هذا بنات اليوم برقع وجوال .. ولاعباية كتف هم يلبسوها

[غدى]

هذا بنات اليوم برقع وجوال .. ولاعباية كتف هم يلبسوها

والراس فوق الراس طرحه مع الشال .. حتى الخصال الطيبة افقدوها

يوم البنات اللي غدٍ سبت اهمال .. ويوم السبايب اهلها هملوها

الأم نامت والابو صار تمثال .. والبنت راحت وين ما يسألوها

بالليل تسهر بين هاتف وجوال .. والا على دش الفلس سهروها

اقفاي هي ما بين الاسواق واقبال .. بلا غرض راحت ولا انشدوها

اللبس تلبس كل ما يطرب البال .. وفلوس لو تنقص عليها عطوها

من شافها باللبس يا ساتر الحال .. يسبها ويسب من خلفوها

كومة لحم وعيون والرمش قتال .. ويلا مشت كل الشباب اتبعوها

هم ما دروا لون البراقع بتنشال .. ونشوف وش تحت البراقع خفوها

يرتاح من صابه من اسبابها هبال .. ويشوف والله من عيونه هووها

وين البنات اللي بهم تضرب امثال .. ليت السلوم الطيبة ما تركوها

البنت زين البنت لا زانت الحال .. ما هو بلبس ولا علوم خذوها

وين المراجل ما بقى غيره ارجال .. ليت الشوارب واللحى حلقوها

اللي على عاره رضي الذل ينقال .. ليت الكرامة ليتهم يرفعوها

ما عاد ينفع قول فيها ولا قال .. لا الأم والله ولا الأبو انفعوها

اصبح ضياع البنت بسباب جوال .. البنت ضاعت والأهل ضيعوها


اختكم غدى العتيبي

[أبو مصعب]

وين البنات اللي بهم تضرب امثال .. ليت السلوم الطيبة ما تركوها
بارك الله فيكِ أختي الفاضلة

[أخو رفعة]

يعطيك العافيه على هالقصيده الحلوه

[غدى]

ابومصعب
الف شكر مرورك
اخورفعه
الله يعافيك وتسلم

اختكم غدى العتيبي

[راكان اليامي]

ما عاد ينفع قول فيها ولا قال .. لا الأم والله ولا الأبو انفعوها

اصبح ضياع البنت بسباب جوال .. البنت ضاعت والأهل ضيعوها


انا اشهد

صح الله لسانش يالسنافيه وذا والله اللي حاصل في ذالزمن

تقبلي سلامي

[غدى]

راكان اليامي صح بدنك وحياك الله

اختك غدى العتيبي

[تركي بن ماضي]

وين المراجل ما بقى غيره ارجال .. ليت الشوارب واللحى حلقوها



لا ابشرك هالحين الموضه شنب مكينه نمره اثنين .


مشاركه حلوه تسلمين صح لسانك وسلم بنانك .

[سلطان بن جفن]

صح الله السانك

ولا قصرتي على الابداع

انتي فعل مبدعه


سلطان

[سوالف ليل]

كومة لحم وعيون والرمش قتال .. ويلا مشت كل الشباب اتبعوها

هم ما دروا لون البراقع بتنشال .. ونشوف وش تحت البراقع خفوها


صح لسانك اختي غدي وجزاك الله كل خير

[غدى]

مرحبا
أخوى تركي بن ماضي
(صح بدنك والله يعطيك العافيه )
سلطان بن جفن
(صح بدنك ومشكور على مرورك)
سوالف ليل
(صح بدنك والف شكر على المرور)
تحياتي
(غدى العتيبي )