البليهي تفضل

[جرير]

سلام مني ما يعرَف الحد والخط الحمر=يظفي على القرناس ..والدنيا كفا الله شرها
يا صاحبي نبغي تفسر ماحصلك بالخبر=إتزود سوق نحاس.. والدنيا كفا الله شرها

[فواز البذالي]

صح لسانك


والله اني من زمان انتظر هذا اللقاء ..


الله يستر

[البليهي]

ارحب يا جرير


استلم يالغالي

اهلا هلا بك عد ما يقطف من العذق التمر=لك يا عريب الساس .. والدنيا كفى الله شرها
امر تفضل يالخوي مثلك ترى يامر أمر=اكتب على القرطاس .. والدنيا كفى الله شرها

.
.
.

[جرير]

تبقا

يا صديقي

ياللي هلا وأرحب عوايدكم نبي قبل العصر=نشوف حل بناس.. والدنيا كفا الله شرها
الذيب ماهرول عبث ياصاحبي عيد النظر =ويطير منك نعاس.. والدنيا كفا الله شرها

[البليهي]

استلم لاهنت

ندري من اللي منتصر في المعركه واللي خسر=لكن عندي باس .. والدنيا كفى الله شرها
عدنا النظر لكن بلاي الذيب يومنه غدر=كليب مع جساس .. والدنيا كفى الله شرها

.
.
.
.

[البليهي]

فواز موجود


مش معقوله


حياك الله يا فواز

وحدد صفك والا بدعيك بطاروق وامحطك فيه

[جرير]

اقدامنا فوق الثرى هاماتنا فوق القمر=ما نعلن الافلاس.. والدنيا كفا الله شرها
اشوف راع العرق فذنوبه يجاهر يفتخر=العرق ذا دساس .. والدنيا كفا الله شرها

[جرير]

اهلا اهلا

يا فواز الساعه المباركه اللي جابتك

وحنا ننتظرك يا الغالي

تشكرات

[البليهي]

عقالنا جهال في يوم (ن) عبوس(ن) مدهر=ما ينحني ذالراس ... والدنيا كفى الله شرها

فزعاتنا عميا ولا نرضى من العايل عذر=لا دقت الاجراس ... والدنيا كفى الله شرها

[جرير]

اشباركم متفاوته شبره عن شبورك قصر=هذا يعد قياس .. والدنيا كفا الله شرها
لا تاخذك فزعة جهل احسب حساب(ن)للقبر=لا تظلم العساس.. والدنيا كفا الله شرها