. وطيفك معي ماهوب غايب
تفوح : من بين الضلوع ( التناهيد )=ويبين في وجهي .. وداع الحبايب
جيتي مثل ضحكة طفل في ضحى العيد=ورحتي : مثل دمعه على خد شايب !

لـ مشعان البّراق




7: نبي إحساسك باللحظة هذه توصفه لنا بأبيات؟

وقفت وما وقفت إلا ادوّر للحلول حلول=أبعثر ما ورى نفسي ... إلين اثقلت كاهلها
.
تعبت احمل من الذكرى على المتن النحيل حمول=وانا نفسي وهي نفسي ... و ربي ما تحملها !
.
لأني كل ما أقرب أشوف ان الطريق يطول=وهو صعبٍ علي ارجع ... والاصعب كيف اكمّلها ؟!!
.
أخاف ارجع و الاقيني على هاك الــ (هنا) مقتول=واخاف امشي لآخرها واشوفه : يشبه اولها !

8: الطيب أساسك و الفخر للي يماشيك ، و الذوق شخصك، و يا سعد من هو يخاويك..!
(إحساسك لما يوصلك هالبيت عن طريق مسج )

أكيد بـ فرح




9:انت إنسان حساس ؟ أوصف لنا مدى حساسيتك؟

لا مانيب حساسة


10: صوره تعبر عن إحساسك؟

صورة تعجبني واحب أتمعّن فيها .. لكن أبعد ماتكون معبرة عن أحساسي






11:وش أكثر إحساس تحسه بأيامك ؟ مع أبيات معبره لهذا الإحساس ؟

حظوظ البشر توزيعها بـ يد رب البيت=وانا بأمر ربي مقنعٍ نفسي و راضي!!

12: وبعد نهاية الاسئله شنو إحساسك ألحين؟

راحة

أختار .. الأخ موكب